പത്തനംതിട്ടയെ ഇളക്കിമറിക്കാന് അമിത്ഷാ; ലോക്സഭാ തെരഞ്ഞെടുപ്പില് പത്തനംതിട്ടയിലെ എന്ഡിഎ സ്ഥാനാര്ത്ഥി കെ സുരേന്ദ്രന്റെ പ്രചാരണാര്ത്ഥം ബിജെപി ദേശീയ അധ്യക്ഷന് അമിത് ഷാ ഇന്ന് കേരളത്തിലെത്തും
ലോക്സഭാ തെരഞ്ഞെടുപ്പില് പത്തനംതിട്ടയിലെ എന്ഡിഎ സ്ഥാനാര്ത്ഥി കെ സുരേന്ദ്രന്റെ പ്രചാരണാര്ത്ഥം ബിജെപി ദേശീയ അധ്യക്ഷന് അമിത് ഷാ ഇന്ന് കേരളത്തിലെത്തും. പ്രചാരണത്തിന്റെ ഭാഗമായി പത്തനംതിട്ടയില് റോഡ് ഷോ നടത്തും. വൈകിട്ട് മൂന്ന് മണിക്ക് സെന്റ് പീറ്റേഴ്സ് ജംഗ്ഷനില് നിന്നാകും റോഡ് ഷോ ആരംഭിക്കുക.
നഗരം ചുറ്റി ജില്ലാ സ്റ്റേഡിയത്തിലെത്തുന്ന അദ്ദേഹം പൊതു സമ്മേളനത്തില് സംസാരിക്കും. തുടര്ന്ന് നാലരയോട് കൂടി അദ്ദേഹം ആലപ്പുഴയിലെത്തും.
അതേസമയം, രാഹുല് ഗാന്ധി മത്സരിക്കുന്ന വയനാട്ടില് വോട്ടഭ്യര്ത്ഥിക്കാന് സഹോദരിയും എഐസിസി ജനറല് സെക്രട്ടറിയുമായ പ്രിയങ്ക ഗാന്ധി
എത്തി. പ്രചാരണത്തിന് ശേഷം വൈത്തിരിയില് തങ്ങുന്ന പ്രിയങ്ക ഞായറാഴ്ച തിരികെ മടങ്ങും. നേരത്തെ മാലേഗാവ് സ്ഫോടനക്കേസില് ആരോപണ വിധേയയായ സാധ്വി പ്രഗ്യ സിംഗ് താക്കൂറിന്റെ സ്ഥാനാര്ഥിത്വത്തെ ന്യായീകരിച്ച് ബിജെപി ദേശീയ അധ്യക്ഷന് അമിത്ഷാ രംഗത്ത്. ഹൈന്ദവ ഭീകരത എന്ന കോണ്ഗ്രസിന്റെ കണ്ടുപിടിത്തത്തിനുള്ള മറുപടിയാണ് സാധ്വി പ്രഗ്യയുടെ സ്ഥാനാര്ഥിത്വമെന്ന് അമിത്ഷാ പറഞ്ഞു. ഹൈന്ദവ ഭീകരയുടെ പേരില് കോണ്ഗ്രസ് ഇന്ത്യയെ ലോകത്തിന് മുന്നില് അപമാനിക്കുന്നുവെന്നും അദ്ദേഹം ആരോപിച്ചു.
അഴിമതിക്കേസില് ബിജു ജനതാദളിനെ അമിത്ഷാ വിമര്ശിച്ചു. ഒഡിഷയില് ബിജെപി അധികാരത്തിലെത്തിയാല് ചിട്ടി ഫണ്ട് അഴിമതിയില് ഉള്പ്പെട്ടവരെ 90 ദിവസത്തിനുള്ളില് ജയിലിലാക്കുമെന്നും അമിത്ഷാ പറഞ്ഞു.
പാകിസ്ഥാന് സ്പോണ്സര് ചെയ്യുന്ന ഭീകരവാദത്തെ തടയാന് രാഹുല് ഗാന്ധിക്ക് കഴിവില്ലെന്നും മോദിയുടെ നേതൃത്വത്തിനു കീഴില് മാത്രമെ രാജ്യം സുരക്ഷിതമായിരിക്കുകയുള്ളുവെന്നും അദ്ദേഹം പറഞ്ഞു. 2007ല് നടന്ന സംഝോത എക്സ്പ്രസ് സ്ഫോടനം, അതിനടുത്ത വര്ഷം നടന്ന മാലേഗാവ് മുസ്ലിംപള്ളിയിലെ സ്ഫോടനം എന്നിവയ്ക്ക് ശേഷമാണ് ഹിന്ദു ഭീകരത എന്ന വാക്ക് കോണ്ഗ്രസ് പ്രചരിപ്പിച്ചതെന്നും അമിത്ഷാ പറഞ്ഞു.
ഹിന്ദു ഭീകരത പ്രചരിപ്പിച്ചതിന് കോണ്ഗ്രസിനുള്ള ശിക്ഷയായിട്ടാണ് മാലേഗാവ് സ്ഫോടനക്കേസില് ആരോപണ വിധേയയായ സാധ്വി പ്രഗ്യയെ സ്ഥാനാര്ഥിയാക്കിയതെന്നും അമിത്ഷാ പറഞ്ഞു. കാവി ഭീകരത എന്ന ആശയം ദിഗ് വിജയ് സിംഗിന്റേതായിരുന്നുവെന്നും അതിനാലാണ് അദ്ദേഹത്തിനെതിരെ തന്നെ പ്രഗ്യയെ നിര്ത്തിയതെന്നും അമിത്ഷാ വ്യക്തമാക്കി.
ഒഡിഷയില് ബിജെപി അധികാരത്തിലെത്തിയാല് സംസ്ഥാനത്ത് കുടിവെള്ള പദ്ധതി, വൈദ്യുതി, വീട് എന്നിവ 2022 ഓടെ സാധ്യമാക്കുമെന്നും അമിത്ഷാ പറഞ്ഞു. ആയുഷ്മാന് ഭാരത് പദ്ധതി നടപ്പാക്കാത്തതില് നവീന് പട്നായിക് സര്ക്കാരിനെയും അമിത്ഷാ വിമര്ശിച്ചു.
https://www.facebook.com/Malayalivartha
