നാദാപുരം വളയം കുയ്‌തേരിയിൽ ബോംബ് സ്‌ഫോടനം. സ്‌ഫോടനത്തിൽ രണ്ട് വിദ്യാർഥിനികൾക്ക് പരുക്കേറ്റു. മദ്രസയിൽ പോകുന്ന വിദ്യാർത്ഥികൾ പ്ലാസ്റ്റിക്ക് കവറിൽ പൊതിഞ്ഞ നിലയിൽ കണ്ടെത്തിയ സ്റ്റീൽ ബോംബുകൾ തട്ടിമാറ്റിയപ്പോഴാണ് സ്‌ഫോടനമുണ്ടായത്.

മൂന്ന്,ആറ് ക്ലാസുകളിൽ പഠിക്കുന്ന രണ്ട് വിദ്യാര്‍ത്ഥിനികൾക്കാണ് സ്ഫോടനത്തില്‍ പരിക്കേറ്റത്.. പരുക്കേറ്റ വിദ്യാർഥികളെ വടകര സീയം ഹോസ്പിറ്റലിൽ പ്രവേശിപ്പിച്ചു. പുതുക്കുടി താഴെ എന്ന സ്ഥലത്താണ് സ്‌ഫോടനം ഉണ്ടായത്. വളയം പോലീസും ബോംബ് സ്‌ക്വാഡും സ്ഥലത്തെത്തി എത്തി പരിശോധന നടത്തി. പ്രദേശത്തെ പ്രകമ്പനം കൊള്ളിച്ച ഉഗ്രസ്ഫോടനമാണ് നടന്നതെന്ന് നാട്ടുകാര്‍ പറഞ്ഞു. സ്റ്റീല്‍ ബോംബിന്റെ അവശിഷ്ടങ്ങള്‍ പോലീസ് കണ്ടെത്തി.

ബോംബ് നിർമ്മിച്ചവർ സ്റ്റീൽ ബോംബുകൾ കവറിലാക്കി ഉപേക്ഷിച്ചതാണെന്നാണ് പോലീസ് സംശയിക്കുന്നത്. പ്രദേശത്ത് ബോംബ് നിർമ്മാണം വ്യാപകമാണെന്ന ആരോപണവുമുണ്ട്. കുയ് തേരി ഒ പി മുജീബിന്റെ മക്കളായ ഫാത്തിമ 10 ,നാദിയ (8) എന്നിവർക്കാണ്‌ പരിക്കേറ്റത്.