ജേക്കബ് തോമസിന്റെ സസ്പെന്ഷന് കാലാവധി ആറു മാസത്തേക്ക് കൂടി നീട്ടി
സസ്പെന്ഷനിലായിരുന്ന ഡി.ജി.പി. ജേക്കബ് തോമസിന്റെ സസ്പെന്ഷന് കാലാവധി ആറു മാസത്തേക്ക് കൂടി വീണ്ടും നീട്ടി. ഇത് മൂന്നാം തവണയാണ് കാലാവധി നീട്ടിയത്. ജേക്കബ് തോമസ് തുറമുഖ ഡയറക്ടര് ആയിരിക്കേ ഡ്രജര് വാങ്ങിയതിലെ ക്രമക്കേടുമായി ബന്ധപ്പെട്ട വിജിലന്സ് അന്വേഷണത്തിന്റെ പശ്ചാത്തലത്തിലാണ് പുതിയ സസ്പെന്ഷന്. കഴിഞ്ഞയാഴ്ചയാണ് അന്വേഷണത്തിന് മുഖ്യമന്ത്രി ഉത്തരവിട്ടത്. ജേക്കബ് തോമസിന്റെ കഴിഞ്ഞ സസ്പെന്ഷന് കാലാവധി ഇന്നലെ അവസാനിച്ച സാഹചര്യത്തിലാണു പുതിയ സസ്പെന്ഷന് ഉത്തരവ് പുറപ്പെടുവിച്ചത്. അതേസമയം, ജേക്കബ് തോമസിന്റെ സസ്പെന്ഷന് കാലാവധി ഒരുവര്ഷം പൂര്ത്തിയായ സാഹചര്യത്തില് നീട്ടണമെങ്കില് കേന്ദ്ര പേഴ്സണല് മന്ത്രാലയത്തിന്റെ അനുമതി വേണം. കേന്ദ്രാനുമതിക്കായി അപേക്ഷിച്ചെങ്കിലും മറുപടി ലഭിച്ചിട്ടില്ല.
ഓഖി ദുരിതാശ്വാസപ്രവര്ത്തനത്തില് സര്ക്കാറിന് വീഴ്ച സംഭവിച്ചെന്ന് ആക്ഷേപം ഉന്നയിച്ചതോടെ ജേക്കബ് തോമസിനെ കഴിഞ്ഞ ഡിസംബര് 19 നാണ് ആദ്യം സസ്പെന്ഡ് ചെയ്തത്. എന്നാല്, സസ്പെന്ഷന് കേന്ദ്രസര്ക്കാര് അംഗീകരിച്ചില്ല. ജേക്കബ് തോമസ് സര്വിസില് തിരികെ പ്രവേശിക്കുമെന്ന സാഹചര്യം വന്നപ്പോള് ചട്ടങ്ങള് ലംഘിച്ച് പുസ്തകമെഴുതിയെന്ന കാരണം ചൂണ്ടിക്കാട്ടി വീണ്ടും സര്ക്കാര് സസ്പെന്ഡ് ചെയ്തു. ഇക്കാര്യങ്ങള് പരിശോധിക്കാന് ആരോഗ്യ അഡീഷനല് ചീഫ് സെക്രട്ടറി രാജീവ് സദാനന്ദന്റെ നേതൃത്വത്തില് സമിതിയെയും നിയോഗിച്ചു.
https://www.facebook.com/Malayalivartha
