ഭര്തൃസഹോദരിയുടെ ഒന്പത് വയസുള്ള മകനെ ക്രൂരമായി ബലാത്സംഗം ചെയ്ത യുവതിക്കെതിരെ പോസ്ക്കോ നിയമപ്രകാരം കേസെടുത്തു, മലപ്പുറം തേഞ്ഞിപ്പലത്താണ് മനസാക്ഷിയെ നടുക്കിയ സംഭവം നടന്നത്
ഭര്തൃസഹോദരിയുടെ ഒന്പത് വയസുള്ള മകനെ ക്രൂരമായി ബലാത്സംഗം ചെയ്ത യുവതിക്കെതിരെ പോസ്ക്കോ നിയമപ്രകാരം കേസെടുത്തു. മലപ്പുറം തേഞ്ഞിപ്പലത്താണ് മനസാക്ഷിയെ നടുക്കിയ സംഭവം നടന്നത്. കുട്ടിയുടെ മാതാപിതാക്കള് നല്കിയ പരാതിയിലാണ് തേഞ്ഞിപ്പലം പൊലീസ് കേസെടുത്തത്. ഒന്നരവര്ഷമായി നിരന്തരം പ്രകൃതിവിരുദ്ധ പീഡനത്തിനിരയായ കുട്ടി മാനസിക അസ്വസ്ഥത പ്രകടിപ്പിച്ചതിനെ തുടര്ന്ന് സ്വകാര്യ ക്ലീനിക്കില് ചികിത്സയ്ക്ക് വിധേയമാക്കിയിരുന്നു. സംശയം തോന്നിയ ഡോക്ടര് കുട്ടിയോട് കാര്യങ്ങള് തിരക്കിയപ്പോഴാണ് സംഭവത്തിന്റെ ചുരുളഴിഞ്ഞത്. ഇക്കാര്യം ഡോക്ടര് അറിയിച്ചതിനെ തുടര്ന്ന് പൊലീസ് പ്രാഥമിക അന്വേഷണം നടത്തി.
കുട്ടിയും മാതാപിതാക്കളും താമസിക്കുന്ന വീടിനോട് ചേര്ന്നുള്ള വീട്ടിലാണ് അമ്മായും താമസിച്ചിരുന്നത്. മൊഴിയെടുത്തശേഷം യുവതിയുടെ അറസ്റ്റടക്കമുള്ള തുടര് നടപടികളിലേക്ക് കടക്കുമെന്ന് പൊലീസ് അറിയിച്ചു. സംസ്ഥാനത്ത് പോസ്ക്കോ കേസുകളുടെ എണ്ണം കഴിഞ്ഞ വര്ഷം കൂടിയിട്ടുണ്ട്. വയനാട്ടില് പ്രായപൂര്ത്തിയാകാത്ത ആദിവാസി പെണ്കുട്ടിയെ ബലാത്സംഗം ചെയ്ത കോണ്ഗ്രസ് നേതാവ് എം.ഒ ജോണിനെതിരെ പോസ്ക്കോ കേസ് എടുത്തിരുന്നു. പ്രായപൂര്ത്തിയാകാത്ത പെണ്കുട്ടിയ പീഡിപ്പിച്ച തിരുവനന്തപും തൊളിക്കോട് ഇമാം ഷെഫീഖ് അല് ഖാസിമിക്കെതിരെയും പോസ്ക്കോ നിയമപ്രകാരം കേസ് എടുത്തു.
ഒമ്പതുവയസ്സുകാരനെ ലൈംഗികമായി പീഡിപ്പിച്ച രാജി (25) എന്ന യുവതിയെ പോസ്ക്കോ ചുമത്തില് കഴിഞ്ഞയാഴ്ച അറസ്റ്റ് ചെയ്തിരുന്നു. സാമ്പത്തികമായി സഹായിക്കാമെന്ന് വാഗ്ദാനം നല്കിയാണ് കരളില് കാന്സര് ബാധിച്ച തിരുവനന്തപുരത്തുള്ള കുട്ടിയെ രാജി മലയാറ്റൂരിലെ വീട്ടിലെത്തിച്ചത്. കഴിഞ്ഞ നാല് മാസമായി ഇവരുടെ വീട്ടിലായിരുന്നു കുട്ടി. രാജി കടുത്ത ലൈംഗിക വൈകൃതങ്ങള്ക്കടിമയാണെന്ന് പൊലീസ് അറിയിച്ചു. നിരവധി തവണ പീഡനത്തിനിരയായിട്ടുണ്ടെന്ന് കുട്ടി പോലീസിനോട് പറഞ്ഞു. കുട്ടിയുടെ അമ്മ നല്കിയ പരാതിയെ തുടര്ന്ന് നടത്തിയ അന്വേഷണത്തിലാണ് രാജി കുടുങ്ങിയത്. കുട്ടിക്ക് ശാരീരികമായ അസ്വസ്ഥതകള് അനുഭവപ്പെട്ടപ്പോള് ഡോക്ടറെ കണ്ട് കൗണ്സലിങ് നടത്തിയപ്പോഴാണ് സംഭവം പുറംലോകം അറിയുന്നത്.
ഒന്പതുകാരന്റെ അമ്മയുമായി യുവതിക്ക് ഉണ്ടായിരുന്ന അടുപ്പമാണ് നാലാം ക്ലാസുകാരനെ യുവതിയുടെ അടുക്കലെത്തിച്ചത്. ലിവര് ട്രാന്സ്പ്ലാന്റേഷന് വിധേയമാകാനിരിക്കുകയാണ് ബാലന്. അതിനായി ആര്സിസിയില് 13 ലക്ഷത്തോളം രൂപ ഒന്പതുകാരന്റെ 'അമ്മ കെട്ടിവെച്ചിട്ടുമുണ്ട്. സോഷ്യല് മീഡിയകളില് കുട്ടിയുടെ അവസ്ഥ വിവരിച്ചാണ് നിര്ദ്ധനയായ 'അമ്മ കുട്ടിയുടെ കരള് മാറ്റിവയ്ക്കല് ചികിത്സയ്ക്ക് പണം സ്വരൂപിച്ചത്. കുട്ടിയുടെ സന്തോഷത്തിനു വേണ്ടി എന്ന രീതിയിലാണ് യുവതി കുട്ടിയെ ഒപ്പം കൂട്ടി കൊച്ചി കാക്കനാട്ടേയ്ക്ക് മാറിയത്. ഇവിടെ തന്നെയാണ് കുട്ടി പഠിക്കുന്നതും. അടുത്തകാലത്ത് വിവാഹിതയായ രാജിയാണ് ഭര്ത്താവ് ഒപ്പമുള്ളപ്പോള്ത്തന്നെ ഒമ്പതുവയസുകാരനെ പീഡനത്തിനിരയാക്കത്.
മദ്യപിച്ച് വീട്ടിലെത്തുന്ന ഭര്ത്താവ് ഉറങ്ങുന്നസമയത്തായിരുന്നു ആദ്യമായി ഒമ്പതുവയസുകാരനെ വിവസ്ത്രനാക്കി രാജി പീഡിപ്പിച്ചത്. ഒന്പത്കാരന് ലിവര് കാന്സറാണ്. ബാലന്റെ ദേഹത്ത് തടിപ്പുകളും വ്രണങ്ങളും തുടര്ച്ചയായി പ്രത്യക്ഷപ്പെട്ടതോടെ അസ്വഭാവികമായി എന്തോ സംഭവിക്കുന്നുണ്ടെന്ന് ഡോക്ടര്ക്ക് സംശയം തോന്നിയത്. കുട്ടിയില് നിന്ന് കാര്യങ്ങള് മനസിലാക്കിയ ഡോക്ടര് വിവരങ്ങള് മാതാവിന് കൈമാറി. പീഡനം നടന്നത് കാലടി പൊലീസ് സ്റ്റേഷന് പരിധിയിലായതിനാലാണ് ബാലന്റെ മാതാപിതാക്കള് അവിടെ പരാതി നല്കുകയായിരുന്നു.
https://www.facebook.com/Malayalivartha
