വനിതാമതിലിന് ശേഷം കേരളം ചെകുത്താന്റെ നാടാകുമെന്ന് എന്.എസ്.എസ് ജനറല് സെക്രട്ടറി സുകുമാരന് നായര്, മുഖ്യമന്ത്രി വിചാരിച്ചാല് ആചാരം തകര്ക്കാനൊക്കില്ല, ഒരു സമുദായ നേതാവ് കേന്ദ്രപൊലീസിന്റെ സഹായത്തോടെയാണ് നടക്കുന്നതെന്നും വെള്ളാപ്പള്ളിക്കെതിരെ പരിഹാസം
മുഖ്യമന്ത്രി പിണറായി വിജയേനും സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനേയും ആര്.ബാലകൃഷ്ണപിള്ളയേയും പൊളിച്ചടുക്കി എന്.എസ്.എസ് ജനറല് സെക്രട്ടറി ജി. സുകുമാരന് നായര്. ഏത് മുഖ്യമന്ത്രി വിചാരിച്ചാലും ആചാരങ്ങള് തകര്ക്കാനൊക്കില്ലെന്നും സര്ക്കാരിന് മുന്നില് മുട്ടുമടക്കില്ലെന്നും അദ്ദേഹം വ്യക്തമാക്കി. അഖിലകേരള നായര് പ്രതിനിധി സമ്മേളനത്തില് സ്വാഗതപ്രസംഗം നടത്തുകയായിരുന്നു അദ്ദേഹം സമദൂരത്തെ എതിര്ക്കാന് മുഖ്യമന്ത്രിക്ക് അവകാശമില്ല.
എന്.എസ്.എസിന് രാഷ്ട്രീയമില്ല. സമദൂരവുമായി മുന്നോട്ട് പോകും സമുദായ അംഗങ്ങള്ക്ക് ഇഷ്ടമുള്ള രാഷ്ട്രീയ പാര്ട്ടികളില് അംഗമാകാം. ആചാരവും നവോത്ഥാനവും തമ്മില് എന്ത് ബന്ധമെന്നും സുകുമാരന് നായര് ചോദിച്ചു. ശബരിമലയിലെ സര്ക്കാര് നിലപാടിനെ എതിര്ത്ത് പ്രമേയവും പാസാക്കി. പ്രതിനിധികള് വലിയ കയ്യടിയോടെയാണ് പ്രമേയം പാസാക്കിയത്.
ശബരിമലയ വിഷയത്തില് സര്ക്കാര് എത്രതവണ മലക്കം മറിഞ്ഞു. വനികാ മതിലിന് ശേഷം കേരളത്തെ ചെകുത്താന്റെ നാടാക്കി മാറ്റാനാണ് സര്ക്കാര് നീക്കം. സര്ക്കാര് നീക്കം ഗാന്ധിയന് മാര്ഗത്തിലൂടെ നേരിടുമെന്നും സുകുമാരന് നായര് വ്യക്തമാക്കി. എന്.എസ്.എസ് മന്നത്തിന്റെ പാതയിലല്ലെന്ന് പറയാന് മുഖ്യമന്ത്രിക്ക് അവകാശമില്ല. സര്ക്കാര് കയ്യിലുണ്ടെന്ന് കരുതി ആചാരങ്ങള് തകര്ക്കാന് മുഖ്യമന്ത്രി നോക്കണ്ട. സംഘടനയ്ക്കുള്ളില് രാഷ്ട്രീയം കലര്ത്താന് അനുവദിക്കില്ല. അംഗങ്ങള്ക്ക് ഏത് രാഷട്രീയ പാര്ട്ടിയിലും പ്രവര്ത്തിക്കാം. ശബരിമല വിഷയത്തില് പ്രതികരിച്ചത് എല്ലാവര്ക്കും വേണ്ടിയാണ്. ആചാരവും അനാചാരവും അറിയാത്തവര് നവോത്ഥാനം പഠിപ്പിക്കാന് വരേണ്ട. ഒരു സമുദായ നേതാവ് കേന്ദ്ര പൊലീസിന്റെ അകമ്പടിയോടെ നടക്കുകയാണെന്ന് വെള്ളാപ്പള്ളി നടേശനെ പേരെടുത്ത് പറയാതെ സുകുമാരന് നായര് വിമര്ശിച്ചു.
സവര്ണ അവര്ണ വേര്തിരിവുണ്ടാക്കാനാണ് സര്ക്കാര് ശ്രമിക്കുന്നത്. എല്ലാ പാര്ട്ടികളോടുമുള്ളത് സമദൂരമാണ്. ആചാരങ്ങള് എന്തുമാകാമെന്ന് മുഖ്യമന്ത്രി കരുതരുത്. കയ്യൂക്ക് വെച്ച് ആചാരം തകര്ക്കാന് ഒരു മുഖ്യമന്ത്രി വിചാരിച്ചാലും നടക്കില്ലെന്നും സുകുമാരന് നായര് വ്യക്തമാക്കി. ഇതോടെ സര്ക്കാരും എന്.എസ്.എസും തമ്മിലുള്ള അകല്ച്ച കൂടുതലായി. വരും ദിവസങ്ങളിലും സി.പി.എമ്മും സര്ക്കാരും എന്.എസ്.എസുമായുള്ള പോര് കടുക്കുമെന്നാണ് സുകുമാരന് നായരുടെ പ്രസംഗം വ്യക്തമാക്കുന്നത്. അതേസമയം എന്.എസ്.എസുമായി ചര്ച്ചയ്ക്ക് ഇനിയും തയ്യാറാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് വ്യക്തമാക്കി.
https://www.facebook.com/Malayalivartha
