തിങ്കളാഴ്ച രാവിലെ റിയാദിൽ നിന്നും എയർ ഇന്ത്യ എക്സ്പ്രസിൽ എത്തിയ ജംഷീർ വിമാനത്താവളത്തിൽ വെച്ചുള്ള പരിശോധനയിൽ ആണ് കുടുങ്ങിയത്. കണ്ണൂർ വിമാനത്താവളം തുറന്ന് മാസങ്ങൾ ആകും മുമ്പേയാണ് വീണ്ടും സ്വർണ്ണകടത്ത് പൊടിപൊടിക്കുന്നത്.

829 ഗ്രാം സ്വർണവുമായി താമരശേരി സ്വദേശി നടുക്കുന്നുമ്മൽ ജംഷീർ പിടിയിലായി. ചക്ര ഷൂവിൽ ഒളിപ്പിച്ച നിലയിലായിരുന്നു സ്വർണം. 24 ലക്ഷത്തിലധികം രൂപ വില വരുന്നതാണ് സ്വർണം. കണ്ണൂർ വിമാനത്താവളത്തിൽ ഇത് മൂന്നാം തവണയാണ് സ്വർണം പിടികൂടുന്നത്.