കാസര്കോട് ഇരട്ടകൊലപാതകം: സിപിഎം പ്രവര്ത്തകരാണ് കേസിലെ പ്രതികള്, കൊലപാതകത്തില് കൂടുതല് പേര് ഉള്പ്പെട്ടിട്ടുണ്ടെന്നും റിമാന്ഡ് റിപ്പോര്ട്ട്
കാസര്കോട് പെരിയയിലെ ഇരട്ടകൊലപാതകത്തിന് കാരണം രാഷ്ട്രീയ വിരോധമെന്ന് റിമാന്ഡ് റിപ്പോര്ട്ട്. സിപിഎം പ്രവര്ത്തകരാണ് കേസിലെ പ്രതികളെന്നും കൊലപാതകത്തില് കൂടുതല് പേര് ഉള്പ്പെട്ടിട്ടുണ്ടെന്നും റിമാന്ഡ് റിപ്പോര്ട്ടില് പറയുന്നു. അതേസമം ഇരട്ട കൊലപാതക കേസില് മറ്റു പ്രതികളുടെ അറസ്റ്റ് ഉടനെന്ന് ഐജി ബലറാം കുമാര് ഉപാധ്യായ അറിയിച്ചു. കൃപേഷിനെയും ശരത് ലാലിനെയും ആക്രമിച്ചത് കൊല്ലണം എന്ന ഉദ്ദേശത്തോടെ തന്നെ.
ഇതിനിടെ കേസില് അറസ്റ്റിലായ സി പി എം മുന് ലോക്കല് കമ്മിറ്റി അംഗം എ പീതാംബരനെ കോടതി ഏഴ് ദിവസത്തെ പൊലീസ് കസ്റ്റഡിയില് വിട്ടു. കാഞ്ഞങ്ങാട് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയിലാണ് പീതാംബരനെ ഹാജരാക്കിയത്.
വിശദമായ അന്വേഷണം വേണമെന്ന് പൊലീസ് ആവശ്യപ്പെട്ടു. പ്രതിക്ക് വേണ്ടി ഹാജരായ അഭിഭാഷകന് കസ്റ്റഡി ആവശ്യം എതിര്ത്തില്ല. പ്രതിയുടെ മുടിയുടെയും രക്തത്തിന്റെയും സാമ്ബില് എടുക്കുന്നതിനും മറ്റു തെളിവുകള് ശേഖരിക്കുന്നതിനുമാണ് 7 ദിവസ കസ്റ്റഡിയാണ് കോടതി അനുവദിച്ചത്.
https://www.facebook.com/Malayalivartha
