തളര്ന്നു കിടന്ന പിതാവിന്റെ മുറിയില് മദ്യ ലഹരിയില് മകന് തീയിട്ടു, പിതാവ് പൊള്ളലേറ്റു മരിച്ച സംഭവത്തില് മകന് റിമാന്ഡില്
പൊന്നാനി ഈശ്വരമംഗലം കോട്ടത്തറ സ്വദേശി മാമ്പ്ര നാരായണന്(65) പൊള്ളലേറ്റു മരിച്ച സംഭവത്തില് മകന് റിമാന്ഡില്.
പൊള്ളലേറ്റ് ചികില്സയിലിരിക്കേ കഴിഞ്ഞ ദിവസമാണ് മരിച്ചത്. സംഭവത്തില് മകന് വിനോദി (27) നെ പൊന്നാനി പോലീസ് അറസ്റ്റ് ചെയ്തു.
പൊന്നാനി ജുഡീഷ്യല് മജിസ്ട്രേറ്റ് കോടതി യുവാവിനെ റിമാന്ഡ് ചെയ്തു. ചെയ്തു. ഒരാഴ്ച മുമ്പാണ് മരണത്തിനാസ്പദമായ സംഭവം നടന്നത്.
മദ്യപിച്ച് വീട്ടിലെത്തിയ മകന്, അച്ഛന് കിടക്കുന്നതിനടുത്തുള്ള വസ്ത്രങ്ങളും പുതപ്പും കൂട്ടിയിട്ട് കത്തിക്കുകയായിരുന്നു. വര്ഷങ്ങളായി കിടപ്പിലായ നാരായണന്റെ ദേഹത്തേക്കും തീ പടര്ന്നു. കിടപ്പിലായതിനാല് ഇയാള്ക്ക് രക്ഷപ്പെടാനും കഴിഞ്ഞില്ല.
ശരീരമാസകലം പൊള്ളലേറ്റ നിലയില് സ്വകാര്യ ആശുപത്രിയില് എത്തിച്ച നാരായണനെ പരിക്ക് ഗുരുതരമായതിനാല് കോഴിക്കോട് മെഡിക്കല് കോളജ് ആശുപത്രിലേക്കു മാറ്റുകയായിരുന്നു. വ്യാഴാഴ്ച പുലര്ച്ചെ അഞ്ചരയോടെ നാരായണന് മരിച്ചു.
സംഭവത്തില് ദുരൂഹതയുള്ളതായി നേരത്തെ സംശംയമുണ്ടായിരുന്നതിനാല് പൊന്നാനി പോലീസ് കേസെടുത്ത് അന്വേഷണം ആരംഭിച്ചിരുന്നു.
പിടിയിലായ പ്രതി ലഹരിക്ക് അടിമയായിരുന്നതായും പലപ്പോഴും പണത്തിന് വേണ്ടി വീട്ടുകാരെ ബുദ്ധിമുട്ടിച്ചിരുന്നതായും വിവരങ്ങളുണ്ടായിരുന്നു.
https://www.facebook.com/Malayalivartha
