എം.എല്.എ ശശി വിഷയത്തില് സ്വീകരിച്ച നിലപാട്, മന്ത്രി സുധാകരനെതിരായ പരാതി, ഇപ്പോള് എം.എല്.എ എസ്. രാജേന്ദ്രന്റെ കലക്ടര്ക്കെതിരെയുള്ള പരാമര്ശം; ലോക്സഭ തിരഞ്ഞെടുപ്പ് അടുത്ത് നില്ക്കെ സിപിഎം നേതാക്കളില് നിന്നുയരുന്ന സ്ത്രീ വിരുദ്ധ പരാമര്ശങ്ങള്, നിലപാടുകള് എല്ലാം തിരിച്ചടിയാകുമെന്ന് സൂചന
കളി പെണ്ണുങ്ങളോട് വേണ്ട സിപിഎമ്മേ. സ്ത്രീവിരുദ്ധനിലപാടുകള് സിപിഎമ്മിനെ തിരിഞ്ഞുകൊത്തുമോ. സിപിഎം പരാക്രമം സ്ത്രീകളോടല്ല വേണ്ടത്. അരേ ദുരാചാര നൃശംസ കംസാ പരാക്രമം സ്ത്രീകളോടല്ലവേണ്ടൂ. തവാന്തകന് ഭൂമിതലേജനിച്ചു. ജവേന സര്വ്വത്ര തിരഞ്ഞുകൊള്ക''. ലോക്സഭ തിരഞ്ഞെടുപ്പ് അടുത്ത് നില്ക്കെ സിപിഎം നേതാക്കളില് നിന്നുയരുന്ന സ്ത്രീ വിരുദ്ധ പരാമര്ശങ്ങള്, നിലപാടുകള് എല്ലാം തിരിച്ചടിയാകുമെന്നതിന്റെ സൂചനകളാണ് ഒടുവില് പുറത്ത് വരുന്നത്. എം.എല്.എ ശശി വിഷയത്തില് സ്വീകരിച്ച നിലപാട്, മന്ത്രി സുധാകരനെതിരായ പരാതി, ഇപ്പോള് എം.എല്.എ എസ്. രാജേന്ദ്രന്റെ കലക്ടര്ക്കെതിരെയുള്ള പരാമര്ശം.
ഇതെല്ലാം വരുന്ന തിരഞ്ഞെടു്പ്പില് പാര്ട്ടിക്ക് വിനയാകുമെന്നതില് സംശയമില്ല. ദേവികുളം സബ്കലക്ടര് രേണു രാജിനോട് അപമര്യാദയായി പെരുമാറിയ സിപിഎം എംഎല്എ എസ് രാജേന്ദ്രനെതിരെ വലിയ പ്രതിഷേധമാണ് സമൂഹമാധ്യമങ്ങളിലടക്കം ഉയര്ന്നു വരുന്നത്. സ്റ്റോപ്പ് മെമ്മോ അവഗണിച്ച് നടക്കുന്ന പഞ്ചായത്ത് ഷോപ്പിംഗ് കോംപ്ലക്സിന്റെ നിര്മ്മാണം തടയാനെത്തിയപ്പോഴായിരുന്നു സബ്കളക്ടര്ക്കെതിരെ എംഎല്എയുടെ ശകാര വര്ഷം. അവള് ബുദ്ധിയില്ലാത്തവളാണ്. വെറും ഐഎസ്എസ് കിട്ടിയെന്ന് പറഞ്ഞ് കോപ്പുണ്ടാക്കാന് വന്നിരിക്കുന്നു. കളക്ടറാകാന്വേണ്ടിമാത്രം പഠിച്ചിട്ട് കളക്ടറാകുന്ന ആളുകള്ക്ക് ഇത്രയും ബുദ്ധിക്കുറവുണ്ടോ എന്നിങ്ങനെ പോയി എംഎല്എയുടെ വിമര്ശനം. ഈ സൗഹചര്യത്തിലാണ് കോട്ടയം മെഡിക്കല് കോളേജിലെ തന്റെ പഴയ സഹപ്രവര്ത്തകയായ രേണുരാജിനെ പിന്തുണച്ച് ഡോ. നെല്സണ് രംഗത്ത് എത്തുന്നത്. രേണു രാജിനെ അളക്കാന് താങ്കള് പോരാ എന്ന് വ്യക്തമാക്കുന്ന കുറിപ്പ് ഇതിനോടകം തന്നെ സോഷ്യല് മീഡിയയില് വലിയ ചര്ച്ചയായിരിക്കുകയാണ്. ആയിരകണക്കിന് സ്ത്രീകളടക്കം ഇത് ഏറ്റെടുത്തിരിക്കുകയാണ്. ഇതിനിടെ മൂന്നാറിലെ പഞ്ചായത്തിന്റെ അനധികൃത നിര്മ്മാണത്തില് കോടതിയലക്ഷ്യ നടപടിയാവശ്യപ്പെട്ട് സബ് കളക്ടര് എ ജിക്ക് റിപ്പോര്ട്ട് നല്കി കഴിഞ്ഞു. നിയമനടപടി ആവശ്യപ്പെട്ട സബ് കളക്ടര് എസ് രാജേന്ദ്രന് എം എല് എയുടെ വ്യക്തിപരമായ അധിക്ഷേപം റിപ്പോര്ട്ടില് ഉള്പ്പെടുത്തിയിട്ടില്ല. നേരത്തെ ഡി.വൈ.എഫ്ഐ വനിതാ നേതാവിന്റെ ലൈംഗിക പീഡന പരാതിയില് പി.കെ. ശശി എം.എല്.എക്കെതിരെ കൂടുതല് നടപടിയില്ലാതിരുന്നതും പാര്ട്ടിയില് വലിയ വിവാദത്തിന് വഴിവച്ചിരുന്നു. ശശിയെ ആറ് മാസത്തേക്ക് സസ്പെന്ഡ് ചെയ്ത സംസ്ഥാന നേതൃത്വത്തിന്റെ തീരുമാനം സി.പി.എം കേന്ദ്ര കമ്മിറ്റി ശരിവെച്ചതിനെതിരെ വലിയ വിമര്ശനമാണ് ഉയര്ന്നു വന്നത്. ശശിക്കെതിരായ നടപടി പര്യാപ്തമല്ലെന്ന് കാട്ടി പരാതിക്കാരിയായ സ്ത്രീയും വി.എസ് അച്യുതാനന്ദനും സി.പി.എം കേന്ദ്ര കമ്മിറ്റിയെ സമീപിച്ചിരുന്നു. ഫലമുണ്ടായില്ല. ഒടുവില് സ്ത്രീത്വത്തെ അപമാനിച്ചെന്ന പരാതിയില് മന്ത്രി ജി സുധാകരന് എതിരെ കേസെടുക്കണമെന്ന് കോടതി പറഞ്ഞതും വലിയ ചര്ച്ചയായിരുന്നു.
പൊതുപരിപാടിയില് വച്ച് അധിക്ഷേപിച്ചെന്ന് മുന് പേഴ്സണല് സ്റ്റാഫ് അംഗത്തിന്റെ പരാതിയിലായിരുന്നു ഇടപെടല്. ഏതായാലും ബന്ധുനിയമന വിവാദത്തില് തുടങ്ങി സബ് കലക്ടര്ക്കെതിരായ എസ്. രാജേന്ദ്രന് എം.എല്.എയുടെ ഭാഷാ പ്രയോഗം വരെ സി.പി.എം നേതൃത്വത്തെ വെട്ടിലാക്കിയിട്ടുണ്ട്. ഇതെല്ലാം വരുന്ന തിരഞ്ഞെടുപ്പില് പ്രതിഫലിക്കുമെന്ന കാര്യത്തില് സംശയമില്ല.
https://www.facebook.com/Malayalivartha
