ചെന്നൈയില് നിന്നും മംഗലാപുരത്തേക്ക് വരികയായിരുന്ന സൂപ്പര്ഫാസ്റ്റ് മെയില് ഷൊര്ണൂര് റെയില്വേ സ്റ്റേഷന് സമീപം പാളം തെറ്റി
ചെന്നൈയില് നിന്നും മംഗലാപുരത്തേക്ക് വരികയായിരുന്ന സൂപ്പര്ഫാസ്റ്റ് മെയില് ഷൊര്ണൂര് റെയില്വേ സ്റ്റേഷന് സമീപം പാളം തെറ്റി. ആര്ക്കും ഗുരുതര പരിക്കേറ്റതായി റിപ്പോര്ട്ടില്ല. പാലക്കാട് ഭാഗത്തു നിന്നും ഷൊര്ണൂര് സ്റ്റേഷനിലേക്ക് പ്രവേശിക്കുന്ന ഭാഗത്ത് യാര്ഡിന് സമീപമാണ് പാളം തെറ്റിയത്. എന്ജിന് പിന്നിലെ രണ്ട് ബോഗികള് മുഴുവനായും പാളം തെറ്റിയിട്ടുണ്ട്. പാളത്തിന് അരികിലെ ഇലക്ട്രിക് പോസ്റ്റുകള് തകര്ന്നിട്ടുണ്ട്. ആദ്യത്തെ ബോഗിയായ പാര്സല് വാനും പിന്നിലെ കോച്ചുമാണ് പാളം തെറ്റിയത്. ഇതോടെ ഷൊര്ണൂരില് നിന്നും കോഴിക്കോട്, തൃശ്ശൂര് ഭാഗങ്ങളിലേക്കും പാലക്കാട് ഭാഗത്തേക്കുമുള്ള ട്രെയിന് ഗതാഗതം മുടങ്ങി. തൃശൂര് പാലക്കാട് റൂട്ടില് ട്രെയിന് ഗതാഗതത്തെ ബാധിച്ചിട്ടില്ല.
റെയില്വേ തകരാര് പരിഹരിക്കാന് തുടങ്ങി. എഞ്ചിനും ചരക്ക് സാധനങ്ങള് കയറ്റുന്ന ബോഗിയുമാണ് തെന്നി മാറിയത്. അപകടത്തെ തുടര്ന്ന് തിരുവനന്തപുരം റൂട്ടിലെ ട്രെയിന് ഗതാഗതം തടസ്സപ്പെട്ടു. രണ്ട് മണിക്കൂറിനകം തകാരാര് പരിഹരിച്ച് ഗതാതതം പുനരാരംഭിക്കുമെന്ന് രെയില്വേ അധികൃതര് അറിയിച്ചു. ട്രെയിന് പാളം തെറ്റിയതിനെ തുടര്ന്ന് യാത്രക്കാര് പരിഭ്രാന്തരായി പുറത്തിറങ്ങിയിരുന്നു. റെയില്വേ സ്റ്റേഷന് തൊട്ടടുത്താണ് പാളം തെറ്റിയത്. അതിനാല് യാത്രക്കാര് സ്റ്റേഷനിലേക്ക് കയറിയിരിക്കുകയാണ്.
https://www.facebook.com/Malayalivartha
