കേരളത്തിലെ സ്ത്രീകള്ക്ക് സാമ്പത്തിക ഭദ്രത കെഎസ്എഫ്ഇ 'പിങ്ക് ചിട്ടി' ആരംഭിക്കുമെന്ന് മുഖ്യമന്ത്രി
കേരളത്തിലെ വനിതകള്ക്ക് സാമ്പത്തിക ഭദ്രത ഉറപ്പാക്കുക എന്ന ലക്ഷ്യത്തോടെ കെഎസ്എഫ്ഇ 'പിങ്ക് ചിട്ടി' ആരംഭിക്കുമെന്ന് മുഖ്യമന്ത്രി വി. ഡി. സതീശന്. കെഎസ്ആര്ടിസിയിലെ സൗജന്യ യാത്രയിലൂടെ സ്ത്രീകള്ക്ക് ലാഭിക്കാന് കഴിയുന്ന തുക ഈ പിങ്ക് ചിട്ടിയില് നിക്ഷേപിച്ച് അവര്ക്ക് സ്വന്തമായി വരുമാനം ഉണ്ടാക്കിയെടുക്കാന് സാധിക്കുമെന്ന് വി.ഡി. സതീശന് പറഞ്ഞു. ആലുവയില് നടന്ന എംഎല്എ മെറിറ്റ് അവാര്ഡ് വിതരണ ചടങ്ങിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
കെഎസ്ആര്ടിസിയിലെ സൗജന്യ യാത്രാ പദ്ധതി വഴി സര്ക്കാരിനുണ്ടാകുന്ന ആയിരം കോടി രൂപയുടെ നഷ്ടത്തെ വെറുമൊരു സാമ്പത്തിക നഷ്ടമായി താന് കാണുന്നില്ലെന്ന് അദ്ദേഹം വ്യക്തമാക്കി. ഈ പദ്ധതി കേരളത്തില് വലിയൊരു സാമൂഹികസാമ്പത്തിക മാറ്റത്തിന് കാരണമാകുമെന്നും, ആയിരം കോടി രൂപയേക്കാള് മൂല്യമുള്ള മാറ്റമാണ് ഇതിലൂടെ സമൂഹത്തില് ഉണ്ടാകാന് പോകുന്നതെന്നും അദ്ദേഹം കൂട്ടിച്ചേര്ത്തു.
ബസ് യാത്രയിലൂടെ ലാഭിക്കുന്ന ഈ പണം സ്ത്രീകള് പിങ്ക് ചിട്ടിയില് നിക്ഷേപിക്കുന്നതിലൂടെ അവര്ക്ക് ഭാവിയില് ഒരു വലിയ സമ്പാദ്യം കെട്ടിപ്പടുക്കാന് സാധിക്കുമെന്നാണ് പ്രതീക്ഷിക്കുന്നത്. ഉയര്ന്ന ശമ്പളം വാങ്ങുന്നവര്ക്ക് ടിക്കറ്റ് എടുക്കാനുള്ള സൗകര്യം പ്രിയദര്ശനി പദ്ധതിയില് ഉണ്ടെന്നും വി.ഡി. സതീശന് പറഞ്ഞു. ബസ് യാത്രയിലെ ഈ ലാഭം പിങ്ക് ചിട്ടി വഴി വനിതകളുടെ കൈകളിലേക്ക് എത്തുന്നതോടെ അവരുടെ വരുമാന മാര്ഗ്ഗങ്ങളില് വലിയ വര്ദ്ധനവുണ്ടാകുമെന്ന് അദ്ദേഹം പ്രത്യാശ പ്രകടിപ്പിച്ചു.
https://www.facebook.com/Malayalivartha
