ഹൈക്കോടതി ഉത്തരവിനെ തുടര്ന്ന് 4051 പേര്ക്ക് നിയമന ഉത്തരവ് നല്കി... ജോലിയില് പ്രവേശിച്ചത് 1472 പേര്
എംപാനല് കണ്ടക്ടര്മാരെ പിരിച്ചു വിട്ട സാഹചര്യത്തില് ഹൈകോടതി ഉത്തരവിനെ തുടര്ന്ന് പി.എസ്.സി വഴി നിയമനം ലഭിച്ച 1472 പേര് കെ.എസ്.ആര്.ടി.സി കണ്ടക്ടര്മാരായി ഇന്നലെ ജോലിയില് പ്രവേശിച്ചു. 4051 പേര്ക്കാണ് നിയമന ഉത്തരവ് നല്കിയിരുന്നത്. ഭൂരിപക്ഷം പേര്ക്കും വടക്കന് ജില്ലകളിലാണ് നിയമനം നല്കിയത്. 45 ദിവസത്തിനുള്ളില് 500 പേര്കൂടി ജോലിക്കെത്തുമെന്നാണ് മാനേജ്മന്റെിന്റെ പ്രതീക്ഷ. തിരുവനന്തപുരത്തെ കെ.എസ്.ആര്.ടി.സി ആസ്ഥാനമന്ദിരത്തിലാണ് നിയമനനടപടി പൂര്ത്തീകരിച്ചത്. എം.ഡി ടോമിന് ജെ. തച്ചങ്കരി നിയമന ഉത്തരവ് കൈമാറി.
വര്ഷങ്ങളുടെ കാത്തിരിപ്പിനുശേഷം നിയമനം ലഭിച്ച സന്തോഷത്തിലായിരുന്നു ഉദ്യോഗാര്ഥികള്. തിരിച്ചറിയല് രേഖ പരിശോധിച്ചശേഷം ജോലിയില് പ്രവേശിക്കുന്നതിനുള്ള ഉത്തരവ് എം.ഡി തന്നെ കൈമാറി. യൂണിറ്റുകളില് പരിശീലനത്തിനുശേഷം ഒരാഴ്ചക്കുള്ളില് ഇവരെ ബസില് നിയോഗിക്കും. ജോലിക്കെത്താന് അസൗകര്യമുള്ളവര് എം.ഡിക്ക് കത്ത് നല്കിയിട്ടുണ്ട്. ഇവര്ക്ക് 45 ദിവസത്തെ സാവകാശം ലഭിക്കും. തിരുവനന്തപുരം, കൊല്ലം ജില്ലകളിലുള്ളവരാണ് ജോലിയില് പ്രവേശിച്ച ഭൂരിഭാഗം ഉദ്യോഗാര്ഥികളും. ഇവര്ക്ക് വടക്കന് ജില്ലകളിലാണ് നിയമനം
സര്വിസുകള് ഏറെയും മുടങ്ങുന്നത് വടക്കന് ജില്ലകളിലാണ്. റിസര്വ് കണ്ടക്ടര്മാരായാണ് നിയമനം. എന്നാല്, 2012 ല് റിസര്വ് കണ്ടക്ടര് നിയമനം വേണ്ടെന്ന് യൂനിയനും മാനേജ്മന്റെും ധാരണയിലെത്തിയിരുന്നു. അതിനാല് റിസര്വ് കണ്ടക്ടര്മാരായി നിയമനം ലഭിച്ചവര്ക്ക് മതിയായ ആനുകൂല്യം ലഭിക്കില്ലെന്നും ചൂണ്ടിക്കാട്ടുന്നു.
https://www.facebook.com/Malayalivartha
