കാരാട്ടിന് കൊടുവള്ളിയില് ആശ്വാസം; കൊടുവള്ളി നിയമസഭാ മണ്ഡലത്തില് നിന്നുള്ള ഇടതു സ്വതന്ത്രന് കാരാട്ട് റസാഖിന്റെ തെരഞ്ഞെടുപ്പ് റദ്ദാക്കിയ ഹൈകോടതി വിധിക്ക് സ്റ്റേ; എന്നാല്, എം.എല്.എ എന്ന നിലയില് നിയമസഭയില് വോട്ട് ചെയ്യാനാവില്ല
കാരാട്ട് റസാഖിന് തുടരാം. കാരാട്ട് റസാഖിന് എം.എല്.എയായി തുടരാം; ഹൈകോടതി വിധിക്ക് സുപ്രീംകോടതി സ്റ്റേ. കൊടുവള്ളി നിയമസഭാ മണ്ഡലത്തില് നിന്നുള്ള ഇടതു സ്വതന്ത്രന് കാരാട്ട് റസാഖിന്റെ തെരഞ്ഞെടുപ്പ് റദ്ദാക്കിയ ഹൈകോടതി വിധിക്ക് സ്റ്റേ. സുപ്രീംകോടതിയാണ് സ്റ്റേ ചെയ്തത്. എന്നാല്, എം.എല്.എ എന്ന നിലയില് നിയമസഭയില് വോട്ട് ചെയ്യാനാവില്ലെന്നും സ്റ്റേ ഉത്തരവില് കോടതി വ്യക്തമാക്കി. തെരഞ്ഞെടുപ്പ് ക്രമക്കേട് ആരോപിച്ച് മണ്ഡലത്തിലെ വോട്ടര്മാരായ കെ.പി. മുഹമ്മദും മൊയ്തീന് കുഞ്ഞിയും നല്കിയ ഹരജി അനുവദിച്ചാണ് ഹൈകോടതി ജസ്റ്റിസ് എബ്രഹാം മാത്യു തെരഞ്ഞെടുപ്പ് നേരത്തെ റദ്ദാക്കിയത്.
അതേസമയം, തൊട്ടടുത്ത എതിര് സ്ഥാനാര്ഥി മുസ്ലിംലീഗിലെ എം.എ. റസാഖ്മാസ്റ്ററെ വിജയിയായി പ്രഖ്യാപിക്കണമെന്ന ആവശ്യം കോടതി നിരസിച്ചിരുന്നു. വിധിക്ക് പിന്നാലെ നിയമസഭ സമ്മേളനത്തില് പങ്കടുക്കാമെങ്കിലും വോട്ട് ചെയ്യാനോ ആനുകൂല്യങ്ങള് പറ്റാനോ പാടില്ലെന്ന ഉപാധികളോടെയാണ് സ്റ്റേ അനുവദിച്ചിരുന്നു. തുടര്ന്നാണ് റസാഖ് സുപ്രീംകോടതിയില് സമീപ്പിച്ചത്.നേരത്തെ അഴീക്കോട് എംഎല്എ കെ എം ഷാജിക്ക് നിയമസഭ സമ്മേളനത്തില് പങ്കെടുക്കാമെന്ന മുന് ഉത്തരവ് സുപ്രീംകോടതി അവര്ത്തിച്ചിരുന്നു. എന്നാല്, ശമ്പളം, അനൂകൂല്യങ്ങള്, എന്നിവ കൈപ്പറ്റാന് കഴിയില്ല. നിയമസഭ വോട്ടെടുപ്പില് പങ്കെടുക്കാനും സാധിക്കില്ല. നേരത്തെ, കഴിഞ്ഞ നവംബറില് ജസ്റ്റിസ് എ കെ സിക്രി അധ്യക്ഷനായ ബെഞ്ചാണ് കെ എം ഷാജിയുടെ നിയമസഭാംഗത്വം റദ്ദ് ചെയ്തുള്ള നടപടിക്ക് ഉപാധികളോടെ സ്റ്റേ അനുവദിച്ചത്.
സമ്പൂര്ണ സ്റ്റേ വേണമെന്ന ഷാജിയുടെ ആവശ്യം അനുവദിക്കാനാകില്ലെന്ന് അന്ന് കോടതി വ്യക്തമാക്കിയിരുന്നു. ഹൈക്കോടതി വിധി അടിയന്തരമായി സ്റ്റേ ചെയ്യണമെന്നായിരുന്നു കെ എം ഷാജിയുടെ അഭിഭാഷകന് ആവശ്യപ്പെട്ടത്. അഴീക്കോട് നിയമസഭാ മണ്ഡലത്തില് നിന്നുള്ള തെരഞ്ഞെടുപ്പ് റദ്ദാക്കിയതിനെതിരെയാണ് കെ എം ഷാജി സുപ്രീകോടതിയിലെത്തിയത് . അതേസമയം, കെ എം ഷാജിയെ അയോഗ്യനാകാന് ഇടയായ നോട്ടീസ് പോലീസ് കണ്ടെടുത്തതല്ലെന്ന രേഖകള് പുറത്ത് വന്നിരുന്നു. വളപട്ടണം പൊലീസ് കണ്ണൂര് മജിസ്ട്രേറ്റ് കോടതിയില് ഹാജരാക്കിയ റിപ്പോര്ട്ടിലാണ് ലഘുലേഖ സിപിഎം നേതാവ് ഹാജരാക്കിയതാണെന്ന വിവരങ്ങളുള്ളത്. കഴിഞ്ഞ നിയമസഭാ തെരഞ്ഞെടുപ്പില് അഴീക്കോട് മണ്ഡലത്തില് വര്ഗീയ പ്രചരണം നടത്തിയെന്നാരോപിച്ച് എതിര്സ്ഥാനാര്ത്ഥി എം വി നികേഷ് കുമാര് സമര്പിച്ച ഹര്ജിയിലാണ് ഷാജിക്കെതിരെ നടപടി വന്നത്. അഴീക്കോട് തെരഞ്ഞെടുപ്പ് കേസില് നികേഷ് കുമാര് നല്കിയ ഹര്ജിയില് സുപ്രീംകോടതി നോട്ടീസ് അയച്ചു. തെരഞ്ഞെടുപ്പില് തന്നെ വിജയിയായി പ്രഖ്യാപിക്കണമെന്ന് ആവശ്യപ്പെട്ട് നികേഷ് നല്കിയ ഹര്ജിയിലാണ് കെ എം ഷാജി ഉള്പ്പടെയുള്ള എതിര് കക്ഷികള്ക്ക് നോട്ടീസ് അയച്ചത്. ഷാജി നേരത്തെ നല്കിയ ഹര്ജിക്ക് ഒപ്പം നികേഷിന്റെ ഹര്ജിയും കേള്ക്കാം എന്ന് ജസ്റ്റിസ് എ കെ സിക്രി വ്യക്തമാക്കി.
കഴിഞ്ഞ നിയമസഭാ തെരഞ്ഞെടുപ്പില് അഴീക്കോട് മണ്ഡലത്തില് വര്ഗീയ ലഘുലേഖകള് വിതരണം ചെയ്തുവെന്ന് ആരോപിച്ച് എതിര്സ്ഥാനാര്ത്ഥിയായിരുന്ന എം വി നികേഷ് കുമാര് സമര്പിച്ച ഹര്ജിയില് കെ എം ഷാജിയെ ഹൈക്കോടതി അയോഗ്യനാക്കിയിരുന്നു. നാടകീയ സംഭവങ്ങള്ക്കൊടുവില് വിധിക്കെതിരെ കെ എം ഷാജി സുപ്രീംകോടതിയെ സമീപിച്ചു. കഴിഞ്ഞ നവംബറില് ജസ്റ്റിസ് എ കെ സിക്രി അധ്യക്ഷനായ ബെഞ്ച് കെ എം ഷാജിയുടെ നിയമസഭാംഗത്വം റദ്ദ് ചെയ്തുള്ള നടപടിക്ക് ഉപാധികളോടെ സ്റ്റേ അനുവദിച്ചു. എന്നാല് പൂര്ണ്ണമായ സ്റ്റേ ആവശ്യപ്പെട്ട് വീണ്ടും കോടതിയെ സമീപിച്ചെങ്കിലും സുപ്രീം കോടതി മുന് ഉത്തരവ് ആവര്ത്തിക്കുകയായിരുന്നു.
https://www.facebook.com/Malayalivartha
