പോക്സോയിൽ കുടുങ്ങിയപ്പോൾ ഇമാമിന്റെ അതിവിദഗ്ധമായ മുങ്ങൽ:- ഒളിവിൽ കഴിയുന്ന തിരുവനന്തപുരം തൊളിക്കോട് പള്ളി മുന് ഇമാം ഷഫീഖ് അല് ഖാസിമിയുടെ സ്വദേശമായ ഈരാറ്റുപേട്ടയിലും സുഹൃത്തുക്കളുടെ വീട്ടിലും പൊലീസ് പൊലീസ് അന്വേഷണം; കീഴടങ്ങണമെന്ന് ഇമാമിന്റെ വക്കീലിനോട് പൊലീസ്
പോക്സോ കേസ് ചുമത്തിയ മുസ്ലിം പള്ളി മുന് ഇമാം ഷഫീഖ് അല് ഖാസിമി ഒളിവിൽ. തൊളിക്കോട് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച തിരുവനന്തപുരം തൊളിക്കോട് പള്ളി മുന് ഇമാം ഷഫീഖ് അല് ഖാസിമിക്ക് വേണ്ടിയുള്ള അന്വേഷണം ഊര്ജ്ജിതമാത്തി പോലീസ്. ഇയാള് മുന്കൂര് ജാമ്യം തേടി ഹൈക്കോടതിയെ സമീപിക്കാനും നീക്കമുണ്ടെന്നാണ് വിവരം. ഇമാമിന്റെ ജന്മനാടായ ഈരാറ്റുപേട്ടയിലും ബന്ധുക്കളുടെ വീട്ടിലും പോലീസ് തെരച്ചില് നടത്തി.
തൊളിക്കോട് മുസ്ലിം പള്ളി പ്രസിഡന്റ് നല്കിയ പരാതിയിലാണ് ഷഫീഖ് അല് ഖാസിമിക്കെതിരെ പോക്സോ കേസ് ചുമത്തിയിരിക്കുന്നത്്. പ്രായപൂര്ത്തിയാകാത്ത പെണ്കുട്ടിയെ വനത്തിനുളളില് വെച്ച് പീഡിപ്പിച്ച കേസിലാണിത്. പോപ്പുലര് ഫണ്ട് സഹയാത്രികനും ഇമാംസ് കൗണ്സിലിന്റെ സംസ്ഥാന സമിതി അംഗവും മതപ്രഭാഷകനുമാണ് അല് ഖാസിമി. ഇമാമിനെതിരേ വിതുര പോലീസാണ് കേസെടുത്തത്. പെണ്കുട്ടിയെ ചൈല്ഡ് വെല്ഫെയറിന് കൗണ്സിലിങ്ങിന് വിധേയയാക്കി. പള്ളി പ്രസിഡന്റ് ബാദുഷയാണ് പരാതി നല്കിയത്.
നേരത്തെ പീഡനത്തിനിരയായ പെണ്കുട്ടിയും കുടുംബവും പരാതി നല്കാത്തതിനെ തുടര്ന്നാണ് കേസെടുക്കാന് വൈകിയതെന്ന് പോലീസ് വ്യക്തമാക്കിയിരുന്നു. സംഭവം പുറത്തായതിനെ തുടര്ന്ന് ഇയാളെ സംഘടനയില് നിന്നും പള്ളിയില് നിന്നും പുറത്താക്കിയിരുന്നു. ഇമാം വാഹനത്തില് പെണ്കുട്ടിയെ വനത്തില് കൊണ്ടുപോയി പീഡിപ്പിക്കാന് ശ്രമിച്ചെന്നായിരുന്നു ആരോപണം. സ്കൂള് വിദ്യാര്ത്ഥിനി ആയ പെണ്കുട്ടിയെ കാറില് കയറ്റി വനമേഖലയിലേയ്ക്ക് കൊണ്ടു പോകുകയായിരുന്നു. ഇവിടെ സംശയാസ്പദമായ സാഹചര്യത്തില് കാര് കണ്ടതിനെ തുടര്ന്ന് തൊഴിലുറപ്പ് തൊഴിലാളി സ്ത്രീകള് വാഹനം തടഞ്ഞുവച്ചുവെങ്കിലും ഇയാള് വിദ്യാര്ത്ഥിയുമായി കടന്നുകളഞ്ഞു. തുടര്ന്ന് വിവരം പള്ളിക്കാരെ അറിയിക്കുകയായിരുന്നു.
വനപ്രദേശത്തിന് സമീപത്ത് ഇന്നോവയിലാണ് ഷഫീഖ് അല് ഖാസിമിയും പെണ്കുട്ടിയും എത്തിയത്. യൂണിഫോമായിരുന്നു കുട്ടി ധരിച്ചിരുന്നതെന്ന് നാട്ടുകാര് പറഞ്ഞത്. തുടര്ന്ന് അവിടെയെത്തി ആ കുട്ടി ആരാണെന്ന് ചോദിച്ചപ്പോള്, ഭാര്യ എന്നായിരുന്നു ഇയാള് മറുപടി പറഞ്ഞത്. തുടര്ന്ന് വീണ്ടും ചോദ്യം ചെയ്തപ്പോള് ഇമാം വണ്ടിയെടുത്ത് പോവുകയായിരുന്നു. പള്ളികമ്മിറ്റി നടത്തിയ പ്രാഥമിക അന്വേഷണത്തെ തുടര്ന്നാണ് ഇയാളെ പുറത്താക്കിയത്. നേരത്തേ ആറ്റിങ്ങലിന് സമീപമുള്ള പ്രമുഖ പള്ളി ഉള്പ്പെടെയുള്ള പള്ളികളില് ഇയാള് ചീഫ് ഇമാമായി പ്രവര്ത്തിച്ചിരുന്നു.
സംഭവം ഒതുക്കിതീർക്കാൻ ശ്രമം ഉണ്ടായെങ്കിലും ജമാഅത്ത് കമ്മിറ്റി ശക്തമായി ഇടപെട്ടതോടെയാണ് ഇമാം സ്ഥാനം തെറിച്ചത്. അച്ചടക്ക നടപടിയുടെ ഭാഗമായാണ് നടപടിയെന്നായിരുന്നു ഔദ്യോഗിക ഭാഷ്യം. ഇയാളെ തടഞ്ഞു നിര്ത്തുന്ന വീഡിയോ സമൂഹമാധ്യമങ്ങളില് വ്യാപകമായി പ്രചരിച്ചിരുന്നു. പോപ്പുലര് ഫ്രണ്ട് സഹയാത്രികനും ഇമാംസ് കൗണ്സിലിന്റെ സംസ്ഥാന സമിതി അംഗവും മതപ്രഭാഷകനുമായ ഷഫീഖ് അല് ഖാസിമിയെ സംഘടനയില് നിന്നും പുറത്താക്കിയതായി ഓള് ഇന്ത്യന് ഇമാം കൗണ്സില് ഫേസ്ബുക്കിലൂടെ അറിയിക്കുകയായിരുന്നു.
അച്ചടക്ക നടപടിയുടെ ഭാഗമായി ആള് ഇന്ത്യ ഇമാംസ് കൗണ്സിലില് നിന്ന് സസ്പെന്റ് ചെയ്തതായി ഇമാംസ് കൗണ്സില് സംസ്ഥാന പ്രസിഡന്റ് മൗലാനാ മുഹമ്മദ് ഈസാ ഫാളില് മമ്ബഈ അറിയിച്ചു എന്നായിരുന്നു കുറിപ്പ്.പക്ഷെ എന്തിന്റെ പേരിലാണ് ഖാസിമിയെ പുറത്താക്കുന്നതെന്ന് ഇമാം കൗണ്സില് വ്യക്തമാക്കിയിരുന്നില്ല.
ഇദ്ദേഹം എസ്ഡിപിഐയുടെ പ്രധാന പ്രചാരകനാണ്. നേരത്തേ ആറ്റിങ്ങലിന് സമീപമുള്ള പ്രമുഖ പള്ളി ഉള്പ്പെടെയുള്ള പള്ളികളില് ഇയാള് ചീഫ് ഇമാമായി പ്രവര്ത്തിച്ചിട്ടുണ്ട്. കാശ്മീരി പെൺകുട്ടി പീഡനത്തിനിരയായി കൊല്ലപ്പെട്ട സംഭവത്തിൽ നാടൊട്ടുക്കും തീപ്പൊരി പ്രസംഗങ്ങളുമായി നിറഞ്ഞുനിന്ന വ്യക്തിയാണ് സ്കൂൾ വിദ്യാർഥിനിയെ പീഡിപ്പിക്കാൻ ശ്രമിച്ചത്. ഇതാണ് തൊളിക്കോട് ജമാഅത്തിലെ ഒരു വിഭാഗം പ്രവർത്തകരെ ചൊടിപ്പിച്ചത് ഇവരുടെ ശക്തമായ സമ്മർദ്ദത്തെ തുടർന്നാണ് ഇയാളെ സസ്പെൻഡ് ചെയ്തത്.
https://www.facebook.com/Malayalivartha
