തൃശൂരിൽ കൊ​ല​പാ​ത​ക രാ​ഷ്ട്രീ​യ​ത്തി​ൽ പ്ര​തി​ഷേ​ധി​ച്ച് കേരള സാ​ഹി​ത്യ അ​ക്കാ​ഡ​മി​യി​ലേ​ക്ക് യൂ​ത്ത് കോൺഗ്രസ് പ്രവർത്തകർ ന​ട​ത്തി​യ വാ​ഴ​പ്പി​ണ്ടി സ​മ​ര​ത്തെ പ​രി​ഹ​സി​ച്ച് അ​ക്കാ​ഡ​മി പ്ര​സി​ഡ​ന്‍റ് വൈ​ശാ​ഖ​ൻ രംഗത്ത് .

യൂത്ത് കോണ്‍ഗ്രസിന്റേത് തരംതാഴ്ന്ന രാഷ്ട്രീയമാണെന്നും കാസര്‍ഗോട്ടെ കൊലപാതകത്തില്‍ സാംസ്‌കാരിക പ്രവര്‍ത്തകര്‍ പ്രതികരിച്ചില്ലെന്ന് ആരാണ് പറഞ്ഞതെന്നും വൈശാഖന്‍ ചോദിച്ചു. വൈശാഖനു പുറമേ , .യൂത്ത് കോണ്‍ഗ്രസ് നടപടിയ്‌ക്കെതിരെ പുരോഗമന കലാസാഹിത്യസംഘം പ്രവര്‍ത്തകരും പ്രതിഷേധിച്ചു.

അതേ സമയം മുഖ്യമന്ത്രിക്ക് തിരുവനന്തപുരത്തേക്ക് വാഴപ്പിണ്ടി കൊറിയര്‍ ചെയ്യാനെത്തിയ യൂത്ത് കോണ്‍ഗ്രസ് പ്രവര്‍ത്തകരെ പൊലീസ് തടഞ്ഞു. അക്കാദമിക്കു മുന്നില്‍ വാഴപ്പിണ്ടി വെച്ച യൂത്ത് കോണ്‍ഗ്രസ് നടപടിയെ മുഖ്യമന്ത്രി പിണറായി വിജയന്‍ ഫേസ്ബുക്കില്‍ നിശിതമായി വിമര്‍ശിച്ചിരുന്നു. ഇതിനെ തുടർന്നാണ് മുഖ്യമന്ത്രീക്ക് വാഴപ്പിണ്ടി കൊറിയർ ചെയ്യാനെത്തിയത്.

കഴിഞ്ഞ ദിവസം ഇ​ര​ട്ടക്കൊ​ല​പാ​ത​ക​ത്തി​ല്‍ സാം​സ്കാ​രി​ക നാ​യ​ക​ന്മാ​ര്‍ മൗ​ന​ത്തി​ലാ​ണെ​ന്ന് ആ​രോ​പി​ച്ചാ​ണ് സാ​ഹി​ത്യ അ​ക്കാ​ഡ​മി​യി​ലേ​ക്ക് പ്ര​തീ​കാ​ത്മ​ക​മാ​യി വാ​ഴ​പ്പി​ണ്ടി സ​മ്മാ​നി​ക്കാ​ൻ യൂ​ത്ത് കോ​ൺ​ഗ്ര​സ് എ​ത്തി​യിരുന്നത്.