എന്.എസ്.എസിന് ബി.ജെ.പിയോട് സ്നേഹം കൂടിയെന്ന് സംസ്ഥാന അധ്യക്ഷന് പി.എസ് ശ്രീധരന്പിള്ള, ശബരിമലയിലെ ആചാരങ്ങള് സംരക്ഷിക്കാന് വിശ്വാസികള്ക്കൊപ്പം നിന്നത് ബി.ജെ.പിയാണ്, അതിന്റെ സ്നേഹം എന്.എസ്.എസിന് ഉണ്ടാവുക സ്വാഭാവികമാണെന്നും പിളള
എന്.എസ്.എസിന് ബി.ജെ.പിയോട് സ്നേഹം കൂടിയെന്ന് സംസ്ഥാന അധ്യക്ഷന് പി.എസ് ശ്രീധരന്പിള്ള. മന്നത്ത് പദ്മനാഭന്റെ 142ാമത് ജയന്തി ആഘോഷങ്ങളോട് അനുബന്ധിച്ച് പെരുന്നയിലെ എന്.എസ്.എസ് ആസ്ഥാനത്ത് എത്തിയ അദ്ദേഹം മാധ്യമങ്ങളോട് സംസാരിക്കുകയായിരുന്നു. മന്നം സമാധിയില് ഇതേ ദിവസം എല്ലാ കൊല്ലവും പുഷ്പാര്ച്ചന നടത്താറുണ്ട്. ഇക്കൊല്ലവും നടത്തി. ശബരിമലയിലെ ആചാരങ്ങള് സംരക്ഷിക്കാന് വിശ്വാസികള്ക്കൊപ്പം നിന്നത് ബി.ജെ.പിയാണ്. അതിന്റെ സ്നേഹം എന്.എസ്.എസിന് ഉണ്ടാവുക സ്വാഭാവികമാണെന്നും അദ്ദേഹം പറഞ്ഞു. സമദൂരനിലപാട് നിലനിര്ത്തിക്കൊണ്ട് അവര്ക്ക് ബി.ജെ.പിയോട് സ്നേഹം കൂടുതലുണ്ടെന്നും ആചാരങ്ങള് സംരക്ഷിക്കാന് ബി.ജെ.പി ഏറെ ത്യാഗങ്ങള് സംരക്ഷിച്ചെന്നും ശ്രീധരന്പിള്ള വ്യക്തമാക്കി.
ശ്രീധരന്പിള്ളയ്ക്ക് എന്.എസ്.എസുമായുള്ള വ്യക്തിപരമായ അടുപ്പമാണ് അദ്ദേഹത്തിന്റെ അധ്യക്ഷസ്ഥാനത്തിനും ബി.ജെ.പിക്ക് എന്.എസ്.എസുമായി അടുക്കുന്നതിനും വഴിയൊരുക്കിയത്. സുപ്രീംകോടതിയില് ഉള്പ്പെടെ എന്.എസ്.എസിന്റെ കേസുകള് കൈകാര്യം ചെയ്യുന്നതില് പ്രധാന പങ്ക് വഹിക്കുന്നത് അഭിഭാഷകനായ ശ്രീധരന്പിള്ളയാണ്. ശബരിമല യുവതീപ്രവേശനത്തെ എല്ലാ രാഷ്ട്രീയ പാര്ട്ടികളും സ്വാഗതം ചെയ്തെങ്കിലും എന്.എസ്.എസ് നേതൃത്വം നാമജപവുമായി തെരുവില് ഇറങ്ങിയതോടെ പലരും നിലപാട് മാറ്റി. എന്.എസ്.എസിന് പിന്തുണ നല്കി ബി.ജെ.പി വിശ്വാസികള്ക്ക് ഇടയിലേക്ക് ഇറങ്ങിച്ചെന്നു. തുടര്ന്ന് പ്രക്ഷോഭം അവര് ശബരിമലയിലേക്ക് മാറ്റി. ഹൈക്കോടതി വിധി തിരിച്ചടിയായെങ്കിലും സമരം സെക്രട്ടറിയേറ്റ് പടിക്കലേക്ക് നീങ്ങി.
ബി.ജെ.പി സംസ്ഥാന ജനറല്സെക്രട്ടറി കെ.സുരേന്ദ്രന് ശബരിമലയിലേക്ക് പോകുംവഴി അറസ്റ്റ് ചെയ്ത സര്ക്കാര്നടപടിയെ വിമര്ശിച്ച് എന്.എസ്.എസ് മുഖപത്രമായ സര്വ്വീസസ് ലേഖനം എഴുതിയിരുന്നു. ഹിന്ദുഐക്യവേദി സംസ്ഥാന അധ്യക്ഷ കെ.പി ശശികല ടീച്ചറെ സന്നിധാനത്തേക്ക് പോകുംവഴി അറസ്റ്റ് ചെയ്തതിനെയും വിമര്ശിച്ചിരുന്നു. ശബരിമലയില് എന്ത് വേണമെന്ന് ഭക്തരാണ് തീരുമാനിക്കുന്നതെന്നും സുകുമാരന് നായര് ആഞ്ഞടിച്ചു. ഇതെല്ലാം ബി.ജെ.പി പ്രവര്ത്തകര്ക്ക് ആവേശം നല്കി. എന്.എസ്.എസിന്റെ നിലപാടുകളെ ബി.ജെ.പി നേതാക്കള് സ്വാഗതം ചെയ്തു.
ശബരിമലയില് ബി.ജെ.പി നേതാക്കള് സമരം നടത്തുന്നതിനിടെയാണ് പന്തളത്തും പത്തനംതിട്ടയിലും ഉള്പ്പെടെ തദ്ദേശ ഉപതെരഞ്ഞെടുപ്പ് നടന്നത്. ഭക്തജന പിന്തുണ വോട്ടാക്കാന് ബി.ജെ.പിക്ക് കഴിഞ്ഞില്ല. എന്നാല് പിന്നീട് ശബരിമല സമരം ശക്തമായി. എന്.എസ്.എസും സര്ക്കാരും തമ്മിലുള്ള ഏറ്റുമുട്ടല് ശക്തമായി. അതോടെ ബി.ജെ.പിക്ക് കൂടുതല് പിന്തുണ എന്.എസ്.എസില് നിന്ന് ലഭിച്ചു. വരുന്ന ലോക്സഭാ തെരഞ്ഞെടുപ്പില് ഇത് വോട്ടാക്കി മാറ്റാന് കഴിയുമെന്ന ആത്മവിശ്വാസത്തിലാണ് ബി.ജെ.പി.
https://www.facebook.com/Malayalivartha
