ക്യാന്സറിന് കാരണമാകുമെന്നോ? ജോണ്സണ് ആന്റ് ജോണ്സന്റെ ഇന്ത്യയിലെ കമ്പനികളില് ഉത്പാദനം നിര്ത്താന് ഉത്തരവ്; പൗഡറില് ആസ്ബെസ്റ്റോസ് ഉപയോഗിക്കുന്നില്ലെന്ന് തെളിയിക്കുന്നത് വരെ നിയന്ത്രണം തുടരുരും
നമ്മുടെ പിഞ്ചോമനകളുടെ പൂമേനിയില് വിതറുന്ന ജോണ്സണ് ആന്റ് ജോണ്സണ് പൗഡറിലെ വിഷം മുമ്പും ചര്ച്ച ചെയ്തതാണ്. ഇപ്പോള് ശക്തമായ തെളിവും കൂടിയായപ്പോള് കാര്യങ്ങള് അമേരിക്കന് കമ്പനിയുടെ കൈവിട്ടുപോയി. പൗഡറുകളിലെ ആസ്ബസ്റ്റോസ് ക്യാന്സറിന് വരെ കാരണമാകുമെന്ന കാര്യം വര്ഷങ്ങളായി ജോണ്സണ് ആന്റ് ജോണ്സണ് കമ്പനിക്ക് അറിയാമായിരുന്നുവെന്ന് റോയിട്ടേഴ്സ് കഴിഞ്ഞ ദിവസം റിപ്പോര്ട്ട് ചെയ്തിരുന്നത്. ഇതിന്റെ അടിസ്ഥാനത്തിലാണ് ഇന്ത്യയിലെ കമ്പനികളിലും അന്വേഷണം നടത്തിയത്.
ജോണ്സണ് ആന്റ് ജോണ്സന്റെ ഇന്ത്യയിലെ രണ്ട് ഫാക്ടറികളില് ബേബി പൗഡറിന്റെ ഉത്പാദനം നിര്ത്തി വക്കാന് സെന്ട്രല് ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷന് ഉത്തരവിട്ടു.
പൗഡറില് ആസ്ബെസ്റ്റോസ് ഉപയോഗിക്കുന്നില്ലെന്ന് തെളിയിക്കുന്നത് വരെ നിയന്ത്രണം തുടരുമെന്നാണ് അധികൃതര് അറിയിച്ചിരിക്കുന്നത്.
പൗഡറുകളിലെ ആസ്ബസ്റ്റോസ് ക്യാന്സറിന് വരെ കാരണമാകുമെന്ന കാര്യം വര്ഷങ്ങളായി ജോണ്സണ് ആന്റ് ജോണ്സണ് കമ്പനിക്ക് അറിയാമായിരുന്നുവെന്ന് റോയിട്ടേഴ്സ് കഴിഞ്ഞ ദിവസം റിപ്പോര്ട്ട് ചെയ്തിരുന്നു. ഇതിന്റെ അടിസ്ഥാനത്തിലാണ് ഇന്ത്യയിലെ കമ്പനികളിലും അന്വേഷണം നടത്തിയത്.
ബുധനാഴ്ച ഇന്ത്യയിലെ കമ്പനിയുടെ ഫാക്ടറികളില് സിഡിഎസ്സിഒ സംഘമെത്തുകയും ഉത്പന്നങ്ങളുടെ സാമ്പിളുകള് ശേഖരിക്കുകയും ചെയ്തിരുന്നു. ഉത്പാദനം നിര്ത്തി വക്കണമെന്ന് കാണിച്ച് ഉത്തരവ് കമ്പനിക്ക് അയച്ചിട്ടുണ്ടെന്നും എന്നാല് കമ്പനി ഇതിനോട് പ്രതികരിച്ചിട്ടില്ലെന്നും സിഡിഎസ്സിഒ വ്യക്തമാക്കി.
ഇത് കാണുമ്പോഴാണ് ജോണ്സണ് ആന്റ് ജോണ്സണെ മലയാളികള് സ്നേഹം ക്രൂരതയാണെന്ന് മനസിലാകുന്നത്. കമ്പനി പറയുന്നതാകട്ടെ
അഞ്ച് രീതിയിലെ സുരക്ഷാ പ്രക്രിയയിലൂടെയാണ് ഉല്പന്നത്തിന്റ ഗുണനിലവാരം ഉറപ്പുവരുത്തുന്നതെന്നാണ്.
ജോണ്സന്റെ ഉത്പന്നങ്ങളുടെ സുരക്ഷാ മാനദണ്ഡങ്ങള് പൂര്ണമായും പാലിച്ചാണ് ഉല്പന്നങ്ങള് വിപണിയില് എത്തിക്കുന്നത്. ഉല്പന്നങ്ങള്ക്കായി തെരഞ്ഞെടുക്കുന്ന അസംസ്കൃത വസ്തുക്കള് കര്ശനമായ സൂക്ഷ്മപരിശോധനയ്ക്കു ശേഷം മാത്രമേ ഉപയോഗിക്കുള്ളൂ. പുതിയ മെറ്റീരിയലിന്റ ഗുണനിലവാരം ഉറപ്പുവരുത്തുവാനായി ശരാശരി ഒരു വര്ഷമെടുക്കും.
അംഗീകാരമുള്ള ടോക്സിക്കോളജിസ്റ്റുകളും മറ്റു വിദഗ്ദ്ധരും തെരഞ്ഞെടുക്കുന്ന അസംസ്കൃത വസ്തുക്കളില് വിഷപദാര്ത്ഥങ്ങള് അടങ്ങിയിട്ടുണ്ടോയെന്ന് സൂക്ഷ്മനിരീക്ഷണത്തിലൂടെ ഉറപ്പുവരുത്തും. പ്രതികൂലമായി കണ്ടെത്തിയാല് ഉല്പന്നം നിരസിക്കും. പതിനഞ്ചലധികം രാജ്യാന്തര നിലവാരം പുലര്ത്തുന്ന ഉല്പന്നങ്ങളാണ് ജോണ്സണ് ആന്റ് ജോണ്സന്റേത്.
ജോണ്സണ് ഉല്പന്നങ്ങളുടെ ഉപയോഗം മൂലം ചര്മത്തില് അലര്ജി ഉണ്ടാക്കാതെ ചര്മത്തിന്റ സ്വഭാവിക ഈര്പ്പം നിലനിര്ത്തി ആരോഗ്യപൂര്ണമായ ചര്മത്തിനു അനുയോജ്യമാണോയെന്നും ക്ലിനിക്കല് ടെസ്റ്റിലൂടെ വിലയിരുത്തും.
ഉപഭോക്താക്കള് ജോണ്സണ് ഉല്പ്പന്നങ്ങള് എങ്ങനെയാണ് ഉപയോഗിക്കുന്നതെന്ന് മനസ്സിലാക്കുവാനും പഠനം നടത്തുവാനുമായി രാജ്യാന്തരതലത്തില് 74,000ലധികം വിദേശികള് പ്രവര്ത്തിക്കുന്നുണ്ട്. ജോണ്സണ് ആന്റ് ജോണ്സന്റെ ഓരോ ഉല്പന്നവും ശ്രദ്ധാപൂര്വ്വം അവലോകനം നടത്തി വിലയിരുത്തുന്നുമുണ്ട്. കുഞ്ഞിന്റെ ആരോഗ്യകരമായ ചര്മത്തെ ജീവിതത്തിനുടനീളം സംരക്ഷിക്കാന് ജോണ്സണ് ഉല്പന്നങ്ങള് ശീലമാക്കാം.
ജോണ്സണ് ആന്റ് ജോണ്സണ് ഉല്പ്പന്നങ്ങള് ഉപയോഗിക്കുന്നവരുടെ അനുഭവങ്ങളും അഭിപ്രായങ്ങളും അറിയാന് ആഗ്രഹിക്കുന്ന ഉപഭോക്താക്കള് മനസിലാക്കണം അഞ്ച്തലത്തിലുള്ള പ്രക്രിയയിലൂടെയാണ് ഉല്പന്നത്തിന്റ ഗുണനിലവാരം ഉറപ്പുവരുത്തുന്നത്. ലോകത്തിലെ ഏറ്റവും മികച്ച ശിശുപരിചരണ ഉല്പന്നങ്ങള് ജോണ്സണ് ആന്റ് ജോണ്സണ് ആണെന്ന് അവര് സാക്ഷ്യപ്പെടുത്തുന്നത്. ഇതിന് പിന്നാലെയാണ് കമ്പനി പൂട്ടാനുള്ള ഉത്തരവ് വന്നതും.
https://www.facebook.com/Malayalivartha
