പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിൽ ഇമാമിനെ അറസ്റ്റ് ചെയ്യാതിരിക്കാന്‍ സര്‍ക്കാര്‍ ഇടപെടല്‍. പോലീസ്പ്രതിയെ അറസ്റ്റ് ചെയ്യാതിരിക്കുന്നത് കേസ് അട്ടിമറിക്കാനുള്ള ശ്രമത്തിന്റെ ഭാഗമായാണെന്നാണ് ആക്ഷേപം.

സംഭവം നടന്ന് രണ്ടാഴ്ച കഴിഞ്ഞിട്ടും ഇതുവരെ ഇമാമിനെ പിടികൂടാന്‍ പോലീസിനായിട്ടില്ല.ഇമാമിനെ തിരക്കുപിടിച്ച്‌ അറസ്റ്റ് ചെയ്യേണ്ടെന്ന് സര്‍ക്കാരില്‍ നിന്നും അനൗദ്യോഗികമായി പോലീസിന് നിര്‍ദേശം ലഭിച്ചതായാണ് വിവരം.

ഇമാമിനെ ഒളിവിൽ പോകാനും സാമ്പത്തിക സഹായം നൽകി സഹായിച്ചവരെയും അറസ്റ്റ് ചെയ്യാനുള്ള നടപടി ഇതുവരെ പോലീസ് കൈകൊണ്ടിട്ടില്ല.
ഇമാമിനെ സംരക്ഷിക്കാൻ ശ്രമിച്ചുവെന്ന പേരില്‍ തുടക്കത്തില്‍ മൂന്നു പേരെ ചോദ്യം ചെയ്‌തെങ്കിലും പിന്നീട് തുടര്‍നടപടികള്‍ നന്നായി നടന്നില്ല. എന്നാലിപ്പോൾ അന്വേഷണം ഏകദേശം മരവിപ്പിച്ച മട്ടിലാണ്.

എന്തെന്നാൽ , ഇമാം ഷെഫീക്ക് അല്‍ ഖാസ്മി എറണാകുളത്തും ഈരാറ്റുപേട്ടയിലുമായി ഒളിവിലാണെന്ന വിവരം അന്വേഷണ സംഘത്തിനുണ്ട്. ഇമാമിന്റെ സഹോദരനായ നൗഷാദിന്റെയും ചില എസ്ഡിപിഐ പ്രവര്‍ത്തരുടെ സഹായം കിട്ടുന്നുണ്ടെന്ന വിവരവും പോലീസ് ശേഖരിച്ചു. എന്നാൽ , നെടുമങ്ങാട് ഡിവൈഎസ്പി നേതൃത്വത്തിലുള്ള അന്വേഷണ സംഘം സംശയമുള്ള സ്ഥലങ്ങളില്‍ ഇമാമിനായുള്ള തെരച്ചില്‍ മരവിപ്പിച്ചിരിക്കുകയാണ് .

ഇമാമിനെ അറസ്റ്റ് ചെയ്താല്‍ എസ്ഡിപിഐ ഉള്‍പ്പടെയുള്ള മുസ്ലിം സംഘടനകളും ഇടതുപക്ഷത്തിന് എതിരാകുമെന്ന ഭയമാണ് അന്വേഷണം മരവിപ്പിക്കാനുള്ള സര്‍ക്കാര്‍ നിര്‍ദേശത്തിനു പിന്നില്‍. പെണ്‍കുട്ടിയുടെ മൊഴി അട്ടിമറിക്കാന്‍ അമ്മയും ബന്ധുക്കളും ശ്രമിച്ചുവെന്ന് നെടുമങ്ങാട് ഡിവൈഎസ്പി ഡി. അശോകന്‍ മുൻപ് പറഞ്ഞിരുന്നു. എന്നാല്‍ ഇതിനെ ചുറ്റിപ്പറ്റി അന്വേഷണമുണ്ടായില്ല ഇതുവരെ .

ഇതിനുപുറമേ , തൊളിക്കോടുള്ള രണ്ട് എസ്ഡിപിഐ പ്രവര്‍ത്തകര്‍ ഒളിവിലുണ്ടായിരുന്ന ഇമാമിന് രണ്ട് ലക്ഷം രൂപ നല്‍കിയെന്ന് ഇമാമിന്റെ സഹോദരനായ അല്‍-അമീന്‍ മൊഴി നല്‍കിയിരുന്നു. പക്ഷെ പണം നല്‍കിയവരെ കസ്റ്റഡിയിലെടുക്കുകയോ അറസ്റ്റ് രേഖപ്പെടുത്തുകയോ ചെയ്തില്ല. ഇമാം ഒളിവില്‍ പോകാന്‍ സഹായിച്ചതിന് അല്‍-അമീന് വ്യക്തമായ പങ്കുണ്ടെന്ന കണ്ടെത്തിയിട്ടും ഇയാളെ അറസ്റ്റ് ചെയ്യാനും പോലീസിനായിട്ടില്ല.

ബന്ധുക്കള്‍ക്കൊപ്പം വിടുന്നത് സുരക്ഷിതമല്ലെന്ന് ജില്ലാ ചൈല്‍ഡ് പ്രൊട്ടക്ഷന്‍ കമ്മിറ്റിയുടെ അഭിപ്രായത്തിന്റെ അടിസ്ഥാനത്തില്‍ ചൈല്‍ഡ് വെല്‍ഫയര്‍ കമ്മിറ്റി പെണ്‍കുട്ടിയെ ഇപ്പോഴും സുരക്ഷിത കേന്ദ്രത്തില്‍ പാര്‍പ്പിച്ചിരിക്കുകയാണ്. പെണ്‍കുട്ടിയെ കാണണമെന്ന് രക്ഷിതാക്കള്‍ക്കും ബന്ധുക്കളും നല്‍കിയ സമര്‍പ്പിച്ച ഹേബിയസ് കോര്‍പ്പസ് ഹര്‍ജിയില്‍ ഹൈക്കോടതി അനുമതി നല്‍കിയിരുന്നു.