നീ തങ്കപ്പനല്ലടാ പൊന്നപ്പനാ... വഴി ചോദിച്ചെത്തി അമ്മച്ചിയുടെ മാല പിടിച്ചുപറിച്ചോടുന്ന വീഡിയോ മലയാളികളെ വല്ലാതെ സങ്കടത്തിലാഴ്ത്തിയിരുന്നു; എന്നാല് മണിക്കൂറിനകം കള്ളനെ പിടികൂടി; മാലക്കള്ളനെ കുടുക്കിയ തന്ത്രം വെളിപ്പെടുത്തി സിവില് പൊലീസ് ഓഫീസര് ബിജുകുമാര്
അടുത്തകാലത്ത് കേരളം ഏറെ കയ്യടിച്ചത് ഈ പോലീസുകാരന് വേണ്ടിയാണ്. സിറ്റി ട്രാഫിക് സ്റ്റേഷനിലെ സിവില് പൊലീസ് ഓഫീസര് ബിജുകുമാര്. പേരറിയാത്ത അമ്മച്ചിയുടെ ജീവിത സമ്പാദ്യമായ ആ മാല പോയതിന്റെ ആഘാതം മലയാളി എല്ലാം ഏറ്റെടുത്തതാണല്ലോ. പക്ഷെ അമ്മച്ചിയുടെ സങ്കടം ദൈവം കേട്ടത് ഈ പോലീസുകാരനിലൂടെയാണ്. എവിടെ നിന്നും അഭിനന്ദന പ്രവാഹമാണ് ബിജുവിന്. എല്ലാവര്ക്കും ഒരു ചോദ്യമാണ് ചോദിക്കാനുള്ളത്.എങ്ങനെയാണ് അവനെ പൊക്കിയത്.
പൂജപ്പുരയിലെ സ്വകാര്യ ആശുപത്രിക്കടുത്തെ ഇടറോഡില് വഴിചോദിക്കാനെന്ന വ്യാജേന വൃദ്ധയ്ക്കടുത്തെത്തി മാലപൊട്ടിച്ച് സ്കൂട്ടറില് കടന്ന മോഷ്ടാവ് സജീവിനെ (33) മണിക്കൂറുകള്ക്കകം കുടുക്കിയതാണ് ബിജുവിനെ പ്രശസ്തനാക്കിയത്. സോഷ്യല് മീഡിയയില് വൈറലായി മാറിയ മാലപൊട്ടിക്കല് വീഡിയോ ലക്ഷക്കണക്കിനാളുകളാണ് കണ്ടത്.
കൊള്ളപ്പലിശക്കാരനായ മാലക്കള്ളന് ഒരാഴ്ചയ്ക്കിടെ പൊട്ടിച്ചത് മൂന്ന് മാല, ഞെട്ടിക്കുന്ന ക്രൂരതകള് പുറത്ത് സജീവിനെ, കഷ്ടിച്ച് അഞ്ചരയടി പൊക്കമുള്ള മെലിഞ്ഞ ബിജു എങ്ങനെയാണ് കീഴടക്കിയത്. പൊലീസിലെ സഹപ്രവര്ത്തകരും റസിഡന്റ്സ് അസോസിയേഷന് ഭാരവാഹികളുമെല്ലാം ചോദിക്കുന്ന ചോദ്യത്തിന്റെ ഉത്തരം, ഇന്നലെ സിറ്റി പൊലീസിന്റെ ആദരം കമ്മിഷണറില് നിന്ന് സ്വീകരിച്ചശേഷം ബിജുകുമാര് വെളിപ്പെടുത്തി.
പൂജപ്പുരയില് നിന്ന് മൂന്ന് പവന്റെ മാല മോഷ്ടിച്ച് സജീവ് സ്കൂട്ടറില് നേരെയെത്തിയത് കനകക്കുന്നിലേക്ക്. പാര്ക്കിംഗ് ഏരിയയില് സ്കൂട്ടര്വച്ചു. ഇതിനകം മോഷണത്തിന്റെ സി.സി ടിവി ദൃശ്യം ട്രാഫിക് പൊലീസ് കണ്ടെടുക്കുകയും, സ്കൂട്ടറിന്റെ നമ്പര് സഹിതം വയര്ലെസ് സന്ദേശം എല്ലായിടത്തേക്കും കൈമാറുകയും ചെയ്തിരുന്നു. ആ സമയത്ത് മ്യൂസിയം സ്റ്റേഷന് പരിസരത്ത് ട്രാഫിക് നിയന്ത്രിച്ചിരുന്ന ബിജുകുമാറിനും സ്കൂട്ടറിന്റെ നമ്പര് കിട്ടി. ഒരു കൗതുകത്തിന് കനകക്കുന്ന് പാര്ക്കിംഗ് ഏരിയയില് തെരഞ്ഞു. പക്ഷെ അതില് ഒരു നമ്പര് മാച്ചിരുന്നു. തുടര്ന്നാണ് നമ്പരിന് താഴെയുള്ള ചെറിയ ചിത്രം കണ്ടത്. ഇതോടെ കണ്ണുതള്ളിപ്പോയി, അതേ നമ്പരിലുള്ള സ്കൂട്ടര് മുന്നിലിരിക്കുന്നു. ഇതിനിടെ പോലീസ് സ്റ്റേഷനിലറിയിച്ച് കൂടുതല് പോലീസുകാരെ എത്തിക്കാമെന്ന് വിചാരിച്ചു.
എന്നാല് ഉടന് സജീവ് സ്കൂട്ടറിനടുത്തെത്തി. ആജാനബാഹുവായ സജീവിനെ കണ്ടപ്പോഴേ ബിജുകുമാറിന് മനസിലായി, താന് ഒറ്റയ്ക്ക്, ബലം പ്രയോഗിച്ച് പിടികൂടാനാവില്ല പ്രതി രക്ഷപ്പെടാനേ അത് ഇടയാക്കൂ. സ്റ്റേഷനില് നിന്ന് കൂടുതല് പൊലീസിനെ വിളിച്ചുവരുത്തുമ്പോഴേക്കും പ്രതി കടന്നുകളയാനിടയുണ്ട്. അതുകൊണ്ട് അയാളെ എങ്ങനെയെങ്കിലും അനുനയിപ്പിച്ച് തൊട്ടടുത്തുള്ള മ്യൂസിയം സ്റ്റേഷനിലെത്തിക്കാനായി ശ്രമം. ബിജുകുമാര് തന്ത്രത്തില് സജീവിനടുത്തെത്തി, സ്കൂട്ടര് നോ പാര്ക്കിംഗ് ഏരിയയിലാണെന്നും സ്റ്റേഷനിലെത്തി പിഴ അടച്ചിട്ട് പോകണമെന്നും പറഞ്ഞു.
ഭാവഭേദമില്ലാതെയുള്ള ആ വിളിയില് സജീവ് വീണു. തന്ത്രത്തില് സജീവിനെ സ്റ്റേഷനിലെത്തിച്ചു. സ്റ്റേഷനിലെത്തിയതോടെ മറ്റ് പൊലീസുകാരോട് വിവരം പറഞ്ഞു. എല്ലാവരും വളഞ്ഞതോടെ സജീവിന് ഓടാന് പോലും സാധിച്ചില്ല. ബിജുകുമാറിന്റെ കഥ കേട്ട് നിലയ്ക്കാത്ത കൈയ്യടി.
ബിജുകുമാറിനെ പിടിച്ചതോടെ മൂന്ന് കേസുകള്ക്കാണ് തുമ്പായത്. പൊലീസുകാര്ക്ക് ഗുഡ് സര്വീസ് എന്ട്രിയും ലഭിച്ചു. കള്ളനെ മണിക്കൂറുകള്ക്കകം പിടികൂടിയ സിറ്റി ട്രാഫിക് പൊലീസ് സ്റ്റേഷനിലെ ശരത്ചന്ദ്രന്, ബിജുകുമാര് എന്നിവര്ക്കാണ് പ്രശംസാ പത്രവും ഗുഡ് സര്വീസ് എന്ട്രി ലഭിച്ചത്. സിറ്റി പൊലീസ് കമ്മിഷണര് എസ്. സുരേന്ദ്രനാണ് ഇരുവരെയും ഇന്നലെ എ.ആര് ക്യാമ്പിലെ ജനമൈത്രി യോഗത്തില് അനുമോദിച്ചത്.
ഇതോടെ നാട്ടിലെ മാലകള്ളന്മാരെല്ലാം പേടിയിലാണ്. കാരണം വീട്ടമ്മമാര്ക്ക് ട്രിക്ക് പിടി കിട്ടി. ഇനിയാര് വഴി ചോദിച്ചാലും അഞ്ച് മീറ്റര് അകലെ നിന്ന് വഴി പറഞ്ഞ് കൊടുത്താല് മതിയെന്ന തീരുമാനത്തിലാണ്. ഹെല്മറ്റ് വച്ച് വഴി ചോദിച്ചാല് ഉടന് ഫോട്ടോയെടുക്കും. പിടിയും വീഴും. അതിനാല് മാല കള്ളന്മാര് ജാഗ്രതൈ...
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
