ഏത് മണ്ഡലത്തില് മത്സരിച്ചാലും ജയിക്കുമെന്നുറപ്പുള്ള സ്ഥാനാര്ഥിയാണ് ഉമ്മന്ചാണ്ടി, പക്ഷേ അദ്ദേഹം മത്സരിക്കുമോ എന്ന് അദ്ദേഹത്തോട് തന്നെ ചോദിച്ചു നോക്കണം; കെ.മുരളീധരന്
കേരളത്തിലെവിടെ മത്സരിച്ചാലും ഉമ്മന്ചാണ്ടി ജയിക്കുമെന്ന് കെപിസിസി പ്രചാരക സമിതി അധ്യക്ഷന് കെ.മുരളീധരന്. ഉമ്മന്ചാണ്ടി മത്സരിക്കണമെന്ന മുല്ലപ്പള്ളിയുടെ അഭിപ്രായം പാര്ട്ടിയുടെ തീരുമാനമാണെന്ന് വ്യക്തമാക്കിയ മുരളീധരന് പക്ഷേ മത്സരിക്കണമോ എന്നത് ഉമ്മന്ചാണ്ടി തീരുമാനിക്കേണ്ട കാര്യമാണെന്നും പറഞ്ഞു.
ഏത് മണ്ഡലത്തില് മത്സരിച്ചാലും ജയിക്കുമെന്നുറപ്പുള്ള സ്ഥാനാര്ഥിയാണ് ഉമ്മന്ചാണ്ടി, പക്ഷേ അദ്ദേഹം മത്സരിക്കുമോ എന്ന് അദ്ദേഹത്തോട് തന്നെ ചോദിച്ചു നോക്കണം. ലോക്സഭാ തിരഞ്ഞെടുപ്പില് യുഡിഎഫ് വന്വിജയം നേടുമെന്ന ആത്മവിശ്വാസം കെപിസിസി അധ്യക്ഷനെ പോലെ തന്നെ കെ.മുരളീധരനും പ്രകടിപ്പിച്ചു. ഇരുപതില് ഇരുപത് സീറ്റും യുഡിഎഫ് നേടുമെന്ന് കെ.മുരളീധരന് പറഞ്ഞു.
കേരളത്തിൽ നിന്നും ഹൈക്കമാന്റിലേക്ക് നൽകുന്ന സ്ഥാനാർത്ഥി പട്ടികയിൽ ഉമ്മൻ ചാണ്ടിയെ ഉൾപ്പെടുത്തും. കോട്ടയം മണ്സലത്തിൽ നിന്ന് ഉമ്മൻ ചാണ്ടിയെ മത്സരിപ്പിക്കാനാണ് കെ. പി. സി.സി. തീരുമാനിച്ചിരിക്കുന്നത്. കേരള കോൺഗ്രസ് മാണിക്ക് ഇടുക്കി സീറ്റ് നൽകാമെന്ന് കെ പി സി സി ഹൈക്കമാന്റിനെ അറിയിക്കും. ഇടുക്കിയിൽ പി ജെ ജോസഫ് മത്സരിക്കണമെന്നും നിർദ്ദേശിക്കും.
അതേസമയം ലോക്സഭാ തിരഞ്ഞെടുപ്പിൽ കോൺഗ്രസ് സ്ഥാനാർഥികൾ ആരാണെന്ന കാര്യത്തിൽ ഏകദേശ ധാരണയായെന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ വ്യക്തമാക്കി. ഉമ്മന് ചാണ്ടി മല്സരിക്കണമെന്നാണ് ആഗ്രഹം. ഏത് മണ്ഡലമായാലും അദ്ദേഹത്തിന് കൊടുക്കുമെന്നും മുല്ലപ്പള്ളി പറഞ്ഞു. ഉമ്മന് ചാണ്ടി ഇടുക്കിയിൽ മൽസരിച്ചാൽ സ്വാഗതം ചെയ്യുമെന്ന് കേരള കോൺഗ്രസ് നേതാവ് പി.ജെ. ജോസഫും പ്രതികരിച്ചു. ഇടുക്കി സീറ്റോ, ചാലക്കുടി സീറ്റോ പാർട്ടിക്കായി യുഡിഎഫിൽ ആവശ്യപ്പെട്ടിട്ടുണ്ട്. തന്റെ മകൻ തൽക്കാലം രാഷ്ട്രീയത്തിലേക്കില്ലെന്നും ജോസഫ് വ്യക്തമാക്കി.
അതേസമയം ലോക്സഭയിലേക്ക് മൂന്നാം സീറ്റ് ആവശ്യപ്പെടുന്ന കാര്യത്തിൽ ചർച്ചയായിട്ടില്ലെന്നു മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി പറഞ്ഞു. കോൺഗ്രസിന്റെ സ്ഥാനാർഥി നിർണയത്തിൽ ലീഗ് ഇടപെടാറില്ല. അഭിപ്രായം ചോദിച്ചാൽ മുന്നണിയിൽ പറയുമെന്നും കുഞ്ഞാലിക്കുട്ടി വ്യക്തമാക്കി.
നിലവില് ആന്ധ്ര പ്രദേശിന്റെ ചുമതലയുള്ള എഐസിസി ജനറല് സെക്രട്ടറിയാണ് ഉമ്മന് ചാണ്ടി. കഴിഞ്ഞ നിയമസഭ തിരഞ്ഞെടുപ്പില് യുഡിഎഫ് പരാജയപ്പെട്ടതിനെ തുടര്ന്ന് പ്രതിപക്ഷ നേതൃസ്ഥാനം പോലും ഏറ്റെടുക്കാതെ മാറി നില്ക്കുകയായിരുന്നു ഉമ്മന് ചാണ്ടി. കേരളത്തില് ഏറ്റവും അധികം ജനപിന്തുണയുള്ള കോണ്ഗ്രസ് നേതാക്കളില് ഒരാളാണ് ഉമ്മന് ചാണ്ടി. ലോക്സഭ തിരഞ്ഞെടുപ്പില് വിജയം നേടണമെങ്കില് ഉമ്മന് ചാണ്ടിയെ തിരികെ കൊണ്ടുവരണം എന്ന ആവശ്യം നേരത്തേ തന്നെ ഉയര്ന്നിരുന്നു.
ഇത്തവണ ഇടുക്കിയിലോ കോട്ടയത്തോ ഉമ്മന് ചാണ്ടിയെ മത്സരിപ്പിക്കണം എന്നാണ് പാര്ട്ടി പ്രവര്ത്തകരുടെ ആഗ്രഹം. കഴിഞ്ഞ തവണ ഇടതുപക്ഷത്തിന്റെ തന്ത്രവും പാര്ട്ടിയ്ക്കുള്ളിലെ പ്രശ്നങ്ങളും കാരണം കോണ്ഗ്രസിന് നഷ്ടപ്പെട്ട മണ്ഡലം ആണ് ഇടുക്കി. കോട്ടയം ആണെങ്കില് ഉമ്മന് ചാണ്ടിയുടെ സ്വന്തം മണ്ഡലവും ആണ്.
https://www.facebook.com/Malayalivartha
