വയനാട് തേയില തോട്ടത്തില് കണ്ട പുള്ളിപുലിയെ മയക്കുവെടി വെച്ച് പിടികൂടി
വയനാട് താഴെ അരപ്പറ്റയിലെ തേയില തോട്ടത്തില് കുടുങ്ങിയ മൂന്ന് വയസ് തോന്നിക്കുന്ന പുള്ളിപുലിയെ വനം വകുപ്പ് മയക്കുവെടി വെച്ച് പിടികൂടി . പിടികൂടിയ പെണ്പുലിയെ ചികിത്സ നല്കാന് വനം വകുപ്പിന്റെ പൂക്കോടുള്ള കേന്ദ്രത്തിലേക്ക് മാറ്റി.
മേപ്പാടി താഴെ അരപ്പറ്റയിലെ ജനവാസ കേന്ദ്രത്തോട് ചേര്ന്ന തേയില തോട്ടത്തില് കേബിള് വയറിന്റെ കുരുക്കില് കുടുങ്ങിയ നിലയിലായിരുന്നു പുലി. നേരത്തെയും പുലിയുടെ സാന്നിധ്യമുണ്ടായ മേഖല കൂടിയാണിത്.
പ്രഭാതത്തില് ജോലിക്ക് പോകുന്ന തൊഴിലാളികള് പുലിയെക്കണ്ട് ഭയന്നോടി . തുടര്ന്ന് വനം വകുപ്പ് ഉദ്യോഗസ്ഥര് സ്ഥലത്തെത്തി. മയക്കു വെടി വെച്ച് പുലിയെ താഴെയിറക്കി. മൂന്ന് വയസ് തോന്നിക്കുന്ന പെണ് പുലിയാണ് കുടുങ്ങിയത്. നിരവധി പേര് പ്രദേശത്ത് തടിച്ചു കൂടിയിരുന്നു.
പുലിയെ വിദഗ്ധചികിത്സ നല്കാന് പൂക്കോട്ടുള്ള വനം വകുപ്പ് കേന്ദ്രത്തിലേക്ക് മാറ്റി. കാട്ടിലേക്ക് തുറന്ന് വിടുന്ന കാര്യം ആരോഗ്യ നില വീണ്ടെടുത്ത ശേഷം തീരുമാനിക്കും. "
https://www.facebook.com/Malayalivartha
