ഓഫീസ് സമയത്ത് വനിതാ മതിലില് സര്ക്കാര് ജീവനക്കാരെ പങ്കെടുപ്പിക്കുന്നതില് വ്യാപക പ്രതിഷേധം... ജോലി തടസ്സപ്പെടുമെന്ന കാരണത്താല് ഓണപ്പൂക്കളം ഒരുക്കുന്നത് തടഞ്ഞ മുഖ്യമന്ത്രി പിണറായി വിജയനാണ് ഇന്ന് സര്ക്കാര് സംവിധാനങ്ങള് ദുരുപയോഗം ചെയ്ത് വനിതാ മതില് പണിയാനുള്ള നീക്കം നടത്തുന്നതെന്ന് ബിജെപി സംസ്ഥാന അദ്ധ്യക്ഷന്
കുറിക്കുകൊള്ളുന്ന കമെന്റുമായി ശ്രീധരന് പിള്ള. ജോലി തടസ്സപ്പെടുമെന്ന കാരണത്താല് ഓണപ്പൂക്കളം ഒരുക്കുന്നത് തടഞ്ഞ മുഖ്യമന്ത്രി പിണറായി വിജയനാണ് ഇന്ന് സര്ക്കാര് സംവിധാനങ്ങള് ദുരുപയോഗം ചെയ്ത് വനിതാ മതില് പണിയാനുള്ള നീക്കം നടത്തുന്നതെന്ന് ബിജെപി സംസ്ഥാന അദ്ധ്യക്ഷന് അഡ്വ പി എസ് ശ്രീധരന്പിള്ളയുടെ വാക്കുകള് വൈറലാവുകയാണ്.
സര്ക്കാര് ഉദ്യോഗസ്ഥര് കടമ മറക്കരുതെന്നും ജനസേവനമാണ് മുഖ്യലക്ഷ്യമെന്നും കല്പ്പിക്കുന്ന പിണറായി രാഷ്ട്രീയ കൊയ്ത്തിന് സര്ക്കാര് സംവിധാനങ്ങള് പൂര്ണ്ണമായി ഉപയോഗിക്കുകയാണ്. രാഷ്ട്രീയ ലാഭത്തിന് വേണ്ടി സര്ക്കാര് ഉദ്യോഗസ്ഥരേയും സംവിധാനങ്ങളേയും ഉപയോഗപ്പെടുത്തുന്ന പിണറായിയുടെ നീക്കം തെറ്റായ കീഴ് വഴക്കം സൃഷ്ട്ടിക്കാനേ ഉപകരിക്കൂ.
ദേശീയ തൊഴിലുറപ്പ് പദ്ധതി ഗുണഭോക്താക്കളേയും ആശാ വര്ക്കര്മാരേയും കുടുംബശ്രീ പ്രവര്ത്തകരേയും നിര്ബന്ധിച്ചും ഭീഷണിപ്പെടുത്തിയും ഭരണ സ്വാധീനം ഉപയോഗിച്ചുമൊക്കെ മതിലില് പങ്കാളികളാക്കാനാണ് സര്ക്കാര് ശ്രമം. ഇതിനായി വകുപ്പ് സെക്രട്ടറിമാര് ഉത്തരവിറക്കുകയും ചെയ്യുന്നുണ്ട്. ഇത് ജനാധിപത്യ വിരുദ്ധമാണ്. മതിലിന്റെ പേരില് വ്യാപകമായ പിരിവാണ്.
ജോലി സമയത്ത് വിളംബര ജാഥയ്ക്കും ചുവരെഴുത്തിനും പോസ്റ്റര് ഒട്ടിക്കാനുമൊക്കെ നടക്കുന്ന ഉദ്യോഗസ്ഥരെ അതില് നിന്ന് പിന്തിരിപ്പിക്കണം. സ്വന്തം നിലയില് ആളെക്കൂട്ടാനുള്ള സിപിഎമ്മിന്റെ കഴിവില് വിശ്വാസമില്ലാത്തതു കൊണ്ടാണോ സര്ക്കാര് സംവിധാനം ഉപയോഗിക്കുന്നതെന്ന് പിണറായി വ്യക്തമാക്കണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
