പാക് ഭീകരര്‍ക്കെതിരെ ശക്തമായ നടപടി ഇന്ത്യ സ്വീകരിച്ചതിന് പിന്നാലെ ലോക രാജ്യങ്ങളുടെ പിന്തുണ ഉറപ്പാക്കി ഇന്ത്യ. ചൈനയായിരുന്നു ഇന്ത്യയുമായി അകലം പാലിച്ച രാജ്യം. എന്നാല്‍ മികച്ച നയതന്ത്രത്തിലൂടെ ഇന്ത്യ അത് നേടിയെടുക്കുകയാണ്. വ്യോമാക്രമണത്തിന്റെ സാഹചര്യം ഇന്ത്യ ചൈനയെ അറിയിച്ചിരിക്കുകയാണ്. ചൈനയില്‍ വച്ച് നടക്കുന്ന 16ാമത് ആര്‍ഐസി രാജ്യങ്ങളുടെ (റഷ്യ, ഇന്ത്യ, ചൈന) ഉച്ചകോടിയില്‍ വച്ചായിരുന്നു സുഷമാ സ്വരാജ് ഇന്ത്യയുടെ നിലപാട് ചൈനയെ അറിയിച്ചത്.


മസൂദ് അസ്ഹറിനെ ആഗോള ഭീകരനാക്കി പ്രഖ്യാപിക്കണം എന്ന് ഉച്ചകോടിയില്‍ പങ്കെടുക്കാന്‍ എത്തിയ സുഷമാ സ്വരാജ് ചൈനയെ അറിയിച്ചു. ചൈനീസ് വിദേശകാര്യ മന്ത്രി വാങ്ങ് യി ഇന്ത്യന്‍ വിദേശകാര്യമന്ത്രി സുഷമാ സ്വരാജ് ചര്‍ച്ച നടത്തി.

താന്‍ ചൈന സന്ദര്‍ശിക്കുന്ന വേളയില്‍ ഇന്ത്യയില്‍ കടുത്ത ദേഷ്യവും ദുഖവും നിലനില്‍ക്കുകയാണ്. ജമ്മു കശ്മീരിലെ സുരക്ഷാ സേനയ്ക്ക് നേരെ ഏറ്റവും മോശമായ ഭീകരാക്രമണമാണ് ഉണ്ടായിരിക്കുന്നത്. പാക്കിസ്ഥാന്‍ പിന്തുണയോടെ പ്രവര്‍ത്തിക്കുന്ന ജെയ് ഷെ മുഹമ്മദ് എന്ന ഭീകരസംഘടനയാണ് ആക്രമണം നടത്തിയത്. സുഷ്മ സ്വരാജ് വ്യക്തമാക്കി.

പുല്‍വാമാ ആക്രമണത്തിന് ഇന്ത്യന്‍ വ്യോമസേന തിരിച്ചടി നല്‍കി 24 മണിക്കൂറിനുള്ളിലാണ് സുഷമാ സ്വരാജ് ചൈനയുമായി കൂടിക്കാഴ്ച നടത്തിയത്. യുഎസ്, റഷ്യ, യുകെ, ഫ്രാന്‍സ് അടക്കം ലോക രാജ്യങ്ങള്‍ ഇന്ത്യയെ പിന്തുണച്ച് രംഗത്തുവന്നിരുന്നു.

ഇന്ത്യയ്‌ക്കെതിരെ സൈനിക നടപടികള്‍ പാടില്ലെന്നാണ് അമേരിക്ക പാകിസ്താനോട് വ്യക്തമാക്കിയത്്. പാക് മണ്ണിലെ ഭീകരര്‍ക്കെതിരെ ഉടന്‍ നടപടിയെടുക്കണമെന്നും അമേരിക്കന്‍ വിദേശകാര്യ സെക്രട്ടറി മൈക്ക് പോംപിയോ പാകിസ്താനോട് ആവശ്യപ്പെട്ടിരുന്നു.

ഇന്ത്യയോടും പാകിസ്താനോടും സൈനിക നടപടികള്‍ അവസാനിപ്പിക്കണമെന്നും മൈക്ക് പോംപിയോ ആവശ്യപ്പെട്ടു. ഇരുരാജ്യങ്ങളുടെയും വിദേശകാര്യ മന്ത്രിമാരോടാണ് അദ്ദേഹം ഇക്കാര്യം ആവശ്യപ്പെട്ടത്. മേഖലയില്‍ സമാധാനം നിലനിര്‍ത്തണമെന്നും ഇരു രാജ്യങ്ങളും ചര്‍ച്ച ചെയ്തു പ്രശ്‌നം പരിഹരിക്കണമെന്നും മൈക്ക് പോംപിയോ ആവശ്യപ്പെട്ടു.

അതേസമയം, ചൈനീസ് വിദേശകാര്യമന്ത്രിയുമായി സുഷമ സ്വരാജ് കൂടിക്കാഴ്ച നടത്തി. ഇന്ന് നടക്കുന്ന ഇന്ത്യചൈനറഷ്യ പതിനാറാം ത്രികക്ഷി ചര്‍ച്ചക്കു മുന്നോടിയായി നടന്ന കൂടിക്കാഴ്ചയിലാണ് ഇന്ത്യ നിലപാട് അറിയിച്ചത്.

പാകിസ്താനെതിരായ സൈനിക നീക്കമായിരുന്നില്ല ഇതെന്നും നടന്നത് ഭീകരവാദത്തിനെതിരായ നടപടിയാണെന്നും സുഷമ സ്വരാജ് വ്യക്തമാക്കി. പുല്‍വാമയില്‍ ജയ്‌ഷെ ഇ മുഹമ്മദ് നടത്തിയ ഭീകരാക്രമണത്തില്‍ നാല്‍പ്പത് സിആര്‍പിഎഫ് ജവാന്മാരെയാണ് ഇന്ത്യയ്ക്ക് നഷ്ടമായതെന്നും വിദേശകാര്യ മന്ത്രി ഓര്‍മ്മപ്പെടുത്തി. മസൂദ് അസറിനെ ആഗോളഭീകരനായി പ്രഖ്യാപിക്കണമെന്ന് സുഷമ ആവശ്യപ്പെട്ടു.

അതേസമയം പാകിസ്താന്‍ ഇന്ത്യന്‍ പോസ്റ്റുകള്‍ക്കു നേരെ ചൊവ്വാഴ്ച രാത്രി ആക്രമണം നടത്തിയിരുന്നു. ഇതേതുടര്‍ന്നു ഇന്ത്യ ശക്തമായി തിരിച്ചടി. ആക്രമണത്തില്‍ അഞ്ച് സൈനികര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ബുധനാഴ്ച പുലര്‍ച്ചെ ഷോപ്പിയാനിലുണ്ടായ ഏറ്റുമുട്ടലില്‍ രണ്ട് ഭീകരരെ സൈന്യം വധിച്ചു.