ലിസി വീണ്ടും ക്യാമറയ്ക്ക് മുന്നിലേക്ക്
നീണ്ട ഇടവേളയ്ക്ക് വിരാമമിട്ടുകൊണ്ട് നടി ലിസി വീണ്ടും ക്യാമറയ്ക്ക് മുന്നിലേക്ക് തിരിച്ചെത്തുന്നു. കല്യാണ് ജൂവലേഴ്സിന്റെ ഏറ്റവും പുതിയ പരസ്യചിത്രത്തിലൂടെയാണ് ലിസിയുടെ മടങ്ങിവരവ്. പ്രിയദര്ശനാണ് സംവിധായകന് എന്നതാണ് ഏറ്റവും ശ്രദ്ധേയം.
ലിസിയുടെയും പ്രിയദര്ശന്റേയും മകള് കല്യാണി പ്രിയദര്ശനും പ്രഭു ഗണേശനുമാണ് പരസ്യചിത്രത്തിലെ മറ്റഭിനേതാക്കള്. ആരാധകര് ഒരുപാട് കാത്തിരുന്ന, ഈ കൂടിച്ചേരല് ഇതിനോടകം തന്നെ പ്രേക്ഷകര്ക്കിടയില് വലിയ തരംഗമായി മാറിക്കഴിഞ്ഞു.
1988ല് പുറത്തിറങ്ങിയ 'ചിത്രം' എന്ന സിനിമയ്ക്ക് ശേഷം ആദ്യമായാണ് പ്രിയദര്ശന്റെ സംവിധാനത്തില് ലിസി അഭിനയിക്കുന്നത് എന്നതാണ് ഏറ്റവും കൗതുകകരമായ കാര്യം. ഏകദേശം നാല് പതിറ്റാണ്ടുകള്ക്ക് ശേഷമുള്ള സര്ഗാത്മകമായ ഈ അപൂര്വ്വ ഒത്തുചേരല് സിനിമാപ്രേമികളുടെ മനസില് വലിയ സന്തോഷം നിറയ്ക്കുമെന്ന കാര്യത്തില് യാതൊരു സംശയവുമില്ല.
https://www.facebook.com/Malayalivartha
