ഗള്ഫില് നിന്ന് മകന് വിളിച്ചിട്ട് അമ്മ ഫോണെടുക്കാത്തതിനാല് മകന് പറന്നെത്തി, അമ്മയെ കണ്ടത് വീട്ടില് മരിച്ചനിലയില്!
ആലപ്പുഴയില് ഒറ്റക്ക് താമസിച്ചിരുന്ന വീട്ടമ്മയെ വീട്ടില് മരിച്ചനിലയില് കണ്ടെത്തി. തിരുവമ്പാടി ചക്കാലക്കല് പരേതനായ ലിയോണിന്റെ ഭാര്യ മേരി ജാക്വിലിനെയാണ് (54) ചൊവ്വാഴ്ച മരിച്ചനിലയില് കണ്ടെത്തിയത്.
ഫോണ് വിളിച്ചിട്ടും എടുക്കാത്തതിനെത്തുടര്ന്ന് ദുബൈയില്നിന്ന് മകന് എത്തി വീട് തുറന്നപ്പോള് മേരി മരിച്ചുകിടക്കുന്നതാണ് കണ്ടത്. മകന് കിരണ് ദുൈബയിലെ കമ്പനിയില് ജോലിയായതിനാല് മേരി ഒറ്റക്കാണ് താമസിച്ചിരുന്നത്.
തിങ്കളാഴ്ച ഉച്ചയോടെയാണ് മകന് ഇവരെ ഫോണില് ബന്ധപ്പെടാന് ശ്രമിച്ചത്. വിളിച്ചിട്ട് കിട്ടാതായതോടെ, മകന് പരിസരവാസികളെയും സുഹൃത്തുക്കളെയും വിവരം അറിയിച്ചു.
ബന്ധുക്കള് ഉള്പ്പെടെ നടത്തിയ പരിശോധനയില് വീട് അകത്തുനിന്ന് പൂട്ടിയിരിക്കുകയാണെന്ന് ബോധ്യമായി. അതോടെ വിവരം പൊലീസിനെ അറിയിച്ചു.
ചൊവ്വാഴ്ച ഉച്ചക്ക് 12-ഓടെ കിരണ് ദുബൈയില്നിന്ന് എത്തി. പൊലീസിന്റെ നേതൃത്വത്തില് വീടിന്റെ വാതില് കുത്തിത്തുറന്ന് അകത്ത് കയറിയപ്പോള് മേരി മരിച്ചുകിടക്കുകയായിരുന്നു. മൃതദേഹം ആലപ്പുഴ മെഡിക്കല് കോളജ് ആശുപത്രിയില് പോസ്റ്റ്മോര്ട്ടത്തിന് അയച്ചു. മരുമകള്: ധന്യ
https://www.facebook.com/Malayalivartha
