മുന് സംസ്ഥാന പോലീസ് മേധാവി റ്റി.പി. സെന്കുമാറിനെ ബി ജെ പിയും കേന്ദ്രസര്ക്കാരും കൈവിട്ടു... കേന്ദ്ര സര്ക്കാര് പത്മവിഭൂഷണ് നല്കി ആദരിച്ച നമ്പി നാരായണനെതിരെ സെന്കുമാര് പറഞ്ഞ മ്ലേഛമായ വാചകങ്ങളാണ് അദ്ദേഹത്തിന് വിനയായി തീര്ന്നത്
മുന് സംസ്ഥാന പോലീസ് മേധാവി റ്റി.പി. സെന്കുമാറിനെ ബി ജെ പിയും കേന്ദ്രസര്ക്കാരും കൈവിട്ടു. ഒരു വീണ്വാക്കാണ് സെന്കുമാറിനെ വലിയ തകര്ച്ചയിലെത്തിച്ചിരിക്കുന്നത്.
കേന്ദ്ര സര്ക്കാര് പത്മവിഭൂഷണ് നല്കി ആദരിച്ച നമ്പി നാരായണനെതിരെ സെന്കുമാര് പറഞ്ഞ മ്ലേഛമായ വാചകങ്ങളാണ് അദ്ദേഹത്തിന് വിനയായി തീര്ന്നത്. ബി ജെ പിയുടെ സമ്പൂര്ണ ആശീര്വാദത്തോടെയാണ് നമ്പി നാരായണന് പത്മവിഭൂഷണ് നല്കിയത്. അദ്ദേഹം ജീവിതത്തില് അനുഭവിച്ച പ്രതിസന്ധികള് കണക്കിലെടുത്താണ് പരമോന്നത പുരസ്കാരം നല്കാന് സര്ക്കാര് തീരുമാനിച്ചത്. അതിനെതീരെയാണ് സെന്കുമാര് സംസാരിച്ചത്.
നമ്പി നാരായണനെതിരെ സെന്കുമാര് രംഗത്ത് വരുന്നതു വരെ അദ്ദേഹം ബിജെപിയുടെ സമുന്നത നേതാവായിരുന്നു. സെന്കുമാറിനെ ആറ്റിങ്ങലില് മതിസരിപ്പിക്കാനും ബി ജെ പി ആലോചിച്ചിരുന്നു. നമ്പി നാരായണന് വിവാദം ഉണ്ടായതോടെ സെന്കുമാറിനെ ബിജെ പി പാടേ ഉപേക്ഷിച്ചു. അതിന്റെ കൂടെയാണ് കേരള ഹൈക്കോടതിയും സെന്കുമാറിന് എതിരായത്.
കേരള അഡ്മിനിസ്ട്രേറ്റീവ് െ്രെടബ്യൂണല് അംഗമായി നിയമിക്കാന് തന്റെ ഫയല് സുപ്രിംകോടതി ചീഫ്ജസ്റ്റീസിന് കൈമാറാന് കേന്ദ്ര പഴ്സണല് മന്ത്രാലയത്തിന് നിര്ദേശം നല്കണമെന്നാവശ്യപ്പെട്ട് സെന്കുമാര് സമര്പ്പിച്ച ഹര്ജിയാണ് ഹൈക്കോടതി തള്ളിയത് .
സെന്കുമാറിനെ നിയമിക്കുന്ന കാര്യത്തില് തങ്ങള്ക്ക് പരിമിതമായ അധികാരം മാത്രമാണുള്ളതെന്ന് കേന്ദ്ര സര്ക്കാര് നേരത്തെ സുപ്രീം കോടതിയെ അറിയിച്ചിരുന്നു.
ഐസ്ആര്ഒ ഉദ്യോഗസ്ഥനായിരുന്ന നമ്പി നാരായണനെ വ്യാജ കേസില് കുടുക്കാന് ശ്രമിച്ചു എന്ന പരാതിയില് സെന്കുമാറിനെതിരെ അന്വേഷണം നടക്കുകയാണെന്ന് സംസ്ഥാന സര്ക്കാരും കോടതിയെ അറിയിച്ചിരുന്നു.
തന്റെ നിയമനം തടസപ്പെടുത്താന് സംസ്ഥാന സര്ക്കാര് നിരന്തരം കേസെടുത്ത് അപമാനിക്കുകയാണെന്നും നഷ്ടപരിഹാരമായി 15 ലക്ഷം രൂപ നല്കാന് നിര്ദേശിക്കണമെന്നും സെന്കുമാര് ഹര്ജിയില് ആവശ്യപ്പെട്ടിരുന്നു.
എന്നാല് ഹൈക്കോടതി കേന്ദ്ര സംസ്ഥാന സര്ക്കാരുകളുടെ വാദം കണക്കിലെടുക്കുകയായിരുന്നു. കേന്ദ്രസര്ക്കാര് തനിക്ക് അനുകൂലമായി റിപ്പോര്ട്ട് ഫയല് ചെയ്യുന്നതിന് സെന്കുമാര് ചരടുവലിച്ചിരുന്നു ശ്രീധരന് പള്ളയും കുമ്മനവും സെന്കുമാറിനെ സഹായിക്കുന്ന മൂഡിലായിരുന്നു . ശ്രീധരന് പിള്ള സഹായിക്കാമെന്ന് സെന്കുമാറിന് വാഗ്ദാനം നല്കിയിരുന്നതാണ്. എന്നാല് നിര്ണായക ഘട്ടത്തില് അദ്ദേഹം സഹായിച്ചില്ല. അദ്ദേഹത്തിന് സഹായിക്കാന് കഴിയില്ലെന്നതാണ് സത്യം.
നരേന്ദ്രമോദിയും അമിത്ഷായുമായി അടുത്ത ബന്ധം പുലര്ത്തിയിരുന്ന വ്യക്തിയാണ് സെന്കുമാര്. പിണറായി സര്ക്കാര് അദ്ദേഹത്തെ വേട്ടയാടിയപ്പോഴെക്കെ കേന്ദ്രം അദ്ദേഹത്തിന്റെ സഹായത്തിനെത്തിയിരുന്നു. എന്നിട്ടും കേന്ദ്ര സര്ക്കാരിന്റെ നീക്കങ്ങള് ചോദ്യം ചെയ്തപ്പോഴാണ് സെന്കുമാര് കുഴപ്പത്തിലായത്.
സെന്കുമാര് പത്മ പുരസ്കാരം ആഗ്രഹിച്ചിരുന്നുവെന്നും അത് കിട്ടാതെ വന്ന നിരാശയിലാണ് കേന്ദ്ര സര്ക്കാരിനെതിരെ രംഗത്തെത്തിയതെന്നും കേള്ക്കുന്നുണ്ട്. ഇടതുപക്ഷമാണ് ഇത്തരം പ്രചരണങ്ങള് നടത്തുന്നത്. അതു കൊണ്ടുതന്നെ അത്തരം പ്രചരണങ്ങള്ക്ക് അടിസ്ഥാനമില്ല. ഏതായാലും സെന്കുമാര് സ്വയം കലമുടച്ചു എന്നു തന്നെ പറയേണ്ടി വരും.
"
https://www.facebook.com/Malayalivartha
