പരസ്യപ്രചാരണം അവസാനിക്കാന് ഒരു ദിവസം ശേഷിക്കേ പത്തനംതിട്ടയില് പ്രചാരണത്തിനെത്തിയ ബിജെപി ദേശീയ അധ്യക്ഷന് ഊന്നിയത് ശബരിമല വിഷയത്തില്, കെ സുരേന്ദ്രന് ബിജെപിയുടെ അല്ല, അയ്യപ്പ ഭക്തരുടെ സ്ഥാനാര്ത്ഥി ആണെന്ന് അമിത് ഷാ
പരസ്യപ്രചാരണം അവസാനിക്കാന് ഒരു ദിവസം ശേഷിക്കേ പത്തനംതിട്ടയില് പ്രചാരണത്തിനെത്തിയ ബിജെപി ദേശീയ അധ്യക്ഷന് ഊന്നിയത് ശബരിമല വിഷയത്തില്. കെ സുരേന്ദ്രന് ബിജെപിയുടെ അല്ല, അയ്യപ്പ ഭക്തരുടെ സ്ഥാനാര്ത്ഥി ആണെന്ന് അമിത് ഷാ പറഞ്ഞു. പത്തനംതിട്ടയിലെ മുഖ്യ പ്രചാരണ വിഷയം ശബരിമലയിലേക്കും ആചാരസംരക്ഷണത്തിലേക്കും മാത്രം കേന്ദ്രീകരിക്കാനാണ് ബിജെപി ശ്രമിക്കുന്നത്. കൊട്ടിക്കലാശത്തിന് മണിക്കൂറുകള് മാത്രം ശേഷിക്കേ ഏറ്റവും പ്രധാനപ്പെട്ട പ്രചാരകനെ തന്നെ രംഗത്തിറക്കി സുരേന്ദ്രന് അയ്യപ്പ ഭക്തരുടെ സ്ഥാനാത്ഥിയാണെന്ന് പ്രഖ്യാപിച്ചതിലൂടെ ബിജെപി മുന്നോട്ടുവയ്ക്കുന്ന സന്ദേശം വ്യക്തമാണ്. കനത്ത മഴ കാരണം ഏതാനം മിനുട്ട് നേരം മാത്രമാണ് അമിത് ഷാ സംസാരിച്ചത്.
നേരത്തേ പത്തനംതിട്ട നഗരത്തില് അമിത് ഷാ റോഡ് ഷോയും നടത്തി. മഴ കാരണം ഒരു കിലോമീറ്റര് മാത്രമായിരുന്നു റോഡ് ഷോ. പത്തനംതിട്ടയില് നിന്നും സമീപ ജില്ലകളിലും നിന്നെത്തിയ ആയിരക്കണക്കിന് പ്രവത്തകര് റോഡ് ഷോയില് പങ്കെടുത്തു. തിറോഡ് ഷോയ്ക്കിടെ പെയ്ത മഴ പ്രവര്ത്തകരുടെ ആവേശം കെടുത്തിയില്ല.
പത്തനംതിട്ടയിലെ ബിജെപി സ്ഥാനാര്ത്ഥി കെ സുരേന്ദ്രന്, ബിജെപി സംസ്ഥാന അധ്യക്ഷന് പി എസ് ശ്രീധന് പിള്ള, ജനപക്ഷം നേതാവ് പിസി ജോര്ജ്, മുന് ക്രിക്കറ്റ് താരവും ബിജെപി പ്രവര്ത്തകനുമായ ശ്രീശാന്ത് എന്നിവരും റോഡ് ഷോയില് പങ്കെടുത്തു. 7 നിയമസഭാ മണ്ഡലത്തില് നിന്നും റോഡ്ഷോയില് വന്തോതില് പ്രവര്ത്തകരെ അണിനിരത്താന് ബിജെപി നേതൃത്വത്തിന് ആയി. മഴ കനത്തതോടെ പുതിയ ബസ്റ്റാന്റ് പരിസരത്തെ പൊതുയോഗം ഉപേക്ഷിച്ച് അമിത് ഷാ മടങ്ങി. മഴ കാരണം ആലപ്പുഴയിലെ തെരഞ്ഞെടുപ്പ് പര്യടനവും അമിത് ഷാ പങ്കെടുത്തില്ല.
പ്രധാനമന്ത്രി നരേന്ദ്രമോദിയെ പത്തനംതിട്ടയില് എത്തിക്കാന് ബിജെപി ശ്രമിച്ചിരുന്നെങ്കിലും സുരക്ഷാ കാരണങ്ങള് കാരണം അത് നടന്നിരുന്നില്ല. രാഹുല് ഗാന്ധിയും സീതാറാം യെച്ചൂരിയും പിണറായി വിജയനുമടക്കം നിരവധി പ്രധാനപ്പെട്ട നേതാക്കള് പ്രചാരണത്തിന് എത്തിയിരുന്നു. മൂന്ന് മുന്നണികളും സകല സംഘടനാശേഷിയും ഉപയോഗിച്ച് വന് പ്രചാരണം സംഘടിപ്പിക്കുമ്പോള് ശക്തമായ ത്രികോണ മത്സരമാണ് പത്തനംതിട്ടയില് നടക്കുന്നത്.
"
https://www.facebook.com/Malayalivartha
