കോട്ടയം രാമപുരം പാലാ റൂട്ടില്‍ ചക്കാമ്പുഴ കവലയ്ക്കു സമീപം വാഹനാപകടം.അയ്യപ്പഭക്തര്‍ സഞ്ചരിച്ച വാഹനവും പോലിസ് വാനും കൂട്ടി ഇടിച്ച് നിരവധി പേര്‍ക്ക് പരിക്ക്. അപകടത്തില്‍ പരിക്കേറ്റവരേയുമായി ആശുപത്രിയിലേയ്ക്ക് പോയ ആംബുലന്‍സ് ഇടിച്ച് ബൈക്ക് യാത്രികനായ വയോധികന്‍ മരിച്ചു. അളനാട് സ്വദേശി ശേഖരന്‍ ആണ് മരിച്ചത്. 65 വയസ്സായിരുന്നു. അപകടത്തില്‍ പരിക്കേറ്റ അഞ്ചു പേരുടേയും നില ഗുരുതരമാണ്. ഇവരില്‍ രണ്ടു പേര്‍ പോലീസുകാരാണ്. ഇവരെ കോട്ടയം മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്.

രാമപുരം സെന്റ് അഗസ്റ്റിന്‍സ് ഫറോനാ പള്ളിയില്‍ നടക്കുന്ന കൂദാശ ചടങ്ങുകള്‍ക്ക് സുരക്ഷ നല്‍കുന്നതിന് വേണ്ടിയാണ് പോലീസ് പോയത്.