ആലുവ യു സി കോളേജിന് സമീപം പുഴയിൽ മൃതദേഹം കല്ല് കെട്ടി താഴ്ത്തിയ നിലയിൽ കണ്ടെത്തി. തുണികൊണ്ട് മൂടിക്കെട്ടിയ നിലയിൽ ആണ് മൃതദേഹം. മൃതദേഹം സ്ത്രീയുടേതാണെന്നാണ് പോലീസ് തിരിച്ചറിഞ്ഞു . പോലീസ് സ്ഥലത്തെത്തി പരിശോധന നടത്തി. കൊലപാതകമെന്നാണ് പെലീസിന് ലഭിക്കുന്ന പ്രാഥമിക സൂചന.

30 വയസ്സിനടുത്ത് പ്രായമുണ്ടെന്നാണു നിഗമനം. മൃതദേഹത്തിന് രണ്ടു ദിവസത്തോളം പഴക്കമുണ്ട്. യുസി കോളജിനു സമീപം വിൻസൻഷ്യൻ വിദ്യാഭവനു പുറകിലെ കുളിക്കടവിൽ വൈദിക വിദ്യാർഥികളാണ് മൃതദേഹം കണ്ടെത്തിയത്. മരക്കൂട്ടത്തിൽ തടഞ്ഞു നിൽക്കുന്ന നിലയിലായിരുന്നു. പുതപ്പിനുള്ളിൽനിന്ന് അഴുകിയ കൈ പുറത്തേക്കു തള്ളി നിൽക്കുകയായിരുന്നു. രാവിലെ മൃതദേഹം കരയ്ക്കുകയറ്റി. ഇന്നലെ രാത്രിയാണ് മൃതദേഹം കണ്ടെത്തിയത്. സമീപ ദിവസങ്ങളിൽ കാണാതായവരെ കേന്ദ്രീകരിച്ച് അന്വേഷണം നടക്കുന്നു.