സംസ്ഥാനത്ത് നിരത്തിലോടുന്ന വാഹനങ്ങളില് അമിതപ്രകാശമുള്ള ലൈറ്റുകള് ഉപയോഗിച്ചാല് നടപടിയെടുക്കുമെന്ന് പോലീസിന്റെ മുന്നറിയിപ്പ്
സംസ്ഥാനത്ത് നിരത്തിലോടുന്ന വാഹനങ്ങളില് അമിത പ്രകാശമുള്ള ലൈറ്റുകള് ഉപയോഗിച്ചാല് നടപടിയുണ്ടാകുമെന്ന് പോലീസ് മുന്നറിയിപ്പ് നല്കി. ഇത്തരത്തില് പിടിക്കപ്പെട്ടാല് വാഹനത്തിന്റെ രജിസ്ട്രേഷന് സര്ട്ടിഫിക്കറ്റ് റദ്ദു ചെയ്യുക, ഓടിച്ചയാളുടെ ഡ്രൈവിംഗ് ലൈസന്സ് താത്കാലികമായി റദ്ദു ചെയ്യുക തുടങ്ങിയ നടപടികള് സ്വീകരിക്കുമെന്നും ഫേസ്ബുക്ക് പോസ്റ്റില് പോലീസ് അറിയിച്ചു. ഹെവി വാഹനം ഓടിക്കുന്നവര്ക്ക് ചെറു വാഹനങ്ങളെ കണ്ടാല് ലൈറ്റ് ഡിം ചെയ്യാന് മടിയാണെന്നാണ് ഭൂരിഭാഗം വാഹന യാത്രക്കാരുടെയും പരാതി.
ഇരുചക്ര വാഹനങ്ങളടക്കം ചെറു വാഹനങ്ങളില് സഞ്ചരിക്കുന്നവര്ക്കാണ് ഇതു കൂടുതല് പ്രശ്നങ്ങള് സൃഷ്ടിക്കുന്നത്. എതിര്ദിശയില് നിന്ന് വാഹനത്തിന്റെ പ്രകാശം നേരെ കണ്ണിലേക്ക് അടിക്കുമ്പോള് വാഹനമോടിക്കുന്നവര്ക്ക് റോഡ് കാണാനാവാതെ വരികയും ഇത് അപകടങ്ങള്ക്കു വഴിതെളിക്കുകയും ചെയ്യുന്നു.
ഏതു വാഹനമായാലും, രാത്രിയില് എതിര്ദിശയില് വാഹനം വരുമ്പോള് ലൈറ്റ് ഡിം ചെയ്യണമെന്നാണ് മോട്ടോര് വാഹനവകുപ്പ് ചട്ടം. ഓട്ടോമോട്ടീവ് ഇന്ഡസ്ട്രി സ്റ്റാന്ഡേര്ഡ് പ്രകാരം ഇരട്ടഫിലമെന്റുള്ള ഹാലജന് ബള്ബുകളുടെ ഹൈബീം60, ലോബീം55 വാട്സ് പരിധി അധികരിക്കാന് പാടില്ല. പ്രധാന കാര് നിര്മാതാക്കളെല്ലാം 5560 വാട്സ് ഹാലജന് ബള്ബുകളാണ് ഉപയോഗിക്കുന്നത്.
എന്നാല് ഇറക്കുമതി ചെയ്യുന്ന, തീവ്രതയുള്ള എച്ച്ഐഡി ലൈറ്റുകള് വ്യാപകമായി ദുരുപയോഗം ചെയ്യുന്നുണ്ട്. വാഹനനിര്മാതാക്കള് നല്കുന്ന ഹെഡ് ലൈറ്റ് ബള്ബ് മാറിയ ശേഷം പ്രത്യേക വയറിംഗ് കിറ്റോടെ കിട്ടുന്ന എച്ച്ഐഡി ലൈറ്റുകളാണ് പലരും ഘടിപ്പിക്കുന്നത്.
ഓഫ് റോഡ് മേഖലകളിലും റാലികളിലും ഓടുന്ന വാഹനങ്ങള്ക്കായി പ്രത്യേകം തയ്യാറാക്കിയിട്ടുള്ള ഉയര്ന്ന പ്രകാശതീവ്രതയുള്ള ലൈറ്റുകളാണ് ഇവ. ഇത്തരം ലൈറ്റുകള് നിരത്തിലേക്ക് എത്തുന്നത് അപകടസാധ്യത വര്ധിപ്പിക്കുകയും ചെയ്യുന്നു.
https://www.facebook.com/Malayalivartha
