മനസ് തുറന്ന് രേഷ്മയും ഷാനിലയും... നൂറ് ദിവസത്തിലേറെ വ്രതം നോക്കുന്നു; ശബരിമലയില് കയറിയില്ലെങ്കില് മാല ഊരാന് പറ്റില്ല; വന്നത് പോലിസ് സംരക്ഷണയില്; ഇനി ശബരിമലയില് കയറുക രഹസ്യ മാര്ഗത്തില്
ശബരിമല ദര്ശനത്തിനെത്തിയ കണ്ണൂര് സ്വദേശികളായ രേഷ്മ നിഷാന്ത്, ഷാനില സജേഷ് എന്നിവരെ ഭക്തരുടെ ശക്തമായ പ്രതിഷേധത്തെത്തുടര്ന്ന് മലയിറക്കി. എന്നാല് മലയിറങ്ങിയ എവിടെയെന്ന് അറിയാതിരിക്കെ അവര് തന്നെ ഫോണില് വന്ന് പറയുന്നു. ഞങ്ങള് വീണ്ടും മല കയറും ആര് തടഞ്ഞാലും മല കയറും. നൂറിലേറെ ദിവസമായി വ്രതം നോക്കുകയാണ്. അതിനാല് തന്നെ കുടുംബ ജീവിതം നയിക്കാന് കഴിയുന്നില്ല. വീട്ടില് കയറണമെങ്കില് മല കയറിയേ പറ്റൂ. അത് ഞങ്ങളുടെ അവകാശമാണ്. അതിനാല് എത്ര എതിര്പ്പ് വന്നാലും കയറും. മാത്രമല്ല ഞങ്ങള് നിരാഹാരം ഉള്പ്പെടെയുള്ള സമരം നടത്തുമെന്നും ഇവര് പറയുന്നു.
പോലീസാണ് തിരക്ക് കുറഞ്ഞ ദിവസം കയറാമെന്ന് ഉറപ്പ് നല്കിയത്. അവരുടെ സഹായത്തോടെയാണ് ഇന്ന് വന്നത്. ഞങ്ങളോടൊപ്പം പോലീസുമുണ്ടായിരുന്നു. രണ്ടുമൂന്നാള്ക്കാരാണ് പ്രതിഷേധമായി ആദ്യം എത്തിയത്. എന്നാല് കൂടെ വന്ന പോലീസുകാര് അവരെ മാറ്റിയപ്പോഴാണ് കൂടുതല് പേര് എത്തിയത്. അതോടെ പോലീസ് ഞങ്ങളെ ബലം പ്രയോഗിച്ച് മാറ്റുകയായിരുന്നു. ഇപ്പോള് ഞങ്ങളെ പോലീസ് എവിടെയാണ് കൊണ്ടു പോയതെന്നറിയില്ലെന്നും യുവതികള് വ്യക്തമാക്കി.
ഇതോടെ ബിന്ദുവിന്റേയും കനക ദുര്ഗയുടേയും പോലെയാണ് കാര്യങ്ങള് പോകുന്നത്. ശബരിമല നടയടയ്ക്കാന് കേവലം 3 ദിവസം മാത്രമുള്ളപ്പോള് അതിനുള്ളില് കയറുമെന്നാണ് പറയുന്നത്. പോലീസ് രഹസ്യമായി കയറ്റാന് ശ്രമിക്കുമോന്ന് കണ്ടറിയാം. ഏതായാലും ജാഗ്രതയോടെയാണ് ശബരിമല കര്മ സമിതിക്കാരും ഭക്തരും.
https://www.facebook.com/Malayalivartha