ആദരാഞ്ജലി അര്പ്പിക്കലും പടക്കം പൊട്ടിക്കലും... വിവാദം കെട്ടടങ്ങും മുൻപേ കാഞ്ഞങ്ങാട് നെഹ്റു കോളജ് മുന് പ്രിന്സിപ്പല് പി.വി. പുഷ്പജയുടെ വീടിന് നേരെ ബോംബേറ്...
വനിതാ മതിലുമായി ബന്ധപ്പെട്ട് പുഷ്പജ, സംഘപരിവാര് ആഭിമുഖ്യമുള്ള ചാനലിന് അഭിമുഖം നല്കിയതില് പ്രാദേശിക സിപിഎം പ്രവര്ത്തകരില് നിന്ന് ഭീഷണിയുണ്ടായിരുന്നു. ഇതിന് പുറമെ ശബരിമല കര്മ്മ സമിതിയുടെ നേതൃത്വത്തില് ചെറുവത്തൂരില് നടന്ന അയ്യപ്പ ജ്യോതി ഉദ്ഘാടനം ചെയ്തത് പുഷ്പജയായിരുന്നു. ഇതിലുണ്ടായ പ്രതികാര നടപടിയാകാം ആക്രമണമെന്നാണ് സംശയിക്കുന്നത്. സംഭവത്തില് പുഷ്പജ പരാതി നല്കി. 33 വര്ഷത്തെ സര്വീസിന് ശേഷം കഴിഞ്ഞ ജൂണില് നെഹ്റു കോളേജില് നടന്ന പുഷ്പജയുടെ വിരമിക്കല് ചടങ്ങില് എസ്എഫ്ഐ പ്രവര്ത്തകരായ വിദ്യാര്ത്ഥികള് ആദരാഞ്ജലി അര്പ്പിച്ചതും പടക്കം പൊട്ടിച്ചതും വന് വിവാദമായിരുന്നു. ഇതിന് പിന്നാലെയാണ് ആക്രമണമുണ്ടായത്. കാഞ്ഞങ്ങാട് നെഹ്റു കോളജ് മുന് പ്രിന്സിപ്പല് പി.വി. പുഷ്പജയുടെ വീടിന് നേരെ ബോംബേറ്. ചീമേനി കൊടക്കാടുള്ള വീടിന് നേരെയാണ് ബോംബെറുണ്ടായത്.
ഒന്നാം നിലയിലെ ജനലിന് നേരെയാണ് ബോംബെറിഞ്ഞത്. ബോംബാക്രമണത്തില് ജനല് പാളികള് തകരുകയും ചുമരുകള്ക്ക് കേടുപാടുകള് സംഭവിക്കുകയും ചെയ്തു. വീട്ടില് നിന്നും സ്റ്റീല് ബോംബിന്റെ അവശിഷ്ടം കണ്ടെത്തിയിട്ടുണ്ട്. സംഭവസമയത്ത് പുഷ്പജ എറണാകുളത്ത് സഹോദരിയുടെ വീട്ടില് ആയിരുന്നു. ഇന്നലെ വൈകിട്ട് വീട്ടില് തിരികെ എത്തിയപ്പോഴാണ് സംഭവം അറിയുന്നത്.
https://www.facebook.com/Malayalivartha
