ഗോവ മുഖ്യമന്ത്രി മനോഹര് പരീക്കർക്ക് ആദരാഞ്ജലി അർപ്പിച്ച് ആയിരങ്ങൾ
കഴിഞ്ഞ ദിവസം അന്തരിച്ച ഗോവൻ മുഖ്യമന്ത്രിയും മുൻ പ്രതിരോധ മന്ത്രിയുമായ മനോഹര് ഗോപാലകൃഷ്ണ പ്രഭു പരീക്കർക്ക് ആദരാഞ്ജലി അർപ്പിച്ച് ആയിരങ്ങൾ. ആശുപത്രിയില് സൂക്ഷിച്ചിരുന്ന മൃതദേഹം വിലാപ യാത്രയ്ക്കായി ബിജെപി സംസ്ഥാന ഓഫീസില് എത്തിച്ചു. നൂറുകണക്കിന് പ്രവര്ത്തകരാണ് വിലാപ യാത്രയില് അണിനിരന്നത്.
പ്രധാനമന്ത്രി, കേന്ദ്ര മന്ത്രിമാര്, മുതിര്ന്ന ബിജെപി നേതാക്കള് തുടങ്ങിയവര് അന്ത്യോപചാരം അര്പ്പിക്കാന് ഇന്ന് ഗോവയിലെത്തും. സംസ്കാരം വൈകിട്ട് അഞ്ചുമണിക്ക് തലസ്ഥാനമായ പനാജിയിൽ നടക്കും. ഏറെ നാളായി അര്ബുദ ബാധിതനായിരുന്ന മനോഹര് പരീക്കര് ഇന്നലെ രാത്രിയാണ് വിടവാങ്ങിയത്. രാഷ്ട്രപതി രാംനാഥ് കോവിന്ദാണ് മരണം സ്ഥിരീകരിച്ചത്.
രാജ്യമെങ്ങും ദുഃഖാചരണത്തിന് കേന്ദ്രസര്ക്കാര് നിര്ദേശം നല്കി. മൂന്ന് വട്ടം ഗോവ മുഖ്യമന്ത്രിയായ മനോഹര് പരീക്കര് മോദി മന്ത്രിസഭയില് മൂന്ന് വര്ഷം പ്രതിരോധമന്ത്രിയുമായിരുന്നു. ഐഐടി ബിരുദധാരിയായ രാജ്യത്തെ ആദ്യ മുഖ്യമന്ത്രി കൂടിയായിരുന്നു മനോഹര് പരീക്കര്.
https://www.facebook.com/Malayalivartha
