ആചാരം ലംഘിക്കുന്നവര്‍ സംസ്‌കാര ശൂന്യരെന്ന് സിനിമാതാരവും എംപിയുമായ സുരേഷ് ഗോപി. അവര്‍ ചെയ്യുന്ന പ്രവര്‍ത്തികള്‍ തലമുറയെ തകര്‍ക്കാന്‍ മാത്രമേ ഉപകരിക്കുകയുള്ളൂ. ആചാര ലംഘനം നടത്തി പ്രശസ്തി നേടാമെന്നാണ് ചിലരുടെ വിചാരം. പക്ഷെ അവര്‍ അറിയുന്നില്ല ഒരു തലമുറയെ വേദനിപ്പിക്കുന്നുവെന്ന്. ചിലര്‍ ശബരിമലയെ ലക്ഷ്യം വച്ച് മുന്നോറുകയാണ്. അതൊന്നും നടക്കാന്‍ പോകുന്നില്ല. തിരുവന്തപുരത്ത് ശോഭ സുരേന്ദ്രന്‍ നടത്തുന്ന നിരാഹാര സമരത്തില്‍ പങ്കെടുത്ത് സംസാരിക്കുകയായിരുന്നു സുരേഷ് ഗോപി. 

നേരത്തെ സുരേഷ് ഗോപി കാണിക്കയിടരുന്നും സ്ത്രീകള്‍ക്ക് അയ്യപ്പക്ഷേത്രം പണിയുമെന്നും ആഹ്വാനം ചെയ്തത് ഏറെ വിവാദമായിരുന്നു. കേരളത്തിലെ ടൂറിസ്റ്റുകളുടെ എണ്ണത്തില്‍ കുറവുണ്ടായെങ്കില്‍ അതിനുകാരണം സര്‍ക്കാര്‍ ആണെന്നും ശബരിമല വിഷയത്തില്‍ സര്‍ക്കാരിന്റെ നിലപാടുകള്‍ അവിടെയുള്ള വ്യാപാരികളുടെ അടക്കം ജീവിതം നശിപ്പിച്ചെന്നും സുരേഷ് ഗോപി അന്ന് വ്യക്തമാക്കിയിരുന്നു. 

സുപ്രീം കോടതി വിലയിരുത്തല്‍ നടത്തണം. വിധിയുടെ പുനപരിശോധന നടത്തുമ്പോള്‍ ഉണ്ടാകുന്ന തിരുത്തലുകള്‍ സുപ്രീം കോടതിയെ പ്രണയിക്കാനുളള അന്തരീക്ഷം ഒരുക്കുന്നതാകട്ടെ. ഈശ്വരവിശ്വാസത്തിന്റെ പേരില്‍ ആരാധനയുടെ പേരില്‍ സമാധാന അന്തരീക്ഷം വേണം. സംസ്ഥാനത്തുവരുന്ന ടൂറിസ്റ്റുകളുടെ എണ്ണത്തില്‍പോലും അരക്ഷിതാവസ്ഥ ഉണ്ടായിട്ടുണ്ടെങ്കില്‍ അതിന്റെ കാരണം സര്‍ക്കാര്‍ തന്നെയാണ്. ഭൂമി പണയംവെച്ച് കടമെടുത്ത് വ്യാപാരത്തില്‍ ഏര്‍പ്പെട്ടിരുന്ന പത്തനംതിട്ട, പമ്പ സ്ഥലങ്ങളിലെ ആളുകളൊക്കെ നഷ്ടത്തിലാണ്.

ശബരിമല തീര്‍ത്ഥാടനത്തിലൂടെ വരുന്ന സമ്പാദ്യം നശിപ്പിച്ചിരിക്കുകയാണ് ഈ സര്‍ക്കാര്‍. മുഖ്യമന്ത്രി ഒരുതിരിച്ചു പോക്കുനടത്തിയാല്‍ കയ്യടിച്ച് ഞങ്ങള്‍ പ്രോത്സാഹിപ്പിക്കും. ദുരഭിമാനംവെടിഞ്ഞ് അദ്ദേഹം മുന്നോട്ട് വരണമെന്നും സുരേഷ് ഗോപി പറഞ്ഞുരുന്നു. 

ശോഭാ സുരേന്ദ്രനെ സന്ദര്‍ശിച്ച ശേഷം നെയ്യാറ്റിന്‍കരയില്‍ കൊല്ലപ്പെട്ട സനലിന്റെ ഭാര്യയെ സുരേഷ് ഗോപി കണ്ടു. കുടുംബം എടുത്ത വായ്പ തുക തിരിച്ചടയ്ക്കാമെന്ന് സുരേഷ് ഗോപി എം.പി പറഞ്ഞത് ഏറെ ചര്‍ച്ചയായി. വീട് പണയം വെച്ച് വനിതാ വികസന കോര്‍പറേഷനില്‍ നിന്നും എടുത്ത വായ്പ തിരിച്ചടക്കാമെന്ന് സുരേഷ് ഗോപി ഉറപ്പുനല്‍കിയത്. ഉപാധികളോടെ സമരം അവസാനിപ്പിക്കണമെന്ന സി.പി.എം നിലപാട് അപലപനീയമാണെന്നും അദ്ദേഹം പറഞ്ഞു.

വിജിയുടെ കുടുംബത്തിന് തന്നാല്‍ കഴിയുന്ന ചെറിയൊരു കൈത്താങ്ങ് മാത്രമാണ് നല്‍കുന്നത്. വനിതാ കോര്‍പ്പറേഷനില്‍ നിന്നും എടുത്ത വായ്പയില്‍ ജപ്തി നടപടികള്‍ ഒഴിവാക്കുന്നതിന് മൂന്ന് ലക്ഷം രൂപ നാളെ തന്നെ കോര്‍പറേഷനില്‍ തിരിച്ചടക്കും.

എന്നാല്‍ കോര്‍പ്പറേഷന്‍ പലിശ ഒഴിവാക്കിത്തരണം. സനിലിന്റെ കുടുംബം ന്യായമായ ആവശ്യങ്ങള്‍ക്ക് വേണ്ടി നടത്തുന്ന സമരം ഉപാധികളോടെ അവസാനിപ്പിക്കാന്‍ ആവശ്യപ്പെട്ടത് അപഹാസ്യമാണ്. സമരം അവസാനിപ്പിക്കാന്‍ ഇന്ന് തന്നെ മുഖ്യമന്ത്രി ഇടപെടണമെന്നും അദ്ദേഹം ആവശ്യപ്പെട്ടു.