ശബരിമല തന്ത്രി കണഠര് രാജീവര് തന്നെ വോട്ട് ചെയ്ത് വിജയിപ്പിക്കുമെന്ന് പരസ്യമായി പറഞ്ഞിട്ടുണ്ടന്ന് മാവേലിക്കരയിലെ എല്‍ഡിഎഫ് സ്ഥാനാര്‍ഥി ചിറ്റയം ഗോപകുമാര്‍.

ഞാനൊരു വിശ്വാസിയാണ്. ശബരിമലയിലെ വിശ്വാസ സമൂഹവും എല്‍എഡിഎഫിന് ഒപ്പമാണെന്നും അടൂരില്‍ ഉപതെരഞ്ഞെടുപ്പ് വേണ്ടിവരുമെന്നും ചിറ്റയം വ്യക്തമാക്കി.

കെ.ബി ഗണേഷ്‌കുമാര്‍ എംഎല്‍എയുടെ പത്തനാപുരത്തെ വസതിലെത്തിയാണ് ചിറ്റയം ഗോപകുമാര്‍ തന്ത്രി വോട്ട് ചെയ്ത് വിജയിപ്പിക്കുമെന്ന വിവരം മാധ്യമപ്രവര്‍ത്തകരോട് അറിയിച്ചത്.

തെരഞ്ഞെടുപ്പ് ചൂടില്‍ ശബരിമല വിവാദങ്ങളും കത്തിക്കയറുകയാണ്.

ചിറ്റയം ഗോപകുമാറിന്റെ പ്രസ്താവനയോട് താഴമണ്‍ മഠത്തിലെ തന്ത്രി എപ്രകാരം പ്രതികരിക്കുമെന്നറിയാന്‍ വിശ്വാസ സമൂഹം ഉറ്റുനോക്കുകയാണ്.