കെ സുരേന്ദ്രന് നേടുന്നത് 8 ലക്ഷം വോട്ട്; തെരഞ്ഞെടുപ്പിലെ പ്രധാന ചര്ച്ച ശബരിമലയെ കുറിച്ച് തന്നെ; ബി ജെ പിയെ അനുകൂലിച്ച് വീണ്ടും ടി പി സെന്കുമാര്
വീണ്ടും ടി പി സെന്കുമാര് ബി ജെ പിയെ അനുകൂലിച്ച് രംഗത്തെത്തിരിക്കുന്നു. ഇത്തവണ പത്തനംതിട്ട എന് ഡി എ സ്ഥാനാര്ഥി സുരേന്ദ്രനെ അനുകൂലിച്ചാണ് സെന്കുമാര് രംഗത്തെത്തിയത് കൂടെ ശബരിമലയും ശബരിമല പ്രചരണവിഷയം ആക്കരുതെന്ന തിരഞ്ഞെടുപ്പ് കമ്മീഷന്റെ ഉത്തരവ് നിലനില്ക്കുമ്പോളാണ് ചട്ടം ലംഘിച്ചുകെണ്ടുള്ള പ്രസ്താവനയുമായി ടി പി സെന്കുമാര് രംഗത്തെത്തുന്നത് എന്നത് ശ്രദ്ധേയമാണ്. തെരഞ്ഞെടുപ്പിലെ പ്രധാന ചര്ച്ച ശബരിമലയെ കുറിച്ച് തന്നെയെന്നും രണ്ട് മാസ പൂജക്കും ശബരിമലയില് പ്രശ്നമില്ല. ജനങ്ങള് ഇതെല്ലാം കാണുന്നുണ്ടെന്നും ടിപി സെന്കുമാര് പറഞ്ഞു. ഒരു വിഭാഗങ്ങളോട് എന്തിനാണ് സര്ക്കാര് ഇത്ര ധാര്ഷ്ട്യം കാണിക്കുന്നത്.കേരളത്തില് പ്രീണന രാഷ്ട്രീയത്തിന്റെ അവസാനമായിരിക്കും ഈ തെരഞ്ഞെടുപ്പോടെ ഉണ്ടാകുകയെന്നും ടിപി സെന്കുമാര് പറഞ്ഞു.
8 ലക്ഷം വോട്ട് കെ സുരേന്ദ്രന് പത്തനംതിട്ടയില് കിട്ടുമെന്നാണ് ടിപി സെന്കുമാറിന്റെ കണക്ക്. ശബരിമലയിലെ കാര്യങ്ങള് ചര്ച്ച ചെയ്യാന് പാടില്ലെന്ന് പറയുന്നത് സാധ്യമായ കാര്യമല്ല. ശബരിമല ചര്ച്ച ചെയ്യുക തന്നെ ചെയ്യും. കര്മ്മസമിതി ഹോര്ഡിംഗുകള് സ്ഥാപിച്ചതില് യാതൊരു ചട്ടലംഘനവും ഇല്ലെന്നും ടിപി സെന്കുമാര് പറഞ്ഞു.
കള്ളക്കേസെടുത്ത് തന്നെ കുടുക്കാന് സര്ക്കാര് നോക്കേണ്ടെന്ന് മുന് ഡിജിപി ടിപി സെന്കുമാര് നേരത്തെ വ്യക്തമാക്കിരുന്നു. തന്നെ കള്ളക്കേസില് കുടുക്കിയവരെ നിയമപരമായി നേരിടുമെന്നും സെന് കുമാര് പറഞ്ഞു. അയ്യപ്പ ഭക്തരെ കള്ളക്കേസില് കുടുക്കുന്നതിനെതിരെ തിരുവനന്തപുരത്ത് ശബരിമല കര്മ്മ സമിതിയുടെ നാമജപയജ്ഞത്തില് സംസാരിക്കുകയായിരുന്നു അദ്ദേഹം.
പോലീസ് നടപ്പിലേക്കേണ്ടത് നിയമം ആണ്. പരമാവധി രണ്ട് വര്ഷമേ പിണറായി വിജയന് ഇനി പോലീസിനെ നിയന്ത്രിക്കാന് കഴിയൂ. എല്ലാവര്ക്കും തുല്യമായ നിയമം നടപ്പിലാക്കണം. പിണറായി നിയമം അല്ല രാജ്യത്തിന്റെ നിയമങ്ങളാണ് പോലീസ് പാലിക്കേണ്ടത്. പൊതു പണിമുടക്കിലെ നാശ നഷ്ടങ്ങള്ക്ക് സര്ക്കാര് എന്തുകൊണ്ട് കേസ് എടുക്കുന്നില്ല.
സാഹായിച്ചവര്ക്ക് സഹായവും ഉപദ്രവിച്ചവര്ക്ക് ഉപദ്രവവും ഉണ്ടാകും. സത്യത്തിനും നീതിക്കും വേണ്ടി മാത്രമേ പ്രവര്ത്തിച്ചിട്ടുള്ളൂ. പോലീസ് ഭരണകൂടത്തിന്റ ചട്ടുകം അല്ലെന്നും സെന്കുമാര് പറഞ്ഞു.
https://www.facebook.com/Malayalivartha
