കല്യോട്ട് കൊല്ലപ്പെട്ട യൂത്തുകോണ്ഗ്രസ് പ്രവര്ത്തകരിലൊരാളായ കൃപേഷിന്റെ വീടിന്റെ പാലുകാച്ചല് ഇന്ന്, ഓലക്കുടിലിനു മുന്നിലായി കൃപേഷിന്റെ അച്ഛന്റെ പേരില് പട്ടയംകിട്ടിയ ഭൂമിയിലാണ് വീടുയര്ന്നത്
കൃപേഷും ശരത്ലാലും കൊല്ലപ്പെട്ടപ്പോള് പുറംലോകം കണ്ട കാഴ്ചകളിലൊന്നായിരുന്നു കൃപേഷിന്റെ ഓലമേഞ്ഞ ഒറ്റമുറിവീട്. ഈ വീട്ടിലേക്കാണ് എ.ഐ.സി.സി. അധ്യക്ഷന് രാഹുല്ഗാന്ധിയുള്പ്പെടെ വന്നത്. കൃപേഷ് കൊല്ലപ്പെട്ടതിന്റെ അടുത്തദിവസംതന്നെ കല്യോട്ടെത്തിയ ഹൈബി ഈഡന് എം.എല്.എ.യാണ് കൃപേഷിന് വീടെടുത്തുകൊടുക്കുമെന്നു പ്രഖ്യാപിച്ചത്.
മാര്ച്ച് മൂന്നിന് കുറ്റിയടിക്കുകയുംചെയ്തു. മൂന്നു കിടപ്പുമുറി, അടുക്കള, സെന്ട്രല് ഹാള്, ഡൈനിങ് ഹാള് ഉള്പ്പെടെ 1100 സ്ക്വയര്ഫീറ്റ് വിസ്തീര്ണത്തിലാണ് വീടിന്റെ നിര്മാണം.ഓലക്കുടിലിനു മുന്നിലായി കൃപേഷിന്റെ അച്ഛന്റെ പേരില് പട്ടയംകിട്ടിയ ഭൂമിയിലാണ് വീടുയര്ന്നത്. ഹൈബി ഈഡന്റെ തണല് ഭവനപദ്ധതിയിലുള്പ്പെട്ട 30ാമത്തെ വീടാണിത്.
പ്രവാസി കോണ്ഗ്രസ് കാസര്കോട് ജില്ലാ കമ്മിറ്റി ഈ വീടിനോടുചേര്ന്ന് കുഴല്ക്കിണര് നിര്മിച്ചുനല്കി. നാട്ടുകാര് രംഗത്തിറങ്ങി വീട്ടിലേക്ക് റോഡും പണിതു. വെള്ളിയാഴ്ച രാവിലെ 11മണിക്ക് നടക്കുന്ന ചടങ്ങില് ഹൈബി ഈഡന് എം.എല്.എ., കോണ്ഗ്രസ് നേതാക്കളായ രാജ്മോഹന് ഉണ്ണിത്താന്, ഹക്കിം കുന്നില് എന്നിവര് സംബന്ധിക്കും.
"
https://www.facebook.com/Malayalivartha