ലോക്‌സഭ തിരഞ്ഞെടുപ്പില്‍ കേരളത്തില്‍ യു.ഡി.എഫിന് മുന്‍തൂക്കമെന്ന് സര്‍വെ ഫലം. സംസ്ഥാനത്ത് യു.ഡി.എഫും എല്‍.ഡി.എഫും തമ്മില്‍ ശക്തമായ മത്സരമാണ് നടക്കുക. എല്‍.ഡി.എഫിന് കുറഞ്ഞത് എട്ട് സീറ്റും പരമാവധി പത്ത് സീറ്റും, യു.ഡി.എഫിന് കുറഞ്ഞത് പത്ത് സീറ്റും പരമാവധി 12 സീറ്റും, എന്‍.ഡി.എയ്ക്ക് പരമാവധി രണ്ട് സീറ്റുമാണ് ലഭിക്കാന്‍ സാധ്യതയുണ്ടെന്നും സര്‍വ്വേ ഫലം വ്യക്തമാക്കുന്നു.

ഏറ്റവും ഒടുവിലത്തെ സാഹചര്യം അടിസ്ഥാനമാക്കിയാണ് വിവരങ്ങള്‍ ശേഖരിച്ചത്. സര്‍വേയില്‍ ചാലക്കുടിയല്‍ ഇന്നസെന്റ് തോല്‍ക്കുമെന്നും കോഴിക്കോട് എം.കെ രാഘവന്‍ വിജയിക്കുമെന്നും വ്യക്തമാക്കുന്നു. കാസര്‍കോട് യു.ഡി.എഫ് അട്ടിമറി വിജയം നേടുമെന്നും മാവേലിക്കരയില്‍ കൊടിക്കുന്നില്‍ വിജയിക്കുമെന്നും പ്രവചിക്കുന്നു. ആറ്റിങ്ങലിലും ആലത്തൂരിലും മികച്ച ജയം തന്നെ എല്‍.ഡി.എഫ് നേടും.

തിരുവനന്തപുരത്ത് ഇഞ്ചോടിഞ്ച് മത്സരം നടക്കുമെന്നും സര്‍വേ വിലയിരുത്തുന്നു. വടകരയില്‍ എല്‍.ഡി.എഫ് സ്ഥാനാര്‍ത്ഥി പി. ജയരാജന് മുന്‍തൂക്കം ലഭിക്കും.മോദിയേയും പിണറായിയേയും താരതമ്യപ്പെടുത്തുമ്പോള്‍ പിണറായി സര്‍ക്കാരിന് ലഭിച്ചത് 38.9ശതമാനം മാര്‍ക്കും മോദി സര്‍ക്കാരിന് ലഭിച്ചത് 20.4 ശതമാനവും ആണ്. സിസ്റ്റമാറ്റിക് റാന്‍ഡത്തിന്റെ അടിസ്ഥാനത്തില്‍ 7986 വോട്ടര്‍മാരില്‍ നിന്നാണ് അഭിപ്രായം തേടിയത്. മലയാളത്തിലെ പ്രമുഖ ചാനലാണ് സര്‍വെ നടത്തിയത്.