ശബരിമല യുവതീപ്രവേശനം നടന്ന സമയത്തും ശ്രീധരന്‍പിള്ള വര്‍ഗീയ വിദ്വേഷം പടര്‍ത്തുന്ന പ്രസംഗം നടത്തിയിരുന്നു. സംസ്ഥാന സര്‍ക്കാര്‍ ജാമ്യമില്ലാ വകുപ്പ് പ്രകാരം കേസ് എടുത്തിരുന്നു. ശ്രീധരന്‍പിള്ള അന്ന് കാസര്‍കോട് നിന്ന് പത്തനംതിട്ടയിലേക്ക് രഥയാത്ര നടത്തിയിരുന്ന സമയമായതിനാല്‍ ഹൈക്കോടതിയില്‍ നിന്ന് മുന്‍കൂര്‍ ജാമ്യം എടുത്തിരുന്നു. ശബരിമല ഒരു സുവര്‍ണാവസരം ആണെന്നും കന്നിമാസ പൂജസമയത്തും ചിത്തിര ആട്ടത്തിനും ശബരിമലയില്‍ സംഘര്‍ഷം സൃഷ്ടിച്ചത് യുവമോര്‍ച്ചാ ജില്ലാ നേതാക്കളുടെ നേതൃത്വത്തിലായിരുന്നെന്നുമാണ് ശ്രീധരന്‍പിള്ള കോഴിക്കോട് നടന്ന യുവമോര്‍ച്ച നേതൃയോഗത്തില്‍ പ്രസംഗിച്ചത്. അതിന്റെ വീഡിയോ പ്രവര്‍ത്തകരില്‍ ആരോ പുറത്ത് വിടുകയായിരുന്നു. സര്‍ക്കാര്‍ കേസ് എടുത്തെങ്കിലും പിന്നീടത് ഒത്തുതീര്‍പ്പാക്കിയെന്നാണ് അറിയുന്നത്.