എറണാകുളത്തെ ഇടതുപക്ഷ സ്ഥാനാര്‍ത്ഥിയായ പി. രാജീവ്, നടന്‍ ശ്രീനിവാസനെ സന്ദര്‍ശിച്ചു. തിരഞ്ഞെടുപ്പു പ്രചരണത്തിന്റെ ഭാഗമായായിരുന്നു സന്ദര്‍ശനം. എന്നാല്‍ വിശേഷങ്ങള്‍ പങ്കുവയ്ക്കുന്നതിനിടെ വന്നകാര്യം പറയാന്‍ വിട്ടുപോയെന്നും പി.രാജീവ് സമൂഹമാധ്യമത്തില്‍ കുറിച്ചു. സമൂഹമാധ്യമത്തില്‍ പങ്കുവച്ച സരസമായ കുറിപ്പ് പ്രേക്ഷകരും ഏറ്റെടുത്തു.

'നടന്‍ ശ്രീനിവാസനെ എപ്പോള്‍ കണ്ടാലും ജൈവ കൃഷിയെ കുറിച്ചായിരിക്കും സംസാരം. ഞങ്ങള്‍ ഒന്നിച്ച് നടീല്‍ ഉത്സവങ്ങളിലും കൊയ്ത്തുത്സവങ്ങളിലും പങ്കെടുക്കാറുണ്ട്. അദ്ദേഹത്തിന്റെ നേതൃത്വത്തില്‍ ഉദയംപേരൂര്‍ പഞ്ചായത്തില്‍ വലിയ മുന്നേറ്റമാണ് കൃഷിയില്‍ ഉണ്ടായത്. കൃഷി വര്‍ത്തമാനത്തിനിടയില്‍ വോട്ട് അഭ്യര്‍ത്ഥിക്കാന്‍ മറന്നു പോയി.'-പി. രാജീവ് പറയുന്നു.