സി​ബി​ഐ ഡ​യ​റ​ക്ട​ർ സ്ഥാ​ന​ത്തു​നി​ന്നും അ​ലോ​ക് വ​ർ​മ​യെ മാ​റ്റി. അ​ലോ​ക് വ​ർ​മ​യ്ക്കെ​തി​രാ​യ ആ​രോ​പ​ണ​ങ്ങ​ൾ പ​രി​ശോ​ധി​ക്കാ​ൻ ചേ​ർ​ന്ന സെ​ല​ക്ഷ​ൻ ക​മ്മി​റ്റി​യു​ടേ​താ​ണ് തീ​രു​മാ​നം.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി, വ​ലി​യ പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​ന്‍റെ മ​ല്ലി​കാ​ർ​ജു​ൻ ഖാ​ർ​ഗേ, ചീ​ഫ് ജ​സ്റ്റീ​സി​നു പ​ക​രം നി​യു​ക്ത​നാ​യ ജ​സ്റ്റീ​സ് എ.​കെ. സി​ക്രി എ​ന്നി​വ​ര​ട​ങ്ങി​യ സ​മി​തി​യാ​ണ് അ​ലോ​ക് വ​ർ​മ​യെ സി​ബി​ഐ ഡ​യ​റ​ക്ട​ർ സ്ഥാ​ന​ത്തു​നി​ന്നും നീ​ക്കി​യ​ത്. പ്ര​ധാ​ന​മ​ന്ത്രി​യു​ടെ വ​സ​തി​യി​ലാ​യി​രു​ന്നു സെ​ല​ക്ഷ​ൻ ക​മ്മി​റ്റി യോ​ഗം ചേ​ർ​ന്ന​ത്. ക​ഴി​ഞ്ഞ ദി​വ​സം ചേ​ർ​ന്ന യോ​ഗം തീ​രു​മാ​ന​മെ​ടു​ക്കാ​തെ പി​രി​ഞ്ഞി​രു​ന്നു.

സി.ബി.ഐ ഡയറക്ടര്‍ സ്ഥാനത്ത് തിരിച്ചെത്തിയതിന് തൊട്ടുപിന്നാലെ അഞ്ച് മുതിര്‍ന്ന ഉദ്യോഗസ്ഥരെ അലോക് വര്‍മ്മ സ്ഥലംമാറ്റിയിരുന്നു . ജോയിന്റ് ഡയറക്ടര്‍ അജയ് ഭട്‌നാഗര്‍, ഡിഐജി എം.കെ സിന്‍ഹ, ഡിഐജി തരുണ്‍ ഗൗബ, ജോയിന്റ് ഡയറക്ടര്‍ മുരുഗേശന്‍, അഡീഷണല്‍ ഡയറക്ടര്‍ എ.കെ ശര്‍മ്മ എന്നിവരെയാണ് സ്ഥലം മാറ്റിയത്

അന്വേഷണ ഏജന്‍സിയുടെ ഇടക്കാല ഡയറക്ടറായിരുന്ന എം നാഗേശ്വര റാവു പുറത്തിറക്കിയ സ്ഥലംമാറ്റ ഉത്തരവുകള്‍ അലോക് വര്‍മ്മ ബുധനാഴ്ച പിന്‍വലിച്ചിരുന്നു. തൊട്ടടുത്ത ദിവസമാണ് ഉദ്യോഗസ്ഥരുടെ സ്ഥലംമാറ്റങ്ങള്‍.

അലോക് വര്‍മ്മയെ കേന്ദ്രസര്‍ക്കാര്‍ നേരത്തെ സിബിഐ ഡയറക്ടര്‍ സ്ഥാനത്തുനിന്ന് നീക്കുകയും നിര്‍ബന്ധിത അവധിയില്‍ പ്രവേശിപ്പിക്കുകയും ചെയ്തിരുന്നു. സര്‍ക്കാര്‍ തീരുമാനം സുപ്രീംകോടതി റദ്ദാക്കിയതിനെത്തുടര്‍ന്ന് 77 ദിവസത്തിന് ശേഷമാണ് അലോക് വര്‍മ്മ സിബിഐ ഡയറക്ടര്‍ സ്ഥാനത്ത് തിരിച്ചെത്തിയത്.