മുഖ്യമന്ത്രിക്കും പോലീസ് സേനയ്ക്കുമെതിരെ ഫേസ്ബുക്കിലൂടെ വ്യാജ പോസ്റ്റുകൾ ഷെയർ ചെയ്ത
കൊല്ലം കമ്മിഷണര്‍ ഓഫീസിലെ ജൂനിയര്‍ സൂപ്രണ്ടും എന്‍.ജി.ഒ അസോസിയേഷന്‍ നേതാവുമായ എസ്. ഷിബുവിനെതിരെ കേസ് . കൊല്ലം ഈസ്റ്റ് പൊലീസാണ് ഇദ്ദേഹത്തിനെതിരെ കേസെടുത്തിരിക്കുന്നത്.

ഐ.പി.സി 409, അപകീര്‍ത്തി പ്പെടുത്തിയതിന് ഐ.പി.സി 500, പൊലീസ് ആക്ടിലെ 120 ഒ എന്നീ വകുപ്പുകള്‍ പ്രകാരമാണ് കേസ്.

യുവതി പ്രവേശനവുമായി ബന്ധപ്പെട്ട പോസ്റ്റുകളാണ് മുഖ്യമന്ത്രിക്കും സേനയിലെ ഒരു ഉദ്യോഗസ്ഥനുമെതിരെ ഷിബു ഷെയർ ചെയ്തത്. ഇതിന് പുറമെ രാഷ്ട്രീയ ചുവയുള്ള നിരവധി പോസ്റ്റുകൾ ഇയാൾ ഷെയർ ചെയ്തിട്ടുണ്ടായിരുന്നു.കേസിനാസ്പദമായ പോസ്റ്റുകൾ ഷിബു ഫേസ്ബുക്കിൽ നിന്ന് നീക്കിയെങ്കിലും സൈബർ സെൽ അവ വീണ്ടെടുത്തിട്ടുണ്ട്. പൊലീസ് ഉദ്യോഗസ്ഥരുടെ പരാതിയുടെ അടിസ്ഥാനത്തില്‍ സ്‌പെഷ്യല്‍ ബ്രാഞ്ച് പ്രത്യേകം റിപ്പോര്‍ട്ട് തയ്യാറാക്കുകയിരുന്നു. ഈ റിപ്പോര്‍ട്ടിന്റെ അടിസ്ഥാനത്തിലാണ് കേസെടുത്തത്.അറസ്റ്റിനും സാദ്ധ്യതയുണ്ട്.