സംസ്ഥാനത്ത് സര്വീസ് നടത്തുന്ന ബസുകളുടെ കാലാവധി 15 വര്ഷത്തില്നിന്ന് 20 വര്ഷമായി ഉയര്ത്തി
സംസ്ഥാനത്ത് സര്വീസ് നടത്തുന്ന ബസുകളുടെ കാലാവധി 15 വര്ഷത്തില്നിന്ന് 20 വര്ഷമായി ഉയര്ത്തി. ഇതുസംബന്ധിച്ച മോട്ടോര് വാഹന നിയമം ഭേദഗതി ചെയ്ത് മോട്ടോര് വാഹനവകുപ്പ് വിജ്ഞാപനം പുറപ്പെടുവിക്കും. കെ.എസ്.ആര്.ടി.സി. ബസുകള്ക്കും പുതിയ ഉത്തരവിന്റെ ആനുകൂല്യം ലഭിക്കും.
പതിനഞ്ചുവര്ഷത്തിനുമേല് പഴക്കമുള്ള ബസുകള് ലിമിറ്റഡ് സ്റ്റോപ്പ് ഓര്ഡിനറിയായി ഓടാന് അനുവദിക്കില്ല. 2001 ലാണ് കേരളത്തില് ബസുകളുടെ കാലപ്പഴക്കം 15 വര്ഷമായി നിശ്ചയിച്ച് ഉത്തരവിറക്കിയത്. കേന്ദ്രസര്ക്കാര് നിശ്ചയിച്ച പ്രകാരമുള്ള ബസ് ബോഡികോഡ്, സംസ്ഥാനത്ത് നടപ്പാക്കുന്നതിനുള്ള പ്രായോഗിക ബുദ്ധിമുട്ടുകള്, കേന്ദ്ര മോട്ടോര് വാഹന നിയമത്തിലെ വിവിധ ഭേദഗതികള്, പൊതുഗതാഗതമേഖല നേരിടുന്ന പ്രശ്നങ്ങള് എന്നിവ കണക്കിലെടുത്താണ് സ്റ്റേജ് കാര്യേജുകളുടെ കാലദൈര്ഘ്യം ഉയര്ത്താന് സര്ക്കാര് തീരുമാനിച്ചത്.
https://www.facebook.com/Malayalivartha
