ശബരിമല യുവതി പ്രവേശന വിഷയത്തില് ബിജെപിയും കോണ്ഗ്രസും നേട്ടം കൊയ്തപ്പോള് അവസാന വിജയം നേടാനൊരുങ്ങി പിണറായി വിജയന്, വനിതാ മതില് യൂണിവേഴ്സല് റെക്കോഡ്സ് ഫോറം നിരീക്ഷിക്കുന്നു, ഇനി ലോക റെക്കോര്ഡ് കൂടി അടിച്ചെടുത്താല് പിന്നെ പിണറായി സൂപ്പര്മാന്
നവോത്ഥാന മൂല്യങ്ങള് സംരക്ഷിക്കുക എന്ന മുദ്രാവാക്യമുയര്ത്തി കാസര്കോട് മുതല് തിരുവനന്തപുരം വരെ ജനുവരി ഒന്നിന് സംഘടിപ്പിക്കുന്ന വനിതാ മതില് യൂണിവേഴ്സല് റെക്കോഡ്സ് ഫോറം നിരീക്ഷിക്കും. ഇനി ലോക റെക്കോര്ഡ് കൂടി അടിച്ചെടുത്താല് പിന്നെ പിണറായി സൂപ്പര്മാന്.
ലോക റെക്കോഡിലേക്ക് പരിഗണിക്കുന്നതിന് ആവശ്യമായ രേഖകള്, വീഡിയോകള് എന്നിവ തത്സമയം പകര്ത്തുന്നതിനായി ജൂറി അംഗങ്ങളെ 10 ജില്ലകളിലായി യൂണിവേഴ്സല് റെക്കോഡ് ഫോറം ജൂറി ചെയര്മാന് ഡോ. സുനില് ജോസഫ് നിയമിച്ചു. ഓരോ ജില്ലകളിലും ഇവരെ സഹായിക്കാന് 20 പേരടങ്ങുന്ന കോര്ഡിനേഷന് കമ്മിറ്റി ഉണ്ടാകും. ഈ കമ്മിറ്റിക്ക് ആവശ്യമായ സഹായങ്ങള് നല്കുന്നതിന് സമിതിയുടെ സന്നദ്ധ പ്രവര്ത്തകരും ഉണ്ടാകും. എല്ഡിഎഫിന്റെയും ഇടതു മഹിളാ യുവജന വിദ്യാര്ഥി സംഘടനകളുടെയും പിന്തുണ വനിതാ മതിലിനുണ്ട്. നവോത്ഥാന സംരക്ഷണ സമിതിയുടെ നേതൃത്വത്തില് 176 സംഘടനകള്ക്ക് പുറമെ രാഷ്ട്രീയ സാമൂഹ്യ സാംസ്കാരിക രംഗത്തെ നിരവധി സംഘടനകളും അണിചേരും. ചരിത്ര സംഭവം കാണാന് ലോകത്തിന്റെ നാനാഭാഗത്തു നിന്നും മാധ്യമ സംഘം എത്തി തുടങ്ങി.
സ്ത്രീകള് മാത്രം കിലോമീറ്ററുകളോളം അണിനിരക്കുന്ന ഈ കാഴ്ച്ച അപൂര്വമാണെന്നാണ് മാധ്യമപ്രവര്ത്തകരുടെ വിലയിരുത്തല്.
സര്ക്കാര് സ്പോണ്സേര്ഡ് പാര്ട്ടി പരിപാടിയെന്ന് പറഞ്ഞു പ്രതിപക്ഷം മതിലിനെ അക്രമിക്കുമ്പോഴും മൂര്ച്ച പോരാ.ഗ്രൂപ്പ് പോരില് തളര്ന്ന കോണ്ഗ്രസിന് വേണ്ടത്ര ആക്രമണ വീര്യം പോരാ. ശബരിമല സമരം ജ്വലിപ്പിക്കാന് ശ്രമിച്ചു വിവാദങ്ങളില് പെട്ട ബിജെപി അധ്യക്ഷന് പി എസ് ശ്രീധരന് പിള്ള, മുത്തലാഖിലെ ഇരട്ടത്താപ്പിന് കൈയോടെ പിടിയിലായ പികെ കുഞ്ഞാലിക്കുട്ടി. നവോത്ഥാന മതിലില് അണിയാകാന് കേരളം ഒരുങ്ങുമ്പോള് പ്രതിപക്ഷ നേതൃനിര പതറുകയാണ്. മുത്തലാഖിന്റെ വോട്ടെടുപ്പില്നിന്ന് മുങ്ങിയ മുസ്ലിംലീഗ് നേതാവ് പി കെ കുഞ്ഞാലിക്കുട്ടിയുടെ നടപടി വിവാദവുമായി.
ലോകറിക്കോര്ഡിലിടം പിടിച്ചാല് വനിതാമതില് ചരിത്രത്തില് ഇടംനേടും. ശബരിമല സമരത്തിന്റെ പേരില് ബിജെപിയില് ഏറ്റവും പഴി കേള്ക്കുന്ന നേതാവാണ് ശ്രീധരന്പിള്ള. ശബരിമല 'സുവര്ണാവസര'മാണെന്ന് സ്വപ്നം കണ്ട പിള്ള . ശബരിമല കര്മസമിതിയുടെ പേരില് കഴിഞ്ഞ ദിവസം കൊളുത്തിയ ജ്യോതി ഉജ്ജ്വലമായിരുന്നുവെങ്കിലും വേണ്ടത്ര ജ്വലിപ്പിച്ചുനിര്ത്താന് പിന്നീട് കഴിഞ്ഞില്ല. എന്ഡിഎ കണ്വീനര് തുഷാര് വെള്ളാപ്പള്ളി ജ്യോതി തെളിക്കാനിറങ്ങാതെ, വര്ഗീയ മതിലെന്ന ആരോപണത്തിനെതിരെ രംഗത്തിറങ്ങിയത് ബിജെപിക്ക് ആഘാതമായി. നേര്ക്കുനേര് പോരാടി വിവാദങ്ങളെ നിസ്സാരങ്ങളാക്കി ഒടുവില് വനിതാ മതിലിനു കൈകോര്ക്കാനൊരുങ്ങുകയാണ് പിണറായിയുടെ രാഷ്ട്രീയ വൈഭവം.
https://www.facebook.com/Malayalivartha
