വിദ്യാര്ത്ഥികളെ സീറ്റില് ഇരുത്താത്ത ബസുകള്ക്ക് മുട്ടൻ പണി വരുന്നു
സ്വകാര്യ ബസുകളിൽ സീറ്റുകള് ഒഴിഞ്ഞു കിടന്നിട്ടും വിദ്യാര്ത്ഥികളെ ഇരിക്കാൻ അനുവദിക്കാത്ത ബസുകൾക്കെതിരെ മുട്ടൻ പണി വരുന്നു . ഇതുമായി ബന്ധപ്പെട്ട അന്വേഷണത്തിന് ഹൈക്കോടതി ഉത്തരവിട്ടതായി റിപ്പോർട്ട് .
ബസില് സീറ്റുകള് ഒഴിഞ്ഞുകിടന്നിട്ടും ജീവനക്കാര് വിദ്യാര്ത്ഥികളെ ഇരിക്കാന് അനുവദിക്കുന്നില്ലെന്ന വാര്ത്തകളെ തുടര്ന്നാണ് കോടതിയുടെ ഇടപെടല്. .റീജനല് ട്രാന്സ്പോര്ട് അതോറിറ്റികള്ക്ക്(ആർ.ടി.ഓ) കീഴിൽ ഇത്തരം സംഭവങ്ങള് നടക്കുന്നുണ്ടോ എന്ന് അന്വേഷിക്കാനായി കോടതി ഉത്തരവിട്ടുവെന്ന് മാധ്യമങ്ങൾ റിപ്പോർട്ട് ചെയ്യുന്നു.
ഓള് കേരള ബസ് ഓപ്പറേറ്റേഴ്സ് ഓര്ഗനൈസേഷനും മറ്റു ചിലരും സമര്പ്പിച്ചഹർജി പരിഗണിക്കുന്നതിനിടെയാണ് കോടതിയുടെ നിര്ദ്ദേശം. വിദ്യാര്ത്ഥികള്ക്ക് ഏതെങ്കിലും തരത്തിലുള്ള ഇളവുകള് നല്കാന് തങ്ങള്ക്ക് ബാധ്യതയില്ലെന്നാണ് ഇവരുടെ വാദം. ബന്ധപ്പെട്ട ഉദ്യോഗസ്ഥര് അന്വേഷിച്ച് ഒരാഴ്ചക്കകം റിപ്പോര്ട്ട് നല്കാനാണ് നിര്ദ്ദേശം.
https://www.facebook.com/Malayalivartha
