കേരളത്തില്‍ ബിജെപി അവസരം തന്നാല്‍ മികച്ച സംസ്ഥാനമാക്കാമെന്ന് ബിജെപി ദേശീയ അധ്യക്ഷൻ അമിത് ഷാ.മോദി സർക്കാർ വീണ്ടും അധികാരത്തിലെത്തും. കേരളത്തിൽ ബിജെപി പ്രവർത്തനം തുടങ്ങിയത് മുതൽ കമ്മ്യൂണിസ്റ്റ് പാർട്ടി അക്രമം അഴിച്ചുവിടുന്നു. അതിൽ നൂറുകണക്കിന് പേർ ബലിദാനികളായിന്ന് അമിത് ഷാ ആഞ്ഞടിച്ചു .

കേരളത്തില്‍ ഇരുമുന്നണികളും ഭായ്-ഭായ് കൂട്ടുകെട്ടാണെന്നും അമിത് ഷാ ആരോപിച്ചു.അതുകൊണ്ട് തന്നെ കേരളത്തിൽ നിന്ന് എംപി മാർ ഉണ്ടാകണമെന്നും അമിത് ഷാ പാലക്കാട് പറഞ്ഞു.

മഹാ സഖ്യം രാജ്യത്തിന് നല്ലതല്ല. മഹാസഖ്യത്തിന് രാജ്യത്തെ മുന്നോട്ട് നയിക്കാനാവില്ലെന്നും അധികാരത്തിനായി അഴിമതിക്കാരുടെ കൂട്ടുകെട്ടാണ് മഹാ സഖ്യമെന്നും അമിത് ഷാ ആരോപിച്ചു.

10 വര്‍ഷം ഭരിച്ച യുപിഎ സര്‍ക്കാര്‍ കേരളത്തിന് വാഗ്ദാനങ്ങള്‍ മാത്രമാണ് നല്‍കിയതെന്നും കേരളത്തിന് ബിജെപി നല്‍കിയത് എന്‍ഡിഎ നല്‍കിയതിനേക്കാള്‍ നാലിരട്ടിയാണെന്നും അമിത് ഷാ പറഞ്ഞു.

ശബരിമല വിഷയത്തില്‍ കേരളത്തിലെ വിശ്വാസികളെ സംസ്ഥാന സര്‍ക്കാര്‍ വഞ്ചിച്ചുവെന്നും അമിത് ഷാ വ്യക്തമാക്കി . ശബരിമലയില്‍ പൊലീസ് വേഷത്തില്‍ ഡിവൈഎഫ്‌ഐ ഗുണ്ടകളെ വിന്യസിച്ചു. ബംഗാളിന്റെയും ത്രിപുരയുടേയും അവസ്ഥയിലേക്കാണ് കേരളത്തെ സിപിഎം എത്തിക്കുന്നതെന്നും അമിത് ഷാ കുറ്റപ്പെടുത്തി.