കൊടും ദാ​രി​ദ്ര്യ​ത്തെ​ത്തു​ട​ര്‍​ന്ന് നവജാത ശിശുവിനെ മ​ക്ക​ളി​ല്ലാ​ത്ത ദമ്പതികൾക്ക് വിറ്റതിനെ തുടർന്ന് അമ്മയും ദമ്പതികളും ​ അ​റ​സ്​​റ്റി​ല്‍. ​ മൂ​വാ​റ്റു​പു​ഴ കോ​ട​തി​യി​ല്‍ ഹാ​ജ​രാ​ക്കി​യ ഇവരെ കോടതി ജാ​മ്യം അ​നു​വ​ദി​ച്ചു. കു​ഞ്ഞി​നെ മാ​താ​വി​ന്​ വി​ട്ടു ന​ല്‍​കി. മൂ​വാ​റ്റു​പു​ഴ മു​ട​വൂ​രി​ലാ​ണ് സം​ഭ​വം.

ക​ഴി​ഞ്ഞ മാസം 26നാണ് യുവതി സ്വ​ന്തം വീ​ട്ടി​ല്‍ പെ​ണ്‍​കു​ഞ്ഞി​ന് ജ​ന്മം ന​ല്‍​കി​യ​ത്. അ​ഞ്ചാ​മ​ത്തെ പ്ര​സ​വ​മാ​യി​രു​ന്നു.അ​ന്നു​​ത​ന്നെ വൈ​കീ​ട്ട്​ മൂ​ന്നോ​ടെ പേ​ഴ​ക്കാ​പ്പി​ള്ളി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ തേ​ടി. ഇ​വി​ടെ​വെ​ച്ചാ​ണ്​ ഈ ​മാ​സം നാ​ലി​ന്, 12 വ​ര്‍​ഷ​മാ​യി കു​ട്ടി​ക​ളി​ല്ലാ​ത്ത​തി​ന് ചി​കി​ത്സ ന​ട​ത്തി​വ​രു​ന്ന തി​രു​വ​ന​ന്ത​പു​രം വ​ര്‍ക്ക​ല സ്വ​ദേ​ശി​ക​ളാ​യ ദമ്പതികൾക്ക് ​ കു​ട്ടി​യെ വി​റ്റ​ത്.

മൂ​ന്ന് ആ​ണ്‍​കു​ട്ടി​ക​ളും ഒ​രു പെ​ണ്‍​കു​ട്ടി​യു​മു​ള്ള യു​വ​തി വീ​ണ്ടും ഗ​ര്‍​ഭി​ണി​യാ​യ​തോ​ടെ ഭ​ര്‍​ത്താ​വ് കാ​ര്യ​ങ്ങ​ള്‍ അ​ന്വേ​ഷി​ച്ചി​രു​ന്നി​ല്ല. ഇ​തോ​ടെ യു​വ​തി​ക്കും​ കു​ഞ്ഞു​ങ്ങ​ള്‍​ക്കും ഒ​രു നേ​ര​ത്തെ ആ​ഹാ​ര​ത്തി​നു​പോ​ലും വ​ക​യി​ല്ലാ​താ​യി. ഇ​താ​ണ്​ ന​വ​ജാ​ത​ശി​ശു​വി​നെ വി​ല്‍​ക്കാ​ന്‍ യു​വ​തി​യെ പ്രേ​രി​പ്പി​ച്ച​തെ​ന്ന്​ പൊ​ലീ​സ്​ പ​റ​യു​ന്നു. ആ​ശു​പ​ത്രി അ​ധി​കൃ​ത​രു​ടെ അ​റി​വോ​ടെ​യാ​യി​രു​ന്നു വി​ല്‍​പ​നയെന്നാണ് വിവരം.

യു​വ​തി കു​ഞ്ഞി​ല്ലാ​തെ ആ​ശു​പ​ത്രി​യി​ല്‍​നി​ന്ന്​ വീ​ട്ടി​ലെ​ത്തി​യ​തോ​ടെ​യാ​ണ് സം​ഭ​വം പുറത്തറിയുന്നത് . വി​വ​ര​മ​റി​ഞ്ഞ അയൽവാസി മൂ​വാ​റ്റു​പു​ഴ പൊ​ലീ​സി​ല്‍ പ​രാ​തി നൽകുകയായിരുന്നു . തു​ട​ര്‍​ന്ന് യു​വ​തി​യെ​യും കു​ഞ്ഞി​നെ വാ​ങ്ങി നാ​ട്ടി​ലേ​ക്ക് മ​ട​ങ്ങി​യ ദമ്പതികളെയും വി​ളി​ച്ചു​വ​രു​ത്തി പൊലീസ് അ​റ​സ്​​റ്റ്​ ചെ​യ്യു​ക​യാ​യി​രു​ന്നു.

അതേസമയം , കു​ട്ടി​ക​ളി​ല്ലാ​ത്ത ദമ്പതികൾക്ക് ​ പ​ണം വാ​ങ്ങാ​തെ കു​ഞ്ഞി​നെ ന​ല്‍​കു​ക​യാ​ണ്​ ചെ​യ്​​ത​തെ​ന്നാ​ണ്​ ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം. എ​ന്നാ​ല്‍, ഇ​ക്കാ​ര്യ​ത്തി​ലും ച​ട്ട​ങ്ങ​ളൊ​ന്നും പാ​ലി​ച്ചി​ട്ടി​ല്ല. എന്നാൽ , പ​ണ​മി​ട​പാ​ട്​ ന​ട​ന്ന​താ​യാ​ണ്​ പൊ​ലീ​സി​ന്​ ല​ഭി​ച്ച വി​വ​രം.