യേശുദേവന് കുരിശിലേറിയ മൂന്നാം നാള് ഉയര്ത്തെഴുന്നേറ്റതിന്റെ ഓര്മ്മ പുതുക്കി ക്രൈസ്തവ വിശ്വാസികള് ഇന്ന് ഈസ്റ്റര് ആഘോഷിക്കുന്നു, സംസ്ഥാനത്തെ വിവിധ ദേവാലയങ്ങളില് പ്രത്യേക പ്രാര്ത്ഥന ചടങ്ങുകളും ശുശ്രൂഷകളും നടന്നു
യേശുദേവന് കുരിശിലേറിയ മൂന്നാം നാള് ഉയര്ത്തെഴുന്നേറ്റതിന്റെ ഓര്മ്മ പുതുക്കി ക്രൈസ്തവ വിശ്വാസികള്ക്ക് ഇന്ന് ഈസ്റ്റര്. സംസ്ഥാനത്തെ വിവിധ ദേവാലയങ്ങളില് പ്രത്യേക പ്രാര്ത്ഥന ചടങ്ങുകളും ശുശ്രൂഷകളും നടന്നു. 50 ദിവസത്തെ വ്രതാനുഷ്ഠാനത്തിന് പരിസമാപ്തി കുറിച്ചാണ് യേശുവിന്റെ ഉയര്ത്തേഴുന്നേല്പ്പിന്റെ ആനന്ദം പങ്ക് വെച്ചാണ് െ്രെകസ്തവ വിശ്വാസികള് ഈസ്റ്റര് ആഘോഷിക്കുന്നത്.
തിരുവനന്തപുരം സെന്റ് ജോസഫ് കത്തീഡ്രലിലെ ഉയിര്പ്പിന്റെ ശുശ്രൂഷക്ക് ലത്തീന് അതിരൂപത ആര്ച്ച് ബിഷപ്പ് എം സൂസെപാക്യം മുഖ്യ കാര്മികത്വം വഹിച്ചു. കര്ദ്ദിനാള് ബസേലിയോസ് ക്ലിമ്മിസ് കത്തോലിക ബാവയാണ് പട്ടം സെന്റ് മേരീസ് കത്തീഡ്രലിലെ പ്രാര്ഥനക്ക് നേതൃത്വം നല്കിയത്. എറണാകുളം സെന്റ്. മേരീസ് ബസേലിക്കയില് നടന്ന ചടങ്ങുകള്ക്ക് മാര് ജോസ് പുത്തന് വീട്ടില് മുഖ്യ കാര്മികത്വം വഹിച്ചു. ഉയിര്പ്പിന്റെ ശുശ്രൂഷകള്ക്കും തിരുകര്മ്മങ്ങള്ക്കും ശേഷം മാര് ജോസ് പുത്തന്വീട്ടില് വിശ്വാസികള്ക്ക് ഉയിര്പ്പ് പെരുന്നാളിന്റെ സന്ദേശം നല്കി.
തുടര്ന്ന് വിശുദ്ധ കുര്ബാനയും പുലരും വരെ പ്രാര്ത്ഥന ചടങ്ങുകളും നടന്നു. എല്ലാ മലയാളികള്ക്കും മുഖ്യമന്ത്രി പിണറായി വിജയന് ഈസ്റ്റര് ആശംസകള് നേര്ന്നു. മാനവ സ്നേഹത്തിന്റെയും ത്യാഗത്തിന്റെയും മഹത്തായ സന്ദേശം നല്കുന്ന ഈസ്റ്ററിന് വര്ത്തമാനകാലത്ത് കൂടുതല് പ്രസക്തി ഉണ്ടെന്ന് മുഖ്യമന്ത്രി പറഞ്ഞു.
https://www.facebook.com/Malayalivartha
