ആലപ്പുഴ കരുവാറ്റ വയോധികൻ കൊലക്കേസിൽ അതിനിർണായകമായ നിയമനടപടികൾ പുരോഗമിക്കുന്നു. കേസിലെ പ്രായപൂർത്തിയാകാത്ത പ്രതികളെ കസ്റ്റഡിയിൽ വേണമെന്ന ഹരിപ്പാട് പോലീസിന്റെ അപേക്ഷ പരിഗണിക്കുന്നത് ജുവനൈൽ ജസ്റ്റിസ് ബോർഡ് ഈ മാസം 29-ലേക്ക് മാറ്റിയിരിക്കുകയാണ്.കൊലപാതകത്തിന്റെ ക്രൂരതയും വൻ ആസൂത്രണവും കണക്കിലെടുത്ത് പ്രതികൾക്ക് പ്രായത്തിന്റെ യാതൊരു ഇളവുകളും നൽകരുതെന്നാണ് പോലീസ് ബോർഡിനോട് ആവശ്യപ്പെട്ടിരിക്കുന്നത്. കേസിൽ പോലീസിനെ വഴിതെറ്റിക്കാൻ പ്രതികൾ പരമാവധി ശ്രമിച്ചെങ്കിലും, ഡിജിറ്റൽ തെളിവുകളും അഞ്ചോളം നിർണായക സിസിടിവി ദൃശ്യങ്ങളും അന്വേഷണ സംഘം ഇതിനോടകം വീണ്ടെടുത്തിട്ടുണ്ട്.