86ാമത് ശിവഗിരി തീര്ഥാടനത്തിന് ഇന്നു തുടക്കം. പുലര്ച്ചെ ശിവഗിരിമഠത്തിലെ പര്ണശാലയിലും ശാരദ മഠത്തിലും ശ്രീനാരായണ ഗുരുവിന്റെ സമാധി മണ്ഡപത്തിലും വിശേഷാല് പൂജകളും പ്രാര്ഥനയും നടക്കും
86ാമത് ശിവഗിരി തീര്ഥാടനത്തിന് ഞായറാഴ്ച തുടക്കം. പുലര്ച്ചെ ശിവഗിരിമഠത്തിലെ പര്ണശാലയിലും ശാരദ മഠത്തിലും ശ്രീനാരായണ ഗുരുവിന്റെ സമാധി മണ്ഡപത്തിലും വിശേഷാല് പൂജകളും പ്രാര്ഥനയും നടക്കും. തുടര്ന്ന് പാഞ്ചജന്യം ഓഡിറ്റോറിയത്തിന്റെ മുന്നിലെ കൊടിമരത്തില് ശ്രീനാരായണ ധര്മസംഘം ട്രസ്റ്റ് മുന് പ്രസിഡന്റ് സ്വാമി പ്രകാശാനന്ദ പീത പതാക ഉയര്ത്തുന്നതോടെ മൂന്നുനാള് നീളുന്ന തീര്ഥാടനം ആരംഭിക്കും.
രാവിലെ പത്തിന് തീര്ഥാടന സമ്മേളനം ഗവര്ണര് ജസ്റ്റിസ് പി. സദാശിവം ഉദ്ഘാടനം ചെയ്തു ധര്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അധ്യക്ഷതവഹിക്കും. മന്ത്രി എ.കെ. ബാലന്, കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് എം.പി, കെ.സി. വേണുഗോപാല് എം.പി, എന്.കെ. പ്രേമചന്ദ്രന് എം.പി, റിച്ചാര്ഡ് ഹേ എം.പി, ബി.ജെ.പി സംസ്ഥാന പ്രസിഡന്റ് പി.എസ്. ശ്രീധരന്പിള്ള, വി. ജോയി എം.എല്.എ തുടങ്ങിയവര് സംബന്ധിച്ചു
തീര്ഥാടനത്തോടനുബന്ധിച്ച് നടന്ന കായികമത്സരങ്ങളുടെ എവര് റോളിങ് ട്രോഫികളും സമ്മാനിക്കും. ശിവഗിരി ടി.വിയുടെ ലോഗോ പ്രകാശനവും നടക്കും. ഉച്ചക്ക് 12.30ന് 'വിദ്യാഭ്യാസവും കൈത്തൊഴിലും' എന്ന വിഷയത്തിലെ സെമിനാര് മന്ത്രി പ്രഫ. സി. രവീന്ദ്രനാഥ് ഉദ്ഘാടനം ചെയ്യും. ഉന്നത വിദ്യാഭ്യാസ കൗണ്സില് വൈസ് ചെയര്മാന് ഡോ. പി.എം. രാജന് ഗുരുക്കള് അധ്യക്ഷതവഹിക്കും. വൈകീട്ട് 3.30ന് സാഹിത്യസമ്മേളനം ഡോ. ശശി തരൂര് എം.പി ഉദ്ഘാടനം ചെയ്യും.
https://www.facebook.com/Malayalivartha
